13 मेकोमी कन्ने मीश आल कली ला ग्युंबे पने चाप्ब।
मेको चढ़ेबपुकीमी आन वोंइश बेक्शो नु प्रोंइचा पुंइसीशो मीश मुर ग्युंबे पचा मदुम्नीम। मेकोपुकीम इस्राएल आ खिं मुर रे जरमेशो कन्ने मीश आल नु आन वोंइश बेक्शो चढ़ेब आन मीश कली ला ग्युंबे पने चाप्नीम।
मेको परमप्रभु यावे आ बाक्तीके ताम्बु रे ग्रूचा मदुम्ब। मोदेंशो पाप्तु हना, मेकोमी आंम परमप्रभु आ बाक्तीके ग्रांग्रा दिशो सेल्ब। मारदे हना मेको परमप्रभु आ तेल लुक्शो मुर बाक्ब। गो परमप्रभु यावे नङ।
आ वोंइश बेक्शो मीश मुर, आ वोंइश प्रोंइशो मीश मुर, ग्रांग्रा दिशो कि तेल्लेम मीश मुर चाक्ने मचाप्ब। मिनु मेकोमी आ जात ङा कन्ने मीश आल ग्युंबे पचा माल्ब।
गे चढ़ेबपुकीमी तेल्लेम मीश मुर, ग्रांग्रा दिशो मीश मुर नु आ वोंइशेमी प्रोंइशो मीश मुर चाक्चा मदुम्ब। मारदे हना गेपुकी परमप्रभु आ मुर बाक्नीनी।
इन कली मिम्शा, गो परमप्रभु यावेमी रुश पशो खोदेंशो दुम्ती। मारदे हना रिम्शो ग्युम्ली ग्युंबे पा गेशो खोदेंशो पा, इन कली ख्रीस्त कली गेतन्नी। एफिसी ५:२६-२७
मिनु मेको मुरपुकी रागी ङा पाप रे ङोन बाक्शो बाक्तेक्म। मिनु मेकोपुकी पाठा तेक तेक लमे, मेक मेक लाइबाक्तेक्म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्तेक्म। १कोरिन्थी ७:१,८
