लेवी 19:13 - Sunuwar Bible

¹³ गे आंम नेक्‍था ङा मुर आन कली श्‍येत गेशा, मदिपीन। मिनु मेको आन मार मार मरोइक्‍तीन। गाल्‍च ताक्‍शा गेय पाइब आन क्‍येट काब नाक्‍दो यो इन खिंम वोइक्‍चा मदुम्‍ब। ब्‍यवस्‍था २४:१४-१५; येरमीया २२:१३; याकूब ५:४

लेवी 19:13 ပူးပေါင်းရင်းမြစ်များ

अय्‍युब 17:5

सुमी आ शोंप वारच आन कली कोंइशा योक्‍चा कली ब्रेप्‍बा, मेको आ आल जचा मताइनीम।

अय्‍युब 31:39

मेकेर वाशो मार मार मथाप्‍थु, जशो बाक्‍‍ती हना, मेको रू आ होव़प कली श्‍येत गेशो बाक्‍‍ती हना,

अय्‍युब 7:2

मेको नाक्‍दो ङा वांकु रिम्‍शो वाइलीम वाइल खोदेंशो पा बाक्‍नीम। आ गेय पशो ङा गाल्‍च ताक्‍चा कली रिम्‍शा बाक्‍शो खोदेंशो बाक्‍नीम।

प्रस्‍थान 20:15

खुइ मपने। प्रस्‍थान २१:१६; लेवी १९:११; एफिसी ४:२८

प्रस्‍थान 22:13

ब्‍वाकी ङा जन्‍तुम मेको बस्‍तु कली ग्‍याइश्‍शा साइश्‍शो बाक्‍त हना, मेको वोइक्‍बम मेको साइश्‍शो बस्‍तु दसी चाक्‍चा माल्‍ब। मेको ब्‍वाकी ङा जन्‍तुमी साइश्‍शो कली थाप्‍चा ममाल्‍ब। उत्‍पत्ती ३१:३९

प्रस्‍थान 22:15

तन्‍न आ होव़प यो बाक्‍त हना, मेको मारेइ थाप्‍चा ममाल्‍ब। मारदे हना गेय पचा कली क्‍येट गेशो बाक्‍ब” देनो।

प्रस्‍थान 22:21

अर्को रागी ङा मुर आन कली श्‍येत मगेचा, मदिप्‍चा। मारदे हना गे यो इजीप्‍त रागीमी अर्को रागी ङा मुर दुम्‍शा बाक्‍तीनी। लेवी १९:३३-३४; ब्‍यवस्‍था १०:१८,१९

प्रस्‍थान 22:7

मिनु “सुइमी आ नेक्‍था ङा मुर कली आ क्‍येट, अरु मारेइ वोइक्‍चा कली गेप्‍तु हना, वोइक्‍ब मुर आ खिं रे खुइ दुम्‍त हना, नु खुइ कली थित्‍तेक्‍म हना, मेको खुइमी का के निक्‍शी थाप्‍चा माल्‍ब।

हितोपदेस 20:10

जोल पा नाक्‍तीक नु मगारशो पुक्‍तीक निम्‍फा परमप्रभु यावे कली ग्रांग्रा बाक्‍ब।

हितोपदेस 22:22

प्रुङग आन के मारेइ मबाक्‍ब, दे मेको आन के मारेइ मरोइक्‍तो। मिनु श्‍येत जाइब कली ठीक निसाफ पावो। प्रस्‍थान २३:६

हितोपदेस 3:28

गे नु बाक्‍त हना “दीसा जाक्‍को। मिनु गेनन” दे इ नेक्‍था ङा मुर आन कली मदेनो।

येरमीया 22:13

“आबी, आबी, सुमी पाप पतीकेमी आ खिं सेल्‍बा, सुम आ खिं ङा आइक्‍था ङा कोठा ठीक मपतीकेमी सेल्‍बा, मेकोमी आ नेक्‍था ङा मुर आन कली मोशा गेय पपाइक्‍ब। मिनु मेको आन कली आन गेय पशो ङा गाल्‍च मगेब। २राजा २४:१४; मीका ३:१०; लेवी १९:१३; याकूब ५:४

येरमीया 22:3

परमप्रभु यावेमी मार देंत देंशा हना “गे ठीक निसाफ पने। ठीक गेय पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। अर्को रागी ङा मुर, रोम रोइक्‍च नु आन वोंइश बेक्‍शो मीश मुर आन कली मरिम्‍शो मपने। मिनु एको रागीम मारेइ दोस मताइब आन हुश मशाइक्‍पतीन। येरमीया २१:१२

इजीकीएल 18:7

मेकोम सुइ आन कली मदिप्‍ब, जाकटी वोइश्‍शो मार मार लेश्‍शा गेब, मेकोम खुइ मपाइब, शोव़लु बेक्‍शो आन कली आ जचा थोव़क गेब। मिनु शिश्रा बाक्शो आन कली वा फेक्‍पाइक्‍ब। ब्‍यवस्‍था २४:१०-१३; यसैया ५८:७

इजीकीएल 22:12

मेकेर मुरपुकीम मुर साइक्‍चा कली घूस ताक्‍नीम। गे मुर आन कली जेर गेशा आ चाइक्‍ब के यो चाइक्‍ब ताक्‍नेवे। आंम नेक्‍था ङा मुर आन कली दिप्‍शा आंम कली रिम्‍शो दुम्‍तीक गेय पाइनेवे। गे आं कली प्रेंताक्‍यी” ’ दे परमप्रभु, परमप्रभु यावेमी” देंत। प्रस्‍थान २२:२४

इजीकीएल 22:29

मिनु मेको रागी ङा मुरपुकीम गेन कि गेन, दे क्‍येट लाइक्‍नीम। मेकोपुकीमी मार मार रोइक्‍नीम। मेकोपुकीम प्रुङग नु मारेइ मथीब आन कली दिप्‍नीम। मिनु अर्को रागी ङा मुर आन कली दला दाक्‍स पाइनीम।

लेवी 25:14

मिनु आंम नेक्‍था ङा मुर नु ग्‍याप्‍तीक लेयतीक गेय पनीनु, मठगेपामुने। १ थिस्‍सलोनिकी ४:६

लेवी 25:17

गेपुकी आंम आंमा मठगेपामुने। तन्‍न परमप्रभु क्‍येङा हिनीन। मारदे हना गो परमप्रभु यावे, इन परमप्रभु नङ।

लेवी 6:3

आ नेक्‍था ङा मुर आन मार मार रोइक्‍ताक्‍व हना, जाम्‍शो थोव़क थिश्‍शा यो, मथिदु, दे जोल पाप्‍तु हना, जोल पा कसम जाप्‍तु हना, मेकोमी पाप पशो बाक्‍ब।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मत्ती 20:8

मिनु नां रिक्‍शा गेय प्रोन्‍मे नोले, होव़पमी आ क्‍येट योक्‍ब मुर कली ‘गेय पाइब आन कली ब्रेश्‍शा, आन गाल्‍च योक्‍शा गेमी। नेल्‍ल क्‍येङा नोले जाक्‍शो आन कली ङोंइती योक्‍शा गेमी’ देंमाक्‍त।

मर्कूस 10:19

परमप्रभु यावे आ अरेशो लोव़ तुइक्‍नेवे। मसाइक्‍चा, वोंइश मीश आस नाता मख्रोइक्‍चा, खुइ मपचा, सांकछी बाक्‍शोनु, जोल मपचा, हिंच कोंइशा मारेइ मरोइक्‍चा, आम आफ आस कली मान पचा, दे ब्रेक्‍शो बाक्‍ब” दे मदा बाक्‍त। प्रस्‍थान २०:१२-१७

लूका 3:13

मिनु मेकोमी “सरकारम ताक्‍चा देंशो क्‍येङा शुश मताक्‍चा” देंमाक्‍त।

१ थिस्‍सलोनिकी 4:6

सुइ वोंइश मुरुम आ लोक्‍ब कली मोदेंशो पा श्‍येत मगेवल। मारदे हना प्रभुमी मोदेंशो पाइब आन कली क्‍येक्‍क लेप्‍ब, दे ङोंइती रे इन कली शेंताक्‍क। लेवी १९:११

१ तिमोथी 5:18

परमप्रभु यावे आ लोव़मी “ब्‍यफ कली दांइ पपाइश्‍शोनु, फुङला मपाइक्‍चा” मिनु “गेय पाइब आन गाल्‍च ताइब बाक्‍नीम” दे ब्रेक्‍शो बाक्‍ब। ब्‍‍यवस्‍था २५:४; १कोरिन्‍थी ९:९; लूका १०:७

याकूब 5:4

इन रूम गेय पाइब आन गाल्‍च मुल सम्‍म जोल पा मगेनी। मेको खेत्‍ला आन कली मगेशो गाल्‍चम आ मुर नेल्‍ल आन परमप्रभु यावे नु लोव़ पाप्‍तु। मिनु मेकोमी मेको खेत्‍ला आन पुंइशो लोव़ नेंने थुम्‍तु। ब्‍‍यवस्‍था २४:१४-१५