लेवी 19:12 - Sunuwar Bible

¹² गेपुकीमी आं नें थिशा, जोल पा कसम मजने। मो पाइतीनी हना, गे इन परमप्रभु आ नें आइक्‍च सेल्‍नीनी। गो परमप्रभु यावे नङ। प्रस्‍थान २०:७; मत्ती ५:३३

लेवी 19:12 ပူးပေါင်းရင်းမြစ်များ

भजन संग्रह 15:4

सुमी परमप्रभु आ अरेशो मटीब आन कली महिक्‍थु, परमप्रभु यावे कली मान पा हिंब आन कली चहिं हिक्‍ना हिक्‍न बाक्‍बा, कसम जशा, श्‍येत दुम्‍मेनु यो, आ कसम जशो मप्रोंइथु बाक्‍बा,

प्रस्‍थान 20:7

गे परमप्रभु यावे, इन परमप्रभु आं नें, मो मथिने। मारदे हना सुम परमप्रभु यावे आं नें मो थीबा, मेको कली सजाइ मगेथु, मप्रोंइब। लेवी १९:१२; लेवी २४:१६

यसैया 48:1

मिनु परमप्रभु यावेमी “याकूब आ खिं ङा मुर, नेनीन। इन कली इस्राएल नें वोइश्‍शो बाक्‍ब। गे यहूदा आ चच युइ बाक्‍नीनी। गे परमप्रभु यावे आ नें थिशा, कसम जाइनीनी। गे इस्राएली आन परमप्रभु कली ठेयब सेल्‍खु पाइनीनी। यसैया ५१:१

येरमीया 34:16

तन्‍न नोले इन थुं फाइश्‍शा आं नें ग्रांग्रा दिशो सेल्‍तीनी। गे नेल्‍लेम इन ङोंइती प्रोंइशो वाइलीम वाइल आन कली लेश्‍शा चाक्‍‍तीनी, देंशो बाक्‍ब” देंत।

येरमीया 4:2

कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६

येरमीया 5:2

मेकोपुकीमी ‘परमप्रभु यावे ब्रोंइशा बाक्‍शो खोदेंशो पा’ दे कसम जाइनीम। मो हना यो मेकोपुकीमी जोल लोव़ पाइनीम” देंत। येरमीया ४:२

येरमीया 7:9

गेपुकीम खुइ पाइनीनी, मुर साइक्‍नीनी, मुर आन मीश नु इप्‍नीनी, जोल पा कसम जाइनीनी, बाल देवता कली पूजा पाइनीनी नु इन मतुइश्‍शो देवी देवता आन नोले खोइक्‍नीनी। होसे ४:२

लेवी 18:21

गे मोलेक कली आंम तमी तौपुकी चढ़ेशा, आंम परमप्रभु यावे, इन परमप्रभु आ नें ग्रांग्रा मसेलीन। गो परमप्रभु यावे नङ।

लेवी 20:3

मेकोपुकीमी आन आल मोलेक कली चढ़ेमेनु, आं बाक्‍तीक ताम्‍बु नु आं ठेयब नें ग्रांग्रा दिशो सेल्‍तेक्‍म। मोपतीके गो आंमा मेको आन कली ब्रोंइचा मगेथु, आ मुर आन दाते रे क्‍याम्‍नुङमी।

लेवी 24:11

मिनु मेको इस्राएली ममा आ तौमी परमप्रभु यावे आ नें थिशा, सराप पवा बाक्‍त। मिनु मुरपुकीमी मेको कली मोसा आ बाक्‍तीकेम चाक्‍गमे बाक्‍त। मेको आ ममा आ नें शेलोमीथ बाक्‍माक्‍त। मिनु मेको दान आ थर ङा दिब्री आ तमी बाक्‍माक्‍त।

लेवी 6:3

आ नेक्‍था ङा मुर आन मार मार रोइक्‍ताक्‍व हना, जाम्‍शो थोव़क थिश्‍शा यो, मथिदु, दे जोल पाप्‍तु हना, जोल पा कसम जाप्‍तु हना, मेकोमी पाप पशो बाक्‍ब।

जकरिया 5:3

मिनु नोले मेकोमी आं कली “एको रागी नेल्‍ल कली जाक्‍चशो सराप बाक्‍ब। मेको तोल्‍शा प्राक्‍शो ब्रेक्‍स निम्‍फा गे ब्रेक्‍सीशो बाक्‍ब। का गे खुइ आन पर्बम ब्रेक्‍सीशो बाक्‍ब। मारदे हना मेको मुल सम्‍म सजाइ मतशो बाक्‍तेक्‍म। अर्को गे जोल पा कसम जाइब आन पर्बम ब्रेक्‍सीशो बाक्‍ब। मारदे हना मेको यो मुल सम्‍म सजाइ मतशो बाक्‍तेक्‍म” देंत।

जकरिया 5:4

मिनु मुर नेल्‍ल आन परमप्रभु यावेमी “गो मेको ब्रेक्‍स सोइक्‍ताक्‍ङ। मिनु मेको खुइ नु आं नेंमी जोल पा सांकछी बाक्‍ब आन खिंमी ओव़ब। मेकेर बाक्‍शा, खिं खतम सेल्‍शा, शी फुल्‍लु का यो मलीपाइक्‍ब” देंत।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

ब्‍यवस्‍था 5:11

गे परमप्रभु यावे, इन परमप्रभु आ नें मो मथिने। मारदे हना सुमी परमप्रभु यावे आ नें मोशा थिप्ब, मेकोम पाप पाइब” देंत।

याकूब 5:12

आं लोक्‍बपुकी, आं नेल्‍ल क्‍येङा ठेयब अरेतीक लोव़ मार बाक्‍ब देंशा हना, कसम मजने। सरीङ कोव़शा, खप थिशा, चुक्‍ब थिशा कसम मजने। इन देंशो लोव़ दुम्‍ब हना “दुम्‍ब” मदुम्‍ब हना “मदुम्‍ब” देनीन। गे जोल पाइतीनी हना, गे निसाफ पचा पुंइसीनी। मत्ती ५:३४-३७