लेवी 22:16 - Sunuwar Bible

¹⁶ मोदेंशो परमप्रभु कली चढ़ेशो जशो मुर दोस ताइनीम। मिनु मेकोमी गारशा आ पर्बम चढ़ेतीक चाक्‍चा माल्‍ब। मारदे हना मेकोमी परमप्रभु यावे कली चढ़ेशो जाप्‍तु ब्‍वाप्‍तु। गो परमप्रभु यावे नङ। मिनु गो मेको कली आंम आं मुर सेल्ता’ दे शेंदो” देंत।

लेवी 22:16 ပူးပေါင်းရင်းမြစ်များ

भजन संग्रह 38:4

आं मरिम्‍शो पशोमी आं पिया सम्‍म ग्रुम्‍शो बाक्‍ब। मेको आं कुरने मचाप्‍चा ङा पा हेल्‍शो बाक्‍नीम। बिलाप १:१४;

प्रस्‍थान 28:38

मोपा मेको हारून आ कुप्‍फीम बाक्‍चा माल्‍ब। आ कुप्‍फीम पाइश्‍शा, इस्राएली आन मरिम्‍शो पशो कुरब। मिनु परमप्रभु कली चढ़ेशो रिम्‍शो दुम्‍नीम। परमप्रभु यावेमी आन चढ़ेशो ब्रवल, दे गेना हना यो आ कुप्‍फीम बाक्‍चा माल्‍ब।

लेवी 10:17

“गेपुकीमी मारदे पाप आ पर्बम चढ़ेशो कली चोव़खो बाक्‍तीकेम मब्‍वनी? मारदे हना मेको थम चोव़खो बाक्‍ब। मिनु परमप्रभु यावेमी मुर आन पर्बम पाप क्‍याम्‍तीक गेय पचा, दे मेको इन कली गेशो बाक्‍ब।

लेवी 20:8

आं फुल्‍लुम मुशा ब्रेक्‍शो लोव़ इन थुंम वोइश्‍शा टिने। गो परमप्रभु यावे नङ। गो इन कली आं खोदेंशो सेल्‍नुङ।

लेवी 21:15

मगारचा ङा मीश मुर नु ग्‍युंबे पा, आंम जात नु आंम तमी तौ आन कली ग्रांग्रा दिशो सेल्‍चा मदुम्‍ब। मारदे हना गो परमप्रभु यावे नङ। गो मेको कली आंम मुर सेल्‍ता’ दे शेंदो” दे परमप्रभु यावेमी मोसा कली देंत।

लेवी 21:23

तन्‍न मेको फारशो वा नु चढ़ेतीक आ नेक्‍था जाक्‍चा मदुम्‍ब। मारदे हना मेको दूली मुर जाक्‍शा, आं बाक्‍तीक ताम्‍बु ग्रांग्रा दिशो मसेलल। गो परमप्रभु यावे नङ। गो मेको आन कली मेको आं के सेल्‍नुङ’ दे शेंदो” दे परमप्रभु यावेमी मोसा कली देंत।

लेवी 21:8

मिनु गे इस्राएलीपुकीमी चढ़ेब आन कली परमप्रभु आ गेय पाइब मिम्‍तीन। मारदे हना मेकोपुकी इन परमप्रभु आ जचा चढ़ेनीम। मेकोपुकी इन पर्बम परमप्रभु आ गेय पाइब दुम्‍शो बाक्‍नीम, दे मिम्‍तीन। मारदे हना इन कली ग्रांग्रा रे ङोन बाक्‍ब सेल्‍ब, गो ग्रांग्रा रे ङोन बाक्‍ब परमप्रभु यावेमी इन कली आं खोदेंशो सेल्‍नुङ।

लेवी 22:17

मिनु परमप्रभु यावेमी मोसा कली

लेवी 22:9

चढ़ेबपुकीमी आं देंशो टिचा माल्‍नीम। मो मपाम्‍तेक्‍म हना, मेकोपुकीमी आं देंशो मटितेक्‍म हना, मेकोपुकी दोस तशा आं बाक्‍तीक ताम्‍बुमी बेक्‍नीम। मिनु गो मेको आन कली आंम आं मुर सेल्‍ब परमप्रभु यावे नङ।

लेवी 7:18

मेको दुशा बाक्‍तीक आ पर्बम चढ़ेशो आ श्‍ये आ नित्‍थ नाक्‍त सम्‍म सुइम ब्‍वाप्‍तु हना, मेको काइ मदुम्‍ब। मेको मुरुमी यो मचढ़ेशो खोदेंशो दुम्‍ब। मेको श्‍ये ब्‍वचा ग्रांग्रा दित्‍चा ङा बाक्‍ब। मेको ब्‍वाइब मुर दोस ताइब।

गन्‍ती 18:1

मिनु परमप्रभु यावेमी हारून कली “गे इ तौपुकी नु इ आफ आ खिं ङा मुरुम परमप्रभु यावे आ बाक्‍तीक कली मरिम्‍शो पशो कुरचा माल्‍नीनी। मिनु गे नु इ तौपुकीमी चढ़ेतीक गेय पाइब आन मरिम्‍शो पशो कुरचा माल्‍नीनी। प्रस्‍थान २८:३८; लेवी १६:३२-३३

गन्‍ती 18:32

मिनु गे मेको आन नेल्‍ल क्‍येङा रिम्‍शो भाग गेतीके इन कली मारेइ दोस मदुम्‍ब। तन्‍न इस्राएलीपुकीम आन परमप्रभु यावे कली गेशो थोव़क दूली पा मचलेने। मो पाइतीनी हना गे बेक्‍नीनी’ दे माइक्‍चा माल्‍नेवे” दे परमप्रभु यावेमी मोसा कली देंत।

मत्ती 23:17

मिक्‍च मपाइश्‍शो मूर्खपुकी, सुन ठेयब मिम्‍सीबा, दे सुनमी ग्‍योम्‍सीशो खिं ठेयब मिम्‍सीबा?

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११