लेवी 22:19 - Sunuwar Bible

¹⁹ मिनु परमप्रभु आ ङोंइती ब्रचा ङा पा मेकोमी मारेइ मदुम्‍शो थम रिम्‍शो ब्‍यफ, सांड कि बोका चढ़ेचा माल्‍ब।

लेवी 22:19 ပူးပေါင်းရင်းမြစ်များ

प्रस्‍थान 12:5

मेको पाठा मारेइ मदुम्‍शो थम रिम्‍शो नु बर्स का ङा बोका बाक्‍चा माल्‍ब। भेडा के हना यो, क्‍यारश के हना यो दुम्‍ब। लेवी २२:२०

लेवी 1:10

मेको आ चोशा चढ़ेतीक आ बगाल ङा क्‍यारश भेडा बाक्‍तेक्‍म हना, मेकोमी मारेइ मदुम्‍शो थम रिम्‍शो बोका, सांड चढ़ेचा माल्‍नीम।

लेवी 1:2

गे “इस्राएली आन कली ‘इन दाते ङा सुइम परमप्रभु यावे कली इन बी ब्‍यफ, क्‍यारश भेडा चढ़ेनीनु, आंम इन बगाल रे चढ़ेने।

लेवी 1:3

मेको चढ़ेशो बी ब्‍यफ चोशा चढ़ेतीक बाक्‍त हना, मेकोमी मारेइ मदुम्‍शो थमा रिम्‍शो बाछा चढ़ेचा माल्‍ब। मेकोमी मेको ग्रुम्‍तीक ताम्‍बु आ ओव़तीकेम चाक्‍चा माल्‍ब। मिनु मेको इन पर्बम परमप्रभु आ ङोंइती ब्रतीके दुम्‍ब। लेवी १७:४

लेवी 21:18

मारदे हना सुइ दूली मुर, मिक्‍च मताइब, खोइल मदुक्‍ब, आ कुल कि रां बिग्रेशो कि खोइल का लाइश्‍शो मुर परमप्रभु आ ङोंइती जाक्‍चा मदुम्‍ब।

लेवी 4:32

मेकोमी आ पाप आ पर्बम चढ़ेचा कली भेडा चाक्‍तु हना, मारेइ मदुम्‍शो थम रिम्‍शो भेडा चाक्‍चा माल्‍नीम।

मत्ती 27:19

मिनु निसाफ पचा कली बाक्‍मेनु, आ मीशेमी “मेको सुइ कली मरिम्‍शो मपाइब कली मारेइ मपतीने। मारदे हना मुलाक्‍दो इम्‍ङानु, मेको आ पर्बम गो शुश श्‍येत जचा ङा ङोमु ताता” दे शोव़थ सोइक्‍ता बाक्‍त।

मत्ती 27:24

मुरपुकीमी मोदेंशो रेयके पा प्रेक्‍शो तशा “मुल येसु कली प्रोंइने मचबु” दे मिम्‍शा “एको सुइ कली मरिम्‍शो मपाइब आ हुश इन गुइमी ला लुम्‍सेक्‍ल, आं गुइमी मलुम्‍सेक्‍ल” देंशा, नेल्‍ल आन कुल आ गुइ चिक्‍शा कोंइदीमी बाक्‍त। ब्‍यवस्‍था २१:६

मत्ती 27:4

“रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।

मत्ती 27:54

येसु कली खाल पाइब कप्‍तान नु सिपाहीपुकीमी ख्रिनु कुशा नु मोपा हिंचा ङा गेय दुम्‍शो तशा, शुश हिंशा “एको परमप्रभु यावे आ तौ बाक्‍माक्‍त” देंमुमा बाक्‍त।

लूका 23:14

“एको मुरुमी ‘पिप ममानेचा’ दे शेंना शेंन गाक्‍ब दे दोस गेतीनी। गो चहिं दोस ग्रुंइने मचबु।

लूका 23:41

गो सजाइ जचा माल्‍शो नस। मारदे हना खुइ पाइतस। एको मुरुमी चहिं मारेइ मरिम्‍शो मपावो” दे हुइक्‍ता बाक्‍त।

लूका 23:47

मेकेर बाक्‍ब कप्‍तानमी मो दुम्‍शो तशा “थमा पा, एको मुरुमी मरिम्‍शो गेय मपशो बाक्‍माक्‍त” देंशा, परमप्रभु यावे कली ठेयब सेला बाक्‍त।

यूहन्‍ना 19:4

मिनु पिलातस लेंशा, खिं रे ग्रूशा, लाङगामी रिम्‍शा बाक्‍शो आन कली “कोव़ङीन, गो एको कली ग्रुंइशा, गेपुकी नु ग्रुम्‍पाइक्‍नुङ। मारदे हना मरिम्‍शो पाइब मसुइक्‍नुङ, दे तुइक्‍तीन” दे माइक्‍तीमी।

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

एफिसी 5:27

मोदेंशो पा थमा सुइश्‍शा, छेङछेङ पाइश्‍शो मुरपुकी आंम कली वोइश्‍शो बाक्‍त। मेकोपुकी मारेइ मलुम्‍सीशो, मरोम्‍सीशो, थम दारशो नु परमप्रभु यावे आ मुर दुम्‍शा, दोस मताइब मुरपुकी बाक्‍नीमी। २कोरिन्‍थी ११:२; कलस्‍सी १:२२

ब्‍यवस्‍था 15:21

तन्‍न मेको ब्‍यफ, सांड कली मारेइ दुम्‍शो बाक्‍त हना, कोङटे बोङटे बाक्‍त हना, नु मिक्‍च मताइब मारेइ दुम्‍शो बाक्‍त हना, गेपुकीमी मेको कली परमप्रभु यावे, इन परमप्रभु कली चढ़ेचा मदुम्‍ब। लेवी २२:२०

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

१ पत्रुस 1:19

येसु ख्रीस्‍तमी मारेइ मदुम्‍शो पाठा बुद पा आंम हुश शाइक्‍पाइश्‍शा इन कली नरक रे प्रोंइतु। हिब्रू ९:१४; यसैया ५३:७; यूहन्‍ना १:२९

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।