लेवी 19:4 - Sunuwar Bible

⁴ गे मूर्ति कली पूजा मपने। मिनु गे आंम कली मूर्ति मसेलीन। गो परमप्रभु यावे, इन परमप्रभु नङ। प्रस्‍थान २०:३; प्रस्‍थान ३४:१७

लेवी 19:4 ပူးပေါင်းရင်းမြစ်များ

१ राजा 14:9

तन्‍न गे इ क्‍येङा ङोंइती ङा मुर नेल्‍ल आन क्‍येङा यो शुश मरिम्‍शो पाप्‍तीवी। गे इ कली यपाइश्‍शा देवी देवता आन मूर्ति सेल्‍शा, आं कली गाइक्‍पाइक्‍ती। मिनु गे नोले शोंइसाक्‍वे।

१ इतिहास 16:26

मारदे हना जात जात ङा मुर आन देवी देवता नेल्‍ल मूर्ति बाक्‍नीम। तन्‍न परमप्रभु यावेमी सरीङ सेल्‍शो बाक्‍ब।

२ इतिहास 28:2

मेको इस्राएल ङा पिप आन लांम गाक्‍माक्‍त। मिनु चेम्‍शा बाल देवता आ मूर्तिपुकी सेला बाक्‍त।

भजन संग्रह 96:5

मारदे हना जात जात ङा मुर आन देवी देवता शोर गाक्‍शो मूर्ति ला बाक्‍नीम। तन्‍न परमप्रभु यावेमी सरीङ सेल्‍तु।

प्रस्‍थान 20:23

गे गो नु देवी देवता मसेलीन। गे आंम कली सुन नु चांदी के देवी देवता मसेलीने।

प्रस्‍थान 32:4

मिनु हारूनमी मेको सुन आन गुइ रे ताक्‍शा, यपाइश्‍शा, बाछा का सेला बाक्‍त। मिनु इस्राएलीपुकीमी “इस्राएल ङा मुरपुकी, एकोन इं देवता बाक्‍ब। एकोमी इं कली इजीप्‍त रागी रे ग्रुंइताक्‍व” दे मुमा बाक्‍त। १राजा १२:२८; भजन संग्रह १०६:१९-२०; प्रेरित ७:४१

प्रस्‍थान 34:17

गेपुकीमी आंम कली मूर्ति मचेम्‍सीन। प्रस्‍थान २०:४

लेवी 11:44

मिनु गो परमप्रभु यावे, इन परमप्रभु नङ। मोपतीके गेपुकी ग्रांग्रा दिशो मदुम्‍थु मेको रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ। गेपुकी खपीम ग्रे‍शा गाक्‍ब जन्‍तु रे ग्रांग्रा दिशो मदुमीन। लेवी १९:२

लेवी 19:25

तन्‍न ५ बर्सम गेपुकीम मेको फल फुल जने चाप्‍नीनी। मिनु मेको रवा इन कली शुश सिप्‍ब दुम्‍नीम। गो परमप्रभु यावे, इन परमप्रभु नङ।

लेवी 19:5

गे दुशा बाक्‍चा आ पर्बम परमप्रभु यावे आ ङोंइती चढ़ेनीनु, परमप्रभु यावेमी ब्रचा ङा पा चढ़ेने। लेवी ७:१२-१८;

लेवी 26:1

मिनु लेंशा परमप्रभु यावेमी मोसा कली “गेपुकीमी इन कली मूर्तिपुकी मसेलीन। मिनु आंम कली मुशा मूर्ति नु पूजा पचा कली थाम मवोतीन। मिनु इन रागीमी मुशो फुल्‍लु मवोतीन। मेको कली पूजा पा आन ङोंइती मबपीन। मारदे हना गो परमप्रभु यावे, इन परमप्रभु नङ। प्रस्‍थान २०:४-५

हाग्‍गै 2:18

मुल ९ महिना २४ नाक्‍ती, परमप्रभु यावे आ खिं ङा जग वोइश्‍शो नाक्‍त रे मार दुम्‍बा, मेको कोव़ङीन।

१ कोरिन्‍थी 10:14

आं दाक्‍शो लोक्‍बपुकी, मूर्ति पूजा पचा प्रोनीन। १यूहन्‍ना ५:२१

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३

ब्‍यवस्‍था 4:16

मिनु गे इन कली मूर्ति सेल्‍शा, खतम मसेल्‍सीन। गे होस पा बाक्‍कीन। तेकोइ वोंइश मुर, मीश मुर, प्रस्‍थान २०:४

ब्‍यवस्‍था 7:25

गेपुकीमी मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। मूर्तिम बाक्‍शो सुन चांदी बाक्‍त हना, वाल्‍शा आंम कली मवोंइसीन। मारदे हना मोदेंशो पाइतीनी हना, इन कली मरिम्‍शो दुम्‍ब। मेको परमप्रभु यावे, इन परमप्रभु कली ग्रांग्रा बाक्‍ब।

१ यूहन्‍ना 5:21

मोपतीके “आं आइक्‍च आलपुकी, मूर्ति रे ङोन बाक्‍कीन” दे इन कली ब्रेक्‍शा अरेतन्‍नी। १कोरिन्‍थी १०:१४