लेवी 20:8 - Sunuwar Bible

⁸ आं फुल्‍लुम मुशा ब्रेक्‍शो लोव़ इन थुंम वोइश्‍शा टिने। गो परमप्रभु यावे नङ। गो इन कली आं खोदेंशो सेल्‍नुङ।

लेवी 20:8 ပူးပေါင်းရင်းမြစ်များ

प्रस्‍थान 31:13

“गे इस्राएली आन कली मार माइक्‍चा माल्‍नेवे देंशा हना ‘गेपुकीमी थमा पा आं नाइक्‍तीक नाक्‍ती मानेचा माल्‍नीनी। मारदे हना मेको गेपुकी नु इन चच युइ सम्‍म कली चिन्‍ड लीब। गो, परमप्रभु यावेमी, इन कली आं मुर सेल्‍ता, दे गे तुइक्‍नीनी। प्रस्‍थान २०:८; इजीकीएल २०:१२

इजीकीएल 20:12

मेको प्रोंइशा मेको आन कली नाइक्‍तीक नाक्‍त गेतामी। मेको गो नु मेको आन दातेमी चिन्‍ड का बाक्‍ब। मिनु गो, परमप्रभु यावेमी मेको आन कली आं मुर सेल्‍ताक्‍मी, दे तुइक्‍तमेक्‍ल। प्रस्‍थान ३१:१३-१७

इजीकीएल 37:28

मेना रागी रागी ङा मुरपुकीम गो, परमप्रभु यावेमीन इस्राएली आन कली आं मुर सेल्‍ता। मिनु आं बाक्‍तीके मेको आन दातेम गेना हना यो बाक्‍ब, दे यो तुइक्‍नीम” दे परमप्रभु यावेमी देंत। इजीकीएल ३६:२३

लेवी 19:19

गे आं फुल्‍लु मुशा ब्रेक्‍शो लोव़ पने। निक्‍शी खाल ङा जन्‍तु, बस्‍तु भाव आन कली मब्‍वाइक्‍तीन। इन रूमी निक्‍शी खाल ङा वांचेर मशोक्‍कीन। गेपुकीमी निक्‍शी खाल ङा श्‍येले ब्‍वाइश्‍शा प्रोव़शो वा मफेक्‍सीन। ब्‍यवस्‍था २२:९-११

लेवी 19:37

गे आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ नेल्‍ल थुंम वोइश्‍शा, पचा माल्‍नीनी। मारदे हना गो परमप्रभु यावे नङ” दे परमप्रभु यावेमी मोसा कली देंत।

लेवी 20:26

गेपुकी ग्रांग्रा दिशो क्‍येङा ङोन बाक्‍शो दुमीन। मारदे हना गो ग्रांग्रा दिशो क्‍येङा ङोन बाक्‍शो परमप्रभु यावे नङ। मिनु गो इन कली आं मुर दुम्‍चा कली अरु मुर रे तिल्‍शा योव़तन्‍नी।

लेवी 21:8

मिनु गे इस्राएलीपुकीमी चढ़ेब आन कली परमप्रभु आ गेय पाइब मिम्‍तीन। मारदे हना मेकोपुकी इन परमप्रभु आ जचा चढ़ेनीम। मेकोपुकी इन पर्बम परमप्रभु आ गेय पाइब दुम्‍शो बाक्‍नीम, दे मिम्‍तीन। मारदे हना इन कली ग्रांग्रा रे ङोन बाक्‍ब सेल्‍ब, गो ग्रांग्रा रे ङोन बाक्‍ब परमप्रभु यावेमी इन कली आं खोदेंशो सेल्‍नुङ।

लेवी 22:32

गे आं ग्रांग्रा रे ङोन बाक्‍शो नें ग्रांग्रा दिशो मसेलीन। मोपतीके गो इस्राएली आन दातेमी का ला ठेयब दुम्‍ती। गो परमप्रभु यावे नङ। मिनु गो इन कली आंम आं मुर सेल्‍ता। लेवी २२:९,१६

मत्ती 12:50

मारदे हना स्‍वर्गम बाक्‍ब आं आफ आ दाक्‍शो पाइबपुकीन आं ममा नु लोक्‍बपुकी नम” देंत। रोमी ८:२९

मत्ती 23:17

मिक्‍च मपाइश्‍शो मूर्खपुकी, सुन ठेयब मिम्‍सीबा, दे सुनमी ग्‍योम्‍सीशो खिं ठेयब मिम्‍सीबा?

मत्ती 5:19

सुमी परमप्रभु यावे आ अरेशो लोव़ के लोव़ का मपाइबा, मुर आन कली मो पचा शेंबा, मेको मुर स्‍वर्ग ङा राज्‍यमी नेल्‍ल क्‍येङा आइक्‍च दुम्‍ब। सुमी लोव़ का यो मप्रोंइथु, नेल्‍ल पशा ङा मिन, मुर आन कली शेंबा, मेको चहिं स्‍वर्ग ङा राज्‍यमी ठेयब दुम्‍ब। याकूब २:१०

मत्ती 7:24

सुमी आं लोव़ नेंशा, आं देंशो पवा, मेको निप्‍स खाप्‍शा, खिं सेल्‍ब खोदेंशो बाक्‍त। मेकोमी आ खिं सेरथे फुल्‍लु तारी सेल्‍तु।

यूहन्‍ना 13:17

गेपुकी आं देंशो लोव़ तुइश्‍शा पाइतीनी हना, गे आसीक रशा ग्‍येरसीशो मुर दुम्‍नीनी” दे येसुमी देंत। मत्ती ७:२४

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

१ थिस्‍सलोनिकी 5:23

थुं नाइक्‍पाइक्‍ब परमप्रभु यावेमी इन कली थम रिम्‍शो सेलल। इन सोक्‍त, थुं नु रां इं प्रभु येसु ख्रीस्‍त मयिम सम्‍म रिम्‍शो नु दोस मताइब दुम्‍शा बाक्‍मल।

२ थिस्‍सलोनिकी 2:13

प्रभु आ दाक्‍शो लोक्‍बपुकी, गोपुकीमी गेना हना यो इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्‍नीम, दे योव़तु। दोपा आ मुर दुम्‍नीनी देंशा हना, परमप्रभु यावे आ सोक्‍तीमी इन कली पाप रे ङोन वोइश्‍शा, थमा शेंतीके थमा सुइक्‍पाइक्‍तु। रोमी ८:३०

याकूब 1:22

गेपुकी परमप्रभु यावे आ लोव़ नेनीन। नेंचा ला ममाइ, मार मार देंशो बाक्‍मे, मेको यो पचा माल्‍नीनी। गेपुकीमी मेको लोव़ नेंशा मपाइतीनी हना, जोल पांइसीनीनी। मत्ती ७:२१; रोमी २:१३

प्रकाश 22:14

ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। प्रकाश ७:१४