लेवी 20:7 - Sunuwar Bible

⁷ मोपतीके आं कली जिम्‍मा गेंसीशा आं के दुमीन। मारदे हना गो परमप्रभु यावे, इन परमप्रभु नङ। लेवी १९:२

लेवी 20:7 ပူးပေါင်းရင်းမြစ်များ

लेवी 11:44

मिनु गो परमप्रभु यावे, इन परमप्रभु नङ। मोपतीके गेपुकी ग्रांग्रा दिशो मदुम्‍थु मेको रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ। गेपुकी खपीम ग्रे‍शा गाक्‍ब जन्‍तु रे ग्रांग्रा दिशो मदुमीन। लेवी १९:२

लेवी 11:45

गो परमप्रभु यावे, इन कली इजीप्‍त रागी रे ग्रुंइशा एक चाक्‍ब, इन परमप्रभु नङ। मोपतीके गेपुकी ग्रांग्रा दिशो रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ’ देनो” देंत।

लेवी 19:2

“इस्राएली आन ग्रुम्‍तीक ङा मुर नेल्‍ल आन कली ‘गेपुकी आं कली ला ठेयब सेलीन। मारदे हना गो परमप्रभु यावे, इन परमप्रभु का ला नङ। लेवी ११:४४-४५; मत्ती ५:४८; १ पत्रुस १:१५-१६

लेवी 21:15

मगारचा ङा मीश मुर नु ग्‍युंबे पा, आंम जात नु आंम तमी तौ आन कली ग्रांग्रा दिशो सेल्‍चा मदुम्‍ब। मारदे हना गो परमप्रभु यावे नङ। गो मेको कली आंम मुर सेल्‍ता’ दे शेंदो” दे परमप्रभु यावेमी मोसा कली देंत।

लेवी 21:23

तन्‍न मेको फारशो वा नु चढ़ेतीक आ नेक्‍था जाक्‍चा मदुम्‍ब। मारदे हना मेको दूली मुर जाक्‍शा, आं बाक्‍तीक ताम्‍बु ग्रांग्रा दिशो मसेलल। गो परमप्रभु यावे नङ। गो मेको आन कली मेको आं के सेल्‍नुङ’ दे शेंदो” दे परमप्रभु यावेमी मोसा कली देंत।

लेवी 21:8

मिनु गे इस्राएलीपुकीमी चढ़ेब आन कली परमप्रभु आ गेय पाइब मिम्‍तीन। मारदे हना मेकोपुकी इन परमप्रभु आ जचा चढ़ेनीम। मेकोपुकी इन पर्बम परमप्रभु आ गेय पाइब दुम्‍शो बाक्‍नीम, दे मिम्‍तीन। मारदे हना इन कली ग्रांग्रा रे ङोन बाक्‍ब सेल्‍ब, गो ग्रांग्रा रे ङोन बाक्‍ब परमप्रभु यावेमी इन कली आं खोदेंशो सेल्‍नुङ।

एफिसी 1:4

मोपतीके रागी सेल्‍चा क्‍येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्‍शा, दोस मताइब नु दाक्‍ब दुम्‍यल, दे योव़तु। रोमी ८:२८-३०; एफिसी ५:२७

कलस्‍सी 3:12

गेपुकी परमप्रभु यावे आ योव़शो, आंम आ दाक्‍शो मुर दुम्‍तीनी। मोपतीके शिशी पचा, रिम्‍शो पमुचा, ब्रेम्‍शो थुं पाइश्‍शो, ठेयब मलेत्‍थु टीब नु फाल्‍ब मुर दुमीने।

१ थिस्‍सलोनिकी 4:3

परमप्रभु यावे आ दाक्‍शो मार बाक्‍ब देंशा हना, मरिम्‍शो मपचा नु ग्रांग्रा दिशो गेय रे ङोन बाक्‍चा बाक्‍ब।

१ थिस्‍सलोनिकी 4:7

परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्‍चा कली योव़तु।

हिब्रू 12:14

मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२

यहोसु 24:19

मिनु यहोसुमी मुर आन कली “गेपुकीमी परमप्रभु यावे कली ठेयब सेल्‍ने मचाप्‍नीनी। मारदे हना मेको का ला परमप्रभु नु रुश पाइब परमप्रभु बाक्‍ब। मिनु मेकोमी इन मरिम्‍शो पशो नु इन पाप मक्‍याम्‍ब। ब्‍यवस्‍था २९:३; प्रस्‍थान २०:५

यहोसु 3:5

मिनु यहोसुमी मुर आन कली “गेपुकी आंम कली परमप्रभु यावे आ ङोंइती बाक्‍चा कली ठीक सेल्‍सीन। मारदे हना दीसा परमप्रभु यावेमी इं दातेमी छक लाक्‍चा ङा गेय पाइब” देंत। प्रस्‍थान १९:१०