लेवी 19:8 - Sunuwar Bible

⁸ मेको ब्‍वाइब नेल्‍लेमी सजाइ ताइनीम। मारदे हना मेकोमी परमप्रभु यावे कली चढ़ेशो ग्रांग्रा दिशो सेल्‍शा, मेको कली मटीम। मिनु मोदेंशो मुर आन मुर रे तिल्‍चा पुंइसीनीम।

लेवी 19:8 ပူးပေါင်းရင်းမြစ်များ

प्रस्‍थान 30:33

सुमी मेको खोदेंशो पा ब्‍वाइश्‍शा तेल सेल्‍बा नु अरु मुर आन कली ख्रेक्‍बा, मेको मुर आ थर रे तिल्‍चा पुंइसीब” दे परमप्रभु यावेमी मोसा कली दें‍त।

लेवी 19:7

आ नित्‍थ नाक्‍त मेको ब्‍वाइताक्‍नी हना, थम ग्रांग्रा दुम्‍ब। मिनु मेको चढ़ेशो मब्राइब।

लेवी 19:9

मिनु गे इन बाली नाली रिक्‍नीनु, रू आ सुर सुर सम्‍म मरिक्‍कीन। सिला बाला मगुपीन। लेवी २३:२२; ब्‍यवस्‍था २४:१९; रूथ २:२,१५,१६

लेवी 22:15

मोपा सुइमी इस्राएली आन परमप्रभु यावे कली चढ़ेशो थोव़क ग्रांग्रा सेल्‍चा मदुम्‍ब।

लेवी 5:1

मिनु मुर कामी मार मार तशा तुइश्‍शा यो, सांकछी दुम्‍चा कली ब्रेत्‍मेनु, सांकछी दुम्‍चा कली मजाक्‍बा, मेकोमी आ तशो तुइश्‍शो मदेंत हना, मेको आ पर्बम दोस ताइब दुम्‍ब। न्‍यायाधीस १७:२; हितोपदेस २९:२४

लेवी 7:20

तन्‍न सुइ ग्रांग्रा दिशो दुम्‍शा, परमप्रभु यावे कली दुशा बाक्‍चा आ पर्बम चढ़ेशो श्‍ये ब्‍वाप्‍तु हना, मेको आ खिं ङा मुर रे तिल्‍चा पुंइसीब।

लेवी 7:21

मिनु इन दातेमी सुमी मारेइ मारेइ ग्रांग्रा दिशो थोव़क थिशा, मुर आन ग्रांग्रा दिशो, ग्रांग्रा दिशो जन्‍तु कि मारेइ ग्रांग्रा दिशो थिप्‍तु हना, नोले परमप्रभु यावे कली दुशा बाक्‍चा आ पर्बम चढ़ेशो श्‍ये ब्‍वाप्‍तु हना, मेको आ खिं ङा मुर रे तिल्‍चा पुंइसीब’ दे माइक्‍मी” दे परमप्रभु यावेमी मोसा कली देंत।