लेवी 19:23 - Sunuwar Bible

²³ मिनु गेपुकी मेको रागी जाक्‍दीश्‍शा, तेकोइ जचा दुम्‍ब फल फुल रवा ख्रुम्‍नीनु, बर्स सां सम्‍म मेको आन फल मजने।

लेवी 19:23 ပူးပေါင်းရင်းမြစ်များ

प्रस्‍थान 6:12

मिनु मोसामी परमप्रभु यावे कली “इस्राएलीपुकीमी ला यो आं लोव़ मनेनेम हना, गो ब्‍वाक्‍स मजोक्‍ब मुर आं लोव़ फाराओम दोपा नेंबा?” दे लोव़ लेत्‍ताक्‍व। प्रस्‍थान ६:३०; प्रस्‍थान ४:१०

प्रस्‍थान 6:30

मिनु मोसामी परमप्रभु यावे कली “गो ब्‍वाक्‍स मजोक्‍ब मुर नङ। दोपा फाराओमी आं लोव़ नेंबा ङा?” दें‍त। प्रस्‍थान ६:१२

येरमीया 6:10

गो सु कली लोव़ पा हिंच कोंइदु? आं लोव़ सुम नेंबा? मेकोपुकीम नेंने मचाप्‍नीम। मेको आन नोफा सुशो बाक्‍नीम। परमप्रभु यावे आ लोव़ आ पर्बम गाइक्‍नीम। मेको नेंचा मदाक्‍नीम” देंत। येरमीया ४:४; प्रेरित ७:५१

लेवी 12:3

मिनु ८ नाक्‍ती मेको आ तौ कली ख्रोइक्‍तीक चिनु ख्रोइक्‍चा माल्‍ब। उत्‍पत्ती १७:१०-१२; लूका २:२१; यूहन्‍ना ७:२२

लेवी 14:34

“मुल गो इन कली गेशो कनान रागीम जाक्‍दीश्‍शा बाक्‍नीनु, इन आंम के सेल्‍नी नोले, गो मेको रागी ङा तेकोइ खिंम बुंखी ङाइक्‍पाइक्‍ता हना,

लेवी 19:22

मिनु चढ़ेबमी मेको आ दोस आ पर्बम सांड चढ़ेशा परमप्रभु यावे आ ङोंइती पाप क्‍याम्‍तीक गेय पचा माल्‍ब। मोपा मेको आ पाप क्‍याम्‍सीशा माफ ताइब दुम्‍ब। लेवी ५:१७-१८

लेवी 19:24

मिनु ४ बर्सम चहिं फल फुल नेल्‍ले परमप्रभु यावे कली ग्‍येरशो गेचा माल्‍नीनी। परमप्रभु यावे कली ठेयब मान पचा कली बाक्‍ब।

लेवी 22:27

“बाछा, भेडा पाठा कि क्‍यारश पाठा जरमेशा, मेको ७ नाक्‍त सम्‍म आ ममा नु बाक्‍चा माल्‍ब। मिनु मेको कली ८ नाक्‍त रे चोशा चढ़ेशोनु, परमप्रभु यावेमी ब्राइब। प्रस्‍थान २७:२९

लेवी 23:14

मेको नेल्‍ल परमप्रभु कली चढ़ेशो नोले ला शोब्‍ले, कारशो अन्‍न नु गिगी बाला मारेइ जने चाप्‍नीनी। मेको गेपुकी ते बाक्‍तीनी हना यो, एको गेना हना यो नेल्‍ल पाला सम्‍म पतीक बाक्‍ब।

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९