लेवी 20:6 - Sunuwar Bible

⁶ सु मुर बेक्‍शो मुर रे लोव़ पाइब नु लिंक्‍यु कोव़ब आन कली “वारच पयी” दे आन बाक्‍तीके लाइबा, गो मेको कली ब्रोंइचा मगेथु, आ मुर आन दाते रे क्‍याम्‍नुङ। लेवी १९:३१

लेवी 20:6 ပူးပေါင်းရင်းမြစ်များ

भजन संग्रह 73:27

इन क्‍येङा ङोन बाक्‍बपुकी थमा पा जाम्‍शा लाइनीम। गे इन क्‍येङा नोले शोंइसीशो नेल्‍ल आन कली खतम पोक्‍नीनी।

प्रस्‍थान 22:17

तन्‍न मीश आल आ आफोमी आ तमी मगेप्‍तु हना, मेको वोंइश मुरुम कन्‍ने ग्‍युंबे पशो खोदेंशो पा, क्‍येट थाप्‍चा माल्‍ब।

प्रस्‍थान 22:18

टुना मुना पाइब कली ब्रोंइचा मगेचा। लेवी २०:६,२७; लेवी १९:३१; ब्‍यवस्‍था १८:१०; १सामुएल २९:९; मलाकी ३:५

यसैया 8:19

मिनु मुरपुकीमी इ कली “बेक्‍शो मुर आन कली हिल्‍लो पावो। लिंक्‍यु कोव़ब चाक्‍को। वोल आन कली लोव़ पपतो” दे लोव़ पाइनीम। मेको वोल आन रेयके नेंसीब। मिनु मार, सेस मुर आन पर्बम बेक्‍शो मुर आन कली हिल्‍लो पचा? मुरपुकीमी आन परमप्रभु कली हिल्‍लो पचा ममाल्‍नीमी ङा? २राजा १:३

येरमीया 44:11

मोपतीके मुर नेल्‍ल आन परमप्रभु यावे, इस्राएली आन परमप्रभुमी “गो इन कली ठेयब श्‍येत गेशा, यहूदा ङा मुर नेल्‍ल आन कली क्‍याम्‍नुङ। आमोस ९:४

इजीकीएल 6:9

मिनु मोदेंशो रागी रागीम ब्रोंइशा लीशोपुकी ग्‍याइश्‍शा लाइक्‍चा पुंइसीशो रागीम आं कली मिम्‍नीम। मिनु मेकोपुकीम आन दला दाक्‍स पशा, आं रे दिल्‍शा लशा, आन मूर्ति आन नोले खोइक्‍नी‍म। मेको आन पशो मरिम्‍शो नु ग्रांग्रा दिशो गेयम आंमा मुने दोक्‍नीम।

होसे 4:12

आं मुरपुकीमी शी के मूर्ति कली हिल्‍लो पाइनीम। मिनु मेकोपुकीमी कोक्‍केमी साहीत कोव़नीम। मारदे हना तेल्‍लेम पतीक थुंमी मेको आन कली हेंथे गाक्‍पाइश्‍शो बाक्‍ब। मेकोपुकीमी तेल्‍लेम पचा कली परमप्रभु कली प्रोंइतेक्‍म। येरमीया २:२७; होसे ५:४

लेवी 17:10

इस्राएली नु मेको आन दातेम बाक्‍ब अर्को रागी ङा मुर सुइमी हुश ब्‍वाम्‍तेक्‍म हना, गो मेको हुश ब्‍वाइब कली मरिम्‍शो पाइनुङ। मिनु मेको मुर कली आ मुर आन दाते रे क्‍याम्‍नुङ। लेवी ३:१७

लेवी 19:26

गेपुकीमी तेकोइ चिक्‍ब, जन्‍तु, बी बयफ, क्‍यारश भडा आन श्‍ये हुश सुन्‍दा मब्‍वने। मिनु गेपुकी लिंक्‍यु मकोव़ङीन। मिनु गे टुना मुना काइ मपने। लेवी ३:१७; ब्‍यवस्‍था १८:१०

लेवी 19:31

गेपुकी बेक्‍शो मुर रे लोव़ पाइब नु लिंक्‍यु कोव़ब कली ‘वारच पाइक्‍की’ दे आन बाक्‍तीके मलने। मेकोपुकी नु सल्‍ला पा, गे आंम कली ग्रांग्रा दिशो मसेल्‍सीन। गो परमप्रभु यावे, इन परमप्रभु नङ। लेवी २०:६; ब्‍यवस्‍था १८:१०-११; १सामुएल २८:७

लेवी 20:27

सु इन दातेमी वोंइश मुर कि मीश मुर बेक्‍शो मुर रे लोव़ पाइबा कि लिंक्‍यु कोव़नीम, मेको आन कली साइक्‍चा माल्‍ब। मेको आन कली फुल्‍लु आप्‍शा साइक्‍चा माल्‍ब। मेको साइक्‍चा पुंइसीनीम’ दे इस्राएली आन कली शेंदो” दे परमप्रभु यावेमी मोसा कली देंत। प्रस्‍थान २२:१७

लेवी 20:5

गो आंमा मेको नु आ खिं ङा मुर आन कली ब्रोंइचा मगेथु, मेको आन मुर आन दाते रे क्‍याम्‍नुङमी। मेको नु मेको आन नोले खोइक्‍ब मोलेक कली चढ़ेब नेल्‍ल आन कली क्‍याम्‍नुङमी।

गन्‍ती 15:39

मारदे मोदेंशो पचा माल्‍तीनी देंशा हना, गे मेको फेने तशा, परमप्रभु यावे आ शेंतीके नेल्‍ल मिम्‍शा, टिचा कली मोदेंशो पचा माल्‍नीनी। इन थुं ङा द‍ला दाक्‍स मपचा कली नु इन मिक्‍च कली पाप मपपाइक्‍चा कली मोदेंशो पचा माल्‍नीनी।

प्रेरित 16:16

मेकेर बाक्‍शा गो प्रार्थना पथ खोला आ नेक्‍था लना लन पकानु, काबु वाइलीम मीश आल का लांमी ग्रुम्‍तक। मेको मीश आल वोलम गेशो सक्ति तशा, मुर आन कली नोले दुम्‍ब लोव़ नेल्‍ल तुइक्‍पाइक्‍बाक्‍माक्‍त। मोपा आ होव़प आन कली शुश क्‍येट चेम्‍शा गेबाक्‍माक्‍त।