लेवी 21:11 - Sunuwar Bible

¹¹ मेकोमी बेक्‍शो मुर बाक्‍तीके लशा, आंम कली ग्रांग्रा दिशो सेल्‍चा मदुम्‍ब। मेको आ आम आफ आ बेक्‍शो रां यो कोव़थ लचा मदुम्‍ब।

लेवी 21:11 ပူးပေါင်းရင်းမြစ်များ

लेवी 19:28

गेपुकी बेक्‍शो मुर आन पर्बम आंम रां क्‍योरशा गार मसेलीन। मिनु इन रांमी चिनु मखोपेन। गो परमप्रभु यावे नङ।

गन्‍ती 19:11

मिनु सुमी बेक्‍शो मुर कली थीबा, मेको ७ नाक्‍त सम्‍म ग्रांग्रा दिशोन बाक्‍ब।

गन्‍ती 19:14

मिनु मुर आ ताम्‍बुम बेक्‍त हना, मेको आ पर्बम पचा माल्‍शो गेय मार बाक्‍ब देंशा हना, सु मेको ताम्‍बुम बाक्‍बा, सु मेको ताम्‍बुम जाक्‍बा, मेको ७ नाक्‍त सम्‍म ग्रांग्रा दिशो बाक्‍नीम।

गन्‍ती 6:7

मेको आ आम आफ, आ लोक्‍बपुकी सु बेक्‍तेक्‍म हना यो, मेको आन पर्बम मेकोमी आंम कली ग्रांग्रा दिशो सेल्‍चा मदुम्‍ब। मारदे हना मेको आ पियाम आ परमप्रभु आ पर्बम दिल्‍शो चिन्‍ड बाक्‍ब। लेवी २१:११

लूका 14:26

“सु सु गो नु बाक्‍चा दाक्‍नीमी, मेकोपुकीमी आम आफ, आंम मीश, आंम वोंइश, तमी तौ, लोक्‍बपुकी नु आंम कली यो ममिम्‍थु, आं नोले खोइय्‍यीमील। मारदे हना मेको मिम्‍बपुकीमी आं नोले खोइक्‍ने मचाप्‍नीम। लूका १८:२९-३०; ब्‍यवस्‍था ३३:९; १कोरिन्‍थी ७:२९

२ कोरिन्‍थी 5:16

गो मुल रे मुर नेल्‍ल आन कली रागी ङा मुर खोदेंशो पा मकोव़नीकी। खेयप का गो ख्रीस्‍त कली मुर खोदेंशो पा कोव़तक। मुल मोदेंशो ममिम्‍नीकी।

ब्‍यवस्‍था 33:9

मेकोमी आ आम आफ आस पर्बम “गो मेको आस कली ममिम्‍नुङ। मेकोमी आं खिं ङा मुर आन कली प्रोंइतु। आ तौ आन कली मतुइक्‍त। मारदे हना मेकोमी इन लोव़ टिप्‍तु। मिनु गे नु कबल पशो बाक्‍त। प्रस्‍थान ३२:२७-२९; मत्ती १०:३७