लेवी 22:2 - Sunuwar Bible

² “गे हारून नु आ तौ आन कली मार शेंचा माल्‍नेवे देंशा हना, ‘इस्राएलीपुकीमी आं कली चढ़ेशो थोव़क आन पर्बम होस पा बाक्‍कीन। मिनु आं नें कली ग्रांग्रा दिशो मसेलीन। गो परमप्रभु यावे नङ’ दे शेंचा माल्‍नेवे” दे परमप्रभु यावेम मोसा कली देंत।

लेवी 22:2 ပူးပေါင်းရင်းမြစ်များ

एज्रा 8:28

मिनु गो मेको आन कली “गे परमप्रभु यावे आ मुर बाक्‍नीनी। एको बोस यो परमप्रभु यावे आ बोस बाक्‍नीम। मुरपुकीमी एको सुन नु चांदी इन किकी पिपी आन परमप्रभु कली ग्‍येरशा गेशो बाक्‍‍नीम।

प्रस्‍थान 13:12

गे इन ङोंइती जरमेशो तौ नु इन बी ब्‍यफ, क्‍यारश भेडा आन ङोंइती जरमेशो परमप्रभु यावे कली गेचा माल्‍नीनी। ङोंइती जरमेशो बोहोर बोका परमप्रभु यावे केन नम।

प्रस्‍थान 28:38

मोपा मेको हारून आ कुप्‍फीम बाक्‍चा माल्‍ब। आ कुप्‍फीम पाइश्‍शा, इस्राएली आन मरिम्‍शो पशो कुरब। मिनु परमप्रभु कली चढ़ेशो रिम्‍शो दुम्‍नीम। परमप्रभु यावेमी आन चढ़ेशो ब्रवल, दे गेना हना यो आ कुप्‍फीम बाक्‍चा माल्‍ब।

यसैया 52:11

ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्‍शा, इन कली ठीक सेलीन।

इजीकीएल 44:8

गेपुकीम आं कली चढ़ेशो आ पर्बम होस मपनी। आं बाक्‍तीकेम इन गेय पचा कली गे अर्को रागी ङा मुर आन कली वोइश्‍शा आं खिं कोव़ब सेल्‍तीनी’ ” देंत।

लेवी 15:31

मोपा गे निक्‍शीमी इस्राएल ङा मुर आन कली ग्रांग्रा दितीक रे ङोन वोतीस। मो मपाइतीसी हना, मेकोपुकीम आं बाक्‍तीक ताम्‍बु ग्रांग्रा दिशो सेल्‍नीम। मिनु मेको आन ग्रांग्रा आ पर्बम बेक्‍नीम।

लेवी 18:21

गे मोलेक कली आंम तमी तौपुकी चढ़ेशा, आंम परमप्रभु यावे, इन परमप्रभु आ नें ग्रांग्रा मसेलीन। गो परमप्रभु यावे नङ।

लेवी 19:12

गेपुकीमी आं नें थिशा, जोल पा कसम मजने। मो पाइतीनी हना, गे इन परमप्रभु आ नें आइक्‍च सेल्‍नीनी। गो परमप्रभु यावे नङ। प्रस्‍थान २०:७; मत्ती ५:३३

लेवी 20:3

मेकोपुकीमी आन आल मोलेक कली चढ़ेमेनु, आं बाक्‍तीक ताम्‍बु नु आं ठेयब नें ग्रांग्रा दिशो सेल्‍तेक्‍म। मोपतीके गो आंमा मेको आन कली ब्रोंइचा मगेथु, आ मुर आन दाते रे क्‍याम्‍नुङमी।

लेवी 21:6

इन परमप्रभु कली ला गेय पाइब दुमीन। इन परमप्रभु आ नें ग्रांग्रा दिशो सेल्‍ब मदुम्‍नीम। मारदे हना गेपुकीमी परमप्रभु यावे कली मीम चोशा चढ़ेतीके चढ़ेनीनी। मोपतीके गेपुकी परमप्रभु कली ला गेय पाइब बाक्‍नीनी।

लेवी 22:1

परमप्रभु यावेमी मोसा कली

लेवी 22:32

गे आं ग्रांग्रा रे ङोन बाक्‍शो नें ग्रांग्रा दिशो मसेलीन। मोपतीके गो इस्राएली आन दातेमी का ला ठेयब दुम्‍ती। गो परमप्रभु यावे नङ। मिनु गो इन कली आंम आं मुर सेल्‍ता। लेवी २२:९,१६

गन्‍ती 18:32

मिनु गे मेको आन नेल्‍ल क्‍येङा रिम्‍शो भाग गेतीके इन कली मारेइ दोस मदुम्‍ब। तन्‍न इस्राएलीपुकीम आन परमप्रभु यावे कली गेशो थोव़क दूली पा मचलेने। मो पाइतीनी हना गे बेक्‍नीनी’ दे माइक्‍चा माल्‍नेवे” दे परमप्रभु यावेमी मोसा कली देंत।

ब्‍यवस्‍था 15:19

इन बी ब्‍यफ आ ङोंइती जरमेशो बाछा नु इन क्‍यारश भेडा आ ङोंइती जरमेशो पाठा परमप्रभु यावे, इन परमप्रभु कली गेचा माल्‍नीनी। इन ङोंइती जरमेशो ब्‍यफ लाइश्‍शा गेय मपचा। ङोंइती जरमेशो सांड आन कली ऊन मप्रेक्‍चा। प्रस्‍थान १३:२,१३-१६