लेवी 19:10 - Sunuwar Bible

¹⁰ गेपुकीमी इन अङगुर रू ङा फल काइ मलीपाइक्‍थु, मसेक्‍कीन। मिनु रूम दोक्‍शो अङगुर यो मगुपीन। मेको प्रुङग नु अर्को रागी ङा मुर आन कली बाक्‍ल। गो परमप्रभु यावे, इन परमप्रभु नङ।

लेवी 19:10 ပူးပေါင်းရင်းမြစ်များ

यसैया 17:6

तेल रवा हिक्‍शा गेडा नेल्‍ल तोक्‍शा यो का निक्‍शी लीशो खोदेंशो पा, मेको आ ङल नु राशीमी का निक्‍शी ला लीनीम” दे परमप्रभु यावे, इस्राएली आन परमप्रभुमी देंत।

यसैया 24:13

मोदेंशो रागी नु रागी रागी ङा मुर आन कली दुम्‍चा माल्‍ब। तेल रवा आन फल थेप्‍शा नु अङगुर सेक्‍शा यो सीला लीशो खोदेंशो पा रागी नेल्‍ल मोदेंशो दुम्‍चा माल्‍ब।

येरमीया 49:9

अङगुर सेक्‍बपुकी इ बाक्‍तीके जाक्‍तेक्‍म हना, मार, मेकोपुकीम अरु सीला गुप्‍तीके मप्रोंइनीमी ङा? मार, नाक्‍दो खुइ जाक्‍शो नम हना, मेकोपुकीमी आन कली माल्‍शो थोव़क ला मलाइक्‍नीमी ङा?

लेवी 11:44

मिनु गो परमप्रभु यावे, इन परमप्रभु नङ। मोपतीके गेपुकी ग्रांग्रा दिशो मदुम्‍थु मेको रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ। गेपुकी खपीम ग्रे‍शा गाक्‍ब जन्‍तु रे ग्रांग्रा दिशो मदुमीन। लेवी १९:२

लेवी 19:11

गे खुइ मपने। मठगेने। गे जोल मपमुने। प्रस्‍थान २०:१५-१६; १ थिस्‍सलोनिकी ४:६

लेवी 19:25

तन्‍न ५ बर्सम गेपुकीम मेको फल फुल जने चाप्‍नीनी। मिनु मेको रवा इन कली शुश सिप्‍ब दुम्‍नीम। गो परमप्रभु यावे, इन परमप्रभु नङ।

लेवी 19:9

मिनु गे इन बाली नाली रिक्‍नीनु, रू आ सुर सुर सम्‍म मरिक्‍कीन। सिला बाला मगुपीन। लेवी २३:२२; ब्‍यवस्‍था २४:१९; रूथ २:२,१५,१६

लेवी 23:22

मिनु गेपुकीमी इन बाली नाली रिक्‍नीनु, रू आ कुना कुना सम्‍म मरिक्‍कीन। गेपुकीमी इन रू ङा सिला बाला यो मगुपीन। गेपुकीमी इन दाते ङा प्रुङग नु अर्को रागी ङा मुर आन पर्बम प्रोनीन। गो परमप्रभु यावे, इन परमप्रभु नङ’ दे शेंचा माल्‍नेवे” देंत। लेवी १९:९-१०

लेवी 25:6

मेको रू नांइसे ना आंमा सिश्‍शो मारेइ मारेइ जने चाप्‍नीनी। मिनु इन वाइलीम वाइल नु गे नु बाक्‍ब इन थाप्‍शो गेय पाइबपुकीमी जने चाप्‍नीमी।

ओबदिया 1:5

मिनु खुइपुकी इ बाक्‍तीक जाक्‍तेक्‍म हना, नाक्‍दो रोइक्‍बपुकी इ बाक्‍तीक जाक्‍‍तेक्‍म हना, गे दोदेंशो पा खतम दुम्‍नेवे? मेकोपुकीम आन कली माल्‍शो खोइ ला रोइश्‍शा मलाइक्‍नीमी ङा? अङगुर सेक्‍बपुकी इ बाक्‍तीक जाक्‍शा सेक्‍तेक्‍म हना, मेकोपुकीमी इच्‍कका अङगुर मप्रोंइनीमी ङा?

मीका 7:1

गो दोदेंशो पा श्‍येत ज‍शो बाक्‍नुङा? गो फल सिश्‍शा नोले, अङगुर रू ङा सिला माल्‍ची नोले मारेइ जचा मताइनुङ। आं माल्‍शो ङोंइती मीशो फोव़शी यो मबाक्‍ब। भजन संग्रह १२:२; यसैया ५७:१

ब्‍यवस्‍था 24:19

गेपुकीमी खेतम बाली नाली रिक्‍शा, मुठा का खेतम प्रेंताक्‍नी हना, लेश्‍शा ब्रथ मलने। मेको मुठा अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली बाक्‍ब। मो पाइतीनी हना, परमप्रभु यावे, इन परमप्रभुमी इन गेय नेल्‍लेमी इन कली आसीक गेब। लेवी १९:९-१०

ब्‍यवस्‍था 24:20

गेपुकीमी तेल रवा आ फल थेप्‍तीनी हना, लेंशा लीशो फल मथेपीन। मेको लीशो फल अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली बाक्‍नीम।

ब्‍यवस्‍था 24:21

गेपुकीमी इन अङगुर रू ङा अङगुर सेक्‍तीनी हना, लेंशा लीशो फल मसेक्‍कीन। मेको लीशो फल अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली बाक्‍नीम।

न्‍यायाधीस 8:2

मिनु गिदोनमी “गो मार पङा ङा? गे आं क्‍येङा ठेयब गेय पाइतीनी। मार, अबीएजेर आ मुरपुकीम मिदयान ङा मुर नेल्‍ल आन कली प्रोक्‍पाइक्‍चा क्‍येङा एफ्राइम आ थर ङा मुरपुकीमी मेको आन कली साइक्‍चा ठेयब मबाक्‍बा ङा?

रूथ 2:2

मिनु मोआबी रूथमी नाओमी कली “गो रूम लशा, सु सुम आं कली शिशी पाइनीमी, मेको आन नोनोले सिला बाला गुप्‍दी ङा?” देंमाक्‍त। मिनु आ शिमीमी “दुम्‍ब, आं चाइमी लावो” देंमाक्‍त।