लेवी 19:31 - Sunuwar Bible

³¹ गेपुकी बेक्‍शो मुर रे लोव़ पाइब नु लिंक्‍यु कोव़ब कली ‘वारच पाइक्‍की’ दे आन बाक्‍तीके मलने। मेकोपुकी नु सल्‍ला पा, गे आंम कली ग्रांग्रा दिशो मसेल्‍सीन। गो परमप्रभु यावे, इन परमप्रभु नङ। लेवी २०:६; ब्‍यवस्‍था १८:१०-११; १सामुएल २८:७

लेवी 19:31 ပူးပေါင်းရင်းမြစ်များ

२ राजा 17:17

मेकोपुकीम आंम तमी तौ आन कली क्‍योरशा चोशा चढ़ेमे बाक्‍त। मिनु लिंक्‍यु कोव़शा, मन्‍तर तन्‍तर पामे बाक्‍त। मिनु परमप्रभु यावे आ ङोंइती मार मरिम्‍शो बाक्‍मे, मेको पना पन बाक्‍मा बाक्‍त। मिनु मेको कली गाइक्‍पदमे बाक्‍त। लेवी १८:२१

२ राजा 21:6

मेकोमी आ तौ कली चोशा चढ़ेवा बाक्‍त। मिनु मन्‍तर तन्‍तर, टुना मुना पा, बेक्‍शो मुर रे लोव़ पचा गेशा, लिंक्‍यु कोव़ङा बाक्‍त। मेकोम परमप्रभु यावे आ ङोंइती शुश मरिम्‍शो पवा बाक्‍त। मिनु मेको कली थाम्‍पा गाइक्‍पदा बाक्‍त। २राजा १६:३; लेवी १८:२१

२ राजा 23:24

परमप्रभु यावे आ खिंमी चढ़ेब हिल्‍कीयाहमी थिश्‍शो ब्रेक्‍शो लोव़ खाप्‍चा कली योसीयाहम बेक्‍शो मुर नु लोव़ पाइब, लिंक्‍यु कोव़ब नु खिं ङा मूर्ति नेल्‍ल, यहूदा नु यरूसलेमम बाक्‍शो ग्रांग्रा दिशो मारेइ मारेइ नेल्‍ल ताइक्‍पाइक्‍मी बाक्‍त। लेवी २०:२७; ब्‍यवस्‍था २९:१६-१७

१ इतिहास 10:13

मोपा सावल आ परमप्रभु यावे प्रोंइतीके आ पर्बम बेक्‍चा माल्‍दा बाक्‍त। मेकोमी परमप्रभु यावे आ शेंशो मटिथु, बेक्‍शो मुर नु लोव़ पाइब आ लोव़ नेना बाक्‍त। १सामुएल १५:२३; १सामुएल २८:८

२ इतिहास 33:6

मेकोमी आ तौ कली बेन-हिन्‍नोम आ बेंसीम चोशा चढ़ेवा बाक्‍त। मन्‍तर तन्‍तर, टुना मुना पा नु लिंक्‍यु कोव़ङा बाक्‍त। मेकोमी टुना मुना पा नु बेक्‍शो मुर नु लोव़ पवा बाक्‍त। मिनु जादू कली गेय पपदा बाक्‍त। मोपा परमप्रभु यावे आ ङोंइती थम मरिम्‍शो पवा बाक्‍त। मिनु मेको कली गाइक्‍पदा बाक्‍त। २इतिहास २८:३; लेवी २०:६

प्रस्‍थान 22:18

टुना मुना पाइब कली ब्रोंइचा मगेचा। लेवी २०:६,२७; लेवी १९:३१; ब्‍यवस्‍था १८:१०; १सामुएल २९:९; मलाकी ३:५

यसैया 29:4

गे उइ खप रे लोव़ पाइक्‍नेवे। मिनु फुरक रे पा ब्‍वाक्‍नेवे। इ लोव़ फुरक रे नेंसीब। इ सेंदा वोल आन सेंदा खोदेंशो पा खप आगा रे ग्रूब। इ लोव़ फुरक आगा रे पा आइक्‍च सेंदा पा नेंसीब।

यसैया 47:13

गे शुश अर्ती नेंशा दशो बाक्‍नेवे। मिनु कल्‍दीपुकीमी सरीङ कोव़शा, इ कली पाप रे प्रोन्‍मेक्‍ल। मिनु सोरुल कोव़बमी औंसीमी इ कली मार दुम्‍बा, मेको देंमल।

यसैया 8:19

मिनु मुरपुकीमी इ कली “बेक्‍शो मुर आन कली हिल्‍लो पावो। लिंक्‍यु कोव़ब चाक्‍को। वोल आन कली लोव़ पपतो” दे लोव़ पाइनीम। मेको वोल आन रेयके नेंसीब। मिनु मार, सेस मुर आन पर्बम बेक्‍शो मुर आन कली हिल्‍लो पचा? मुरपुकीमी आन परमप्रभु कली हिल्‍लो पचा ममाल्‍नीमी ङा? २राजा १:३

लेवी 19:26

गेपुकीमी तेकोइ चिक्‍ब, जन्‍तु, बी बयफ, क्‍यारश भडा आन श्‍ये हुश सुन्‍दा मब्‍वने। मिनु गेपुकी लिंक्‍यु मकोव़ङीन। मिनु गे टुना मुना काइ मपने। लेवी ३:१७; ब्‍यवस्‍था १८:१०

लेवी 19:3

गे नेल्‍लेमी इन आंम आफ आस कली मान पने। मिनु आं नाइक्‍तीक नाक्‍ती नांइसीन। गो परमप्रभु यावे, इन परमप्रभु नङ। प्रस्‍थान २०:१२; प्रस्‍थान २०:८

लेवी 20:27

सु इन दातेमी वोंइश मुर कि मीश मुर बेक्‍शो मुर रे लोव़ पाइबा कि लिंक्‍यु कोव़नीम, मेको आन कली साइक्‍चा माल्‍ब। मेको आन कली फुल्‍लु आप्‍शा साइक्‍चा माल्‍ब। मेको साइक्‍चा पुंइसीनीम’ दे इस्राएली आन कली शेंदो” दे परमप्रभु यावेमी मोसा कली देंत। प्रस्‍थान २२:१७

प्रेरित 8:11

शुश बर्स सम्‍म सिमोनमी चटक पा छक लाक्‍पाइक्‍तीके मुर नेल्‍लेमी सिमोन आ देंशो नोफा दाइश्‍शा आ पशो कोव़शा बाक्‍शो बाक्‍मा बाक्‍त।

गलाती 5:20

मूर्ति पूजा पाइनीमी, मन्‍तर तन्‍तर पाइ‍नीमी, जिचा पोक्‍नीमी, थुं खाइक्‍पाइक्‍नीमी, रुश पाइनीमी, शुश चुरनीमी, आंम कली ला मिम्‍नीमी, गाइश्‍शा बाक्‍नीमी, दुशा गारशा बाक्‍ब आन कली फ्रानीमी,

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

१ सामुएल 28:3

सामुएल बेक्‍ने थुम्‍शो बाक्‍माक्‍त। मिनु इस्राएली नेल्‍लेमी मेको आ पर्बम रोंका पा मेको कली मेको आ सहर रामाहम थिम्‍शो बाक्‍मा बाक्‍त। सावलमी बेक्‍शो मुर रे लोव़ पाइब नु लिंक्‍यु कोव़ब आन कली मेको रागी रे ग्रुंइने थुम्‍शो बाक्‍माक्‍त। १सामुएल २५:१; प्रस्‍थान २२:१७