लेवी 19:32 - Sunuwar Bible

³² गे खूशो आ ङोंइती बोक्‍कीन। खाल्‍पी खाल्‍पा आन कली मान पने। मिनु इन परमप्रभु कली मान पा हिनीन। गो परमप्रभु यावे नङ।

लेवी 19:32 ပူးပေါင်းရင်းမြစ်များ

उत्पत्ती 31:35

मिनु राहेलमी “आं प्रभु, मगाइक्‍तीने, गो इन ङोंइती बोक्‍ने मचाप्‍नुङ, मारदे हना गो मथिचा दुम्‍ती” देंमाक्‍त। मोपतीके माल्‍शा मथिदा बाक्‍त। लेवी १५:१९-२०

उत्पत्ती 48:12

मिनु योसेफम मेको आस कली आ आफ आ थुकु रे याक्‍शा, खुम्‍की पा सेउ पवा बाक्‍त।

१ राजा 2:19

मोपतीके बाथ्‍शेबा अदोनीयाह आ पर्बम लोव़ पथ पिप सोलोमन आ बाक्‍तीक लमाक्‍त। मिनु पिप मेको कली मान पथ बोक्‍माक्‍त। मिनु आ ममा आ ङोंइती बाप्‍शा मान पा, आ नित्‍तीकेम निस्‍से बाक्‍त। पिप सोलोमनम आ ममा कली नित्‍चा कली नित्‍तीक का चाक्‍पदा बाक्‍त। मिनु मेको पिप आ ग्‍युरा गे निस्‍से बाक्‍त।

२ राजा 17:36

मिनु आ सक्ति नु आ क्‍युक्‍शो गुइम इन कली इजीप्‍त रे ग्रुंइशा एक चाक्‍ब परमप्रभु यावे कली ला ठेयब सेलीन। मेको आ ङोंइती ला बाप्‍पीन। मेको कली ला चढ़ेचा माल्‍नीनी” देंमाक्‍त।

अय्‍युब 32:4

मेकोपुकी अय्‍युब नु लोव़ पामेनु एलीहु चहिं सिक्‍सी पा बाक्‍शो बाक्‍माक्‍त। मारदे हना, मेको आन क्‍येङा आल बाक्‍माक्‍त।

अय्‍युब 32:6

मिनु बूज ङा बाराकेल आ तौ एलीहुम “गो आइक्‍चीन बाक्‍नुङ। गेपुकी खाल्‍पा बाक्‍नीनी। मोपतीके इन ङोंइती आं तुइश्‍शो मदेंङ, दे सिक्‍सी पा बाक्‍‍ती।

हितोपदेस 16:31

बोइश्‍शो चां मान ततीक सिरपेच खोदेंशो बाक्‍ब। मेको ठीक पाइब मुर आन लांम ला थीसीब। हितोपदेस २०:२९

हितोपदेस 20:29

ठिटा आन दारस आन बोल्‍यो रां बाक्‍ब। मिनु खाल्‍पा आन दारस आन बोइश्‍शो चां बाक्‍ब।

हितोपदेस 23:22

इ आफ आ लोव़ नेनो। इ आ‍म खाल्‍पी दुम्‍मेनु, मेको कली आइक्‍च मसेलो। हितोपदेस १:८

यसैया 3:5

मिनु मुरपुकी दिप्‍चा पुंइसीनीम। दिम्‍मुइनीम। आन नेक्‍था ङा मुर आन कली दिप्‍नीम। आलपुकीमी खाल्‍पी खाल्‍पा आन कली मान मपाइनीम। महिक्‍सीशो मुरपुकीमी ठेयब मुर आन कली मान मपाइनीम।

बिलाप 5:12

मेकोपुकीमी सासन पाइब आन कली क्‍युक्‍शा साइक्‍तेक्‍म। खाल्‍पा आन कली मान मपामे। २राजा २५:१९-२१

लेवी 19:14

नोफा मनेंब मुर कली मरिम्‍शो लोव़ मपने। मिक्‍च मताइब आ ङोंइती दाइल पाइक्‍तीक थोव़क मवोतीन। इन परमप्रभु क्‍येङा हिनीन। गो परमप्रभु यावे नङ। उत्‍पत्ती २७:१९; ब्‍यवस्‍था २७:१८

रोमी 13:7

तिरो, भन्‍सार थाप्‍तीने। हिक्‍चा पुंइसीशो कली हिक्‍कीने, मान पचा पुंइसीशो कली मान पने। मत्ती २७:२१

१ तिमोथी 5:1

शेंब खाल्‍पा आन कली महुइक्‍तो, तन्‍न आंम आफ कली खोदेंशो पा लोव़ पावो। ठिटा वोंइश मुर आन कली लोक्‍ब खोदेंशो मिम्‍तो। लेवी १९:३२; तीतस २:२

१ पत्रुस 2:17

मुर नेल्‍ल आन कली मान पने। थमा सुइक्‍ब आन कली दाक्‍तीने। परमप्रभु यावे कली मान पा हिनीन, पिप कली मान पने। रोमी १२:१०; हितोपदेस २४:२१