लेवी 2:15 - Sunuwar Bible

¹⁵ मेको तारी तेल लुक्‍शा, धूप वोइक्‍चा माल्‍ब। मेको अन्‍न चढ़ेतीक बाक्‍ब।

लेवी 2:15 ပူးပေါင်းရင်းမြစ်များ

प्रस्‍थान 29:2

मिनु रिम्‍शो चेरब फस के बोरब ओख्‍ती मसुप्‍शो शोब्‍ले, तेल ब्‍वाइश्‍शो जिज शोब्‍ले नु तेल ख्रेक्‍शो बोरब ओख्‍ती मसुप्‍शो शोब्‍ले सेल्‍पाइक्‍चा माल्‍नेवे।

प्रस्‍थान 30:34

मिनु परमप्रभु यावेमी मोसा कली “ब्रोव़शो रिना पाइब थोव़क मार ब्‍वाइक्‍पाइक्‍चा माल्‍नेवे देंशा हना, चोव़क, कुन्‍दापुरी, ब्रोव़शो रिना पाइब रवा आ दूध नु मारेइ मब्‍वाइश्‍शो मूरे, उइक्‍थ उइक्‍थ पा नाक्‍शा ब्‍वाइक्‍पाइक्‍चा माल्‍नेवे।

लेवी 2:1

मिनु सुइ मुरुमी परमप्रभु यावे कली अन्‍न चढ़ेचा थुं पाप्‍तु हना, मेको अन्‍न चढ़ेतीक थम रिम्‍शो फस बाक्‍चा माल्‍ब। मिनु मेकोमी मेकेर तेल लुक्‍शा, धूप सुप्‍चा माल्‍नीम। लेवी ७:१०; गन्‍ती १५:४

लेवी 2:14

परमप्रभु यावे कली ङोंइती मीशो अन्‍न चढ़ेचा थुं पाइतीनी हना, इन ङोंइती मीशो नक बाला आन अन्‍न मीम क्रोइश्‍शा चढ़ेन। ब्‍यवस्‍था २६:२-११

लेवी 2:16

मिनु चढ़ेबमी मेको तेल लुक्‍शा, धूप वोइश्‍शो रे मुठी का हुइश्‍शा, मीम चोचा माल्‍ब। मेको परमप्रभु यावे कली मीम चोशा चढ़ेतीक बाक्‍ब।

लेवी 5:11

तन्‍न ढुकुर निक्‍शी नु परवा निक्‍शी यो चाक्‍ने मचाप्‍तु हना, मेकोमी मार पाप पशो बाक्‍मे, मेको पाप आ पर्बम एफाह का ङा १० भाग थम रिम्‍शो फस चाक्‍चा माल्‍ब। मेकोमी मेको फस तार तेल लुक्‍चा नु धूप वोइक्‍चा मदुम्‍ब। मारदे हना मेको पाप आ पर्बम चढ़ेतीके बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा १० भाग २ लिटर नु इच्‍का खोइ खोदेंशो बाक्‍ब।

गन्‍ती 15:4

मिनु सुमी परमप्रभु यावे कली चढ़ेबा, मेकोमी अन्‍न चढ़ेतीके यो चढ़ेचा माल्‍ब। मेको अन्‍न चढ़ेतीक एफाह का ङा १० भाग ङा भाग का रिम्‍शो फस, हिन का ङा ४ भाग ङा भाग का तेल ब्‍वाइश्‍शा, चढ़ेचा माल्‍नीनी। एफाह का २२ लिटर पुक्‍तीके बाक्‍ब। हिन का ४ लिटर खोदेंशो बाक्‍ब। लेवी २:-; गन्‍ती २८:५