लेवी 2:10 - Sunuwar Bible

¹⁰ मेको अन्‍न चढ़ेतीके आ लीशो चहिं हारून नु आ तौ आन के दुम्‍ब। मेको परमप्रभु यावे कली मीम चोशा चढ़ेतीक ङा नेल्‍ल क्‍येङा चोव़खो चोशा चढ़ेतीक बाक्‍ब।

लेवी 2:10 ပူးပေါင်းရင်းမြစ်များ

२ इतिहास 31:14

मिनु इम्‍नाह आ तौ कोरे पूर्ब ङा लाप्‍चो खाल पाइब लेवी बाक्‍माक्‍त। मेकोमी मुर आन परमप्रभु कली ग्‍येरशा चढ़ेतीक गेशो मारेइ मारेइ कोव़ब बाक्‍माक्‍त। मिनु चढ़ेशो, चाक्‍शो मारेइ मारेइ परमप्रभु यावे कली नु सु सु कली योक्‍चा माल्‍बा, मेको नेल्‍ल कोव़ब बाक्‍माक्‍त।

एज्रा 2:63

मिनु ऊरीम नु थुम्‍मीममी गेय पने चाप्‍ब चढ़ेब का मग्रूम सम्‍म मेकोपुकीमी नेल्‍ल क्‍येङा चोव़खो चढ़ेतीक थोव़क रे जचा मताम।

इजीकीएल 44:29

मेकोपुकीम अन्‍न चढ़ेशो, पाप आ पर्बम चढ़ेशो नु दोस आ पर्बम चढ़ेशो जचा माल्‍नीम। इस्राएलम परमप्रभु यावे कली गेचा माल्‍शो थोव़क नेल्‍ल मेको आन के दुम्‍ब। गन्‍ती १८:१४

इजीकीएल 46:20

मिनु मेकोम आं कली “एकेर चढ़ेबपुकीम दोस आ पर्बम चढ़ेतीक नु पाप आ पर्बम चढ़ेतीक आन श्‍ये लोप्‍नीम। मिनु चढ़ेशो अन्‍न के मार मार चोइनीम। मोपा मेकोपुकीम चढ़ेशो थोव़क लाङगा गे ङा लाङगाम मग्रुंइनीम। मारदे हना मुर आन कली मरिम्‍शो मदुम्‍ल” देंत।

लेवी 10:12

मिनु मोसामी हारून नु आ लीशो तौ एलाजर नु इथामार आन कली “परमप्रभु यावे कली मीम चोशा अन्‍न चढ़ेशो रे लीशो बोरब ओख्‍ती मसुप्‍थु चढ़ेतीके आ नेक्‍था बाक्‍शा जने। मारदे हना मेको थम चोव़खो बाक्‍ब। लेवी ९:१७,१८

लेवी 14:13

मिनु मेकोमी पाप आ पर्बम चढ़ेतीक नु चोशा चढ़ेतीक साइक्‍तीके मेको चोव़खो बाक्‍तीकेम साइक्‍चा माल्‍ब। मारदे हना गारचा आ पर्बम चढ़ेशो नु पाप आ पर्बम चढ़ेशो चढ़ेब के दुम्‍ब। मेको थम चोव़खो बाक्‍ब। लेवी ७:७

लेवी 2:3

मेको अन्‍न चढ़ेशो रे लीशो चहिं हारून नु आ तौ आन के दुम्‍ब। मेको परमप्रभु यावे कली मीम चोशा चढ़ेतीक ङा नेल्‍ल क्‍येङा चोव़खो चोशा चढ़ेतीक बाक्‍ब। लेवी ६:२२

लेवी 21:22

मेकोमी आंम परमप्रभु कली चढ़ेशो नु चोव़खो नु थम चोव़खो जचा थोव़क चहिं जने ब्‍वने चाप्‍ब।

लेवी 5:13

मोपा मेको चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेकोमी माफ ताइब। मेको रे लीशो चहिं अन्‍न चढ़ेशो खोदेंशो पा चढ़ेब आन के दुम्‍ब’ दे इस्राएली आन कली देनो” दे परमप्रभु यावेमी देंत। लेवी २:३

लेवी 6:16

मिनु लीशो हारून नु आ तौपुकीम जचा माल्‍नीम। तन्‍न मेको चोव़खो बाक्‍तीकेमी बोरब ओख्‍ती मसुप्‍थु, चोशा जचा माल्‍नीम। मेकोपुकीमी ग्रुम्‍तीक ताम्‍बु आ लाङगाम बाक्‍शा, जचा माल्‍नीम।

लेवी 6:23

मिनु चढ़ेब आन अन्‍न चढ़ेतीक नेल्‍ल चोचा माल्‍नीम। मेको जचा मदुम्‍ब” देंत।

लेवी 6:9

“गे हारून नु आ तौ आन कली चोशा चढ़ेचा आ पर्बम अरेमी। मेको चोशा चढ़ेतीक नाक्‍दो रे सुनी सम्‍म चढ़ेतीके शी तार बाक्‍चा माल्‍ब। मिनु चढ़ेतीक ङा मी यो ब्रस ङा ब्रस बाक्‍चा माल्‍ब।

लेवी 7:7

गारचा आ पर्बम चढ़ेतीके पाप आ पर्बम चढ़ेतीक खोदेंशो बाक्‍ब। पतीक गेय यो कान बाक्‍ब। मिनु तेको चढ़ेबम मेको पाप क्‍याम्‍तीक गेय पवा, मेको मेको केन दुम्‍ब।

गन्‍ती 18:9

मिनु मी रे पा प्रोंइशा आं कली चढ़ेशो इन कली मार बाक्‍ब देंशा हना, मेको आं कली नेल्‍ल क्‍येङा चोव़खो चढ़ेशो अन्‍न चढ़ेशो बाक्‍त हना यो, पाप आ पर्बम चढ़ेशो बाक्‍त हना यो नु गारचा आ पर्बम चढ़ेशो नेल्‍ल इ कली नु इ तौ आन कली बाक्‍ब।

१ सामुएल 2:28

गो इस्राएल ङा थर नेल्‍ल रे मेको कली आं कली चढ़ेब दुम्‍पाइक्‍चा कली योव़ता। आं कली चढ़ेतीकेम चढ़ेचा, आं कली धूप चोचा, नु आं ङोंइती निसाफ पतीक ऊरीम नु थुम्‍मीम बाक्‍शो झोला फेक्‍चा कली योव़ता। इस्राएल ङा मीम चढ़ेशो नेल्‍ल इ आफ आ खिं ङा मुर आन कली गेता। ब्‍यवस्‍था १८:१; गन्‍ती १८:८-२०