लेवी 22:15 - Sunuwar Bible

¹⁵ मोपा सुइमी इस्राएली आन परमप्रभु यावे कली चढ़ेशो थोव़क ग्रांग्रा सेल्‍चा मदुम्‍ब।

लेवी 22:15 ပူးပေါင်းရင်းမြစ်များ

प्रस्‍थान 28:43

मिनु हारून नु आ तौपुकी ग्रुम्‍तीक ताम्‍बु ओव़शा, चढ़ेतीक आ नेक्‍था लमानु, मेको वा फेक्‍सीशो बाक्‍चा माल्‍नीम। मफेक्‍साक्‍म हना, दोस तशा बेक्‍नीम। हारून नु आ चच युइ आन पाला नेल्‍लेमी गेना हना यो मोदेंशो पचा माल्‍नीम।

इजीकीएल 22:26

मेको आ चढ़ेबपुकीम आं शेंशो लोव़ प्रोंइतेक्‍म। आं थोव़कपुकी ग्रांग्रा दिशो सेल्‍तेक्‍म। मेकोपुकीम आं मार मार मुर आन थोव़क खोदेंशो सेल्‍तेक्‍म। मेकोपुकीमी मार ग्रांग्रा दिशो नु मार ग्रांग्रा मदिशो बाक्‍नीमी, मेको मशेंदेम। मेकोपुकीम आं नाइक्‍तीक नाक्‍त प्रेंताक्‍म। मोपा गो मेको आन दातेम महिक्‍सीशो दुम्‍शो बाक्‍नुङ। सेफन्‍याह ३:४; इजीकीएल ४४:२३; मत्ती २३:२५; लेवी १०:१०

लेवी 19:8

मेको ब्‍वाइब नेल्‍लेमी सजाइ ताइनीम। मारदे हना मेकोमी परमप्रभु यावे कली चढ़ेशो ग्रांग्रा दिशो सेल्‍शा, मेको कली मटीम। मिनु मोदेंशो मुर आन मुर रे तिल्‍चा पुंइसीनीम।

लेवी 22:16

मोदेंशो परमप्रभु कली चढ़ेशो जशो मुर दोस ताइनीम। मिनु मेकोमी गारशा आ पर्बम चढ़ेतीक चाक्‍चा माल्‍ब। मारदे हना मेकोमी परमप्रभु यावे कली चढ़ेशो जाप्‍तु ब्‍वाप्‍तु। गो परमप्रभु यावे नङ। मिनु गो मेको कली आंम आं मुर सेल्ता’ दे शेंदो” देंत।

लेवी 22:9

चढ़ेबपुकीमी आं देंशो टिचा माल्‍नीम। मो मपाम्‍तेक्‍म हना, मेकोपुकीमी आं देंशो मटितेक्‍म हना, मेकोपुकी दोस तशा आं बाक्‍तीक ताम्‍बुमी बेक्‍नीम। मिनु गो मेको आन कली आंम आं मुर सेल्‍ब परमप्रभु यावे नङ।

गन्‍ती 18:32

मिनु गे मेको आन नेल्‍ल क्‍येङा रिम्‍शो भाग गेतीके इन कली मारेइ दोस मदुम्‍ब। तन्‍न इस्राएलीपुकीम आन परमप्रभु यावे कली गेशो थोव़क दूली पा मचलेने। मो पाइतीनी हना गे बेक्‍नीनी’ दे माइक्‍चा माल्‍नेवे” दे परमप्रभु यावेमी मोसा कली देंत।