लेवी 18:8 - Sunuwar Bible

⁸ गे इ आफ आ अरु मीश नु मइपो। मो पाइ‍तीनी हना, गेपुकीमी इन आफ कली मुने तोक्‍नीनी। उत्‍पत्ती ३५:२२; ब्‍यवस्‍था २७:२०; २सामुएल १६:२२; १कोरिन्‍थी ५:१

लेवी 18:8 ပူးပေါင်းရင်းမြစ်များ

उत्पत्ती 35:22

मिनु इस्राएल मेको रागीमी बाक्‍मेनु, आ तौ रूबेन आ आफ आ मीश बिल्‍हाह नु इम्‍‍माक्‍त। मिनु इस्राएलमी मेको नेना बाक्‍त। उत्‍पत्ती ४९:४

उत्पत्ती 49:4

समुन्‍द्र ङा छाल खोदेंशो पा गे हिम्‍सीशो थुं पाइश्‍शो मुर दुम्‍नेवे। मारदे हना गे इ आफ आ खाट ङोइश्‍शा, बिथोलो पाप्‍तीवी। आं इप्‍तीकेम बाक्‍ते। गे मान मताइब दुम्‍नेवे। उत्‍पत्ती ३५:२२

इजीकीएल 22:10

मेकेर मुरपुकी आन आफ आन मीश नु इप्‍नीम। मेकेर मुरपुकी रां ब्रोल्‍शो मीश मुर नु इप्‍नीम। लेवी १८:७-८; लेवी १८:१९

लेवी 20:11

सु आ आफ आ मीश नु इप्‍बा, मेकोम आ आफ कली मुने तोक्‍ब। मेको निम्‍फा आस कली साइक्‍चा माल्‍ब। मेको साइक्‍चा पुंइसीनीस। लेवी १८:६-२३

आमोस 2:7

मिनु प्रुङग आन पिया फुरकुम खोल्‍शा दिम्‍नीम। श्‍येत जाइब आन कली नेप्‍शा ग्रुंइनीम। पोबु निम्‍फा मीश आल का नु बाक्‍शा, आं नें ग्रांग्रा दिशो सेल्‍नीम। आमोस ८:४

१ कोरिन्‍थी 5:1

गे नु बाक्‍ब कामी हेंथे पाप्‍तु देंशो लोव़ नेंता। मोदेंशो पात्‍के अर्को रागी ङा मुर आन दातेमी यो मबाक्‍ब। मुर कामी आ आफ आ मीश वोंइसाक्‍व, देंशो लोव़ नेंता। लेवी १८:८

ब्‍यवस्‍था 22:30

मुरुमी आ आफ आ मीश कली चाक्‍ने मचाप्‍ब। आ आफ नु इप्‍शो मीश मुर नु आ तौ इप्‍चा मदुम्‍ब। लेवी १८:८; २सामुएल १६:२२

ब्‍यवस्‍था 23:1

मिनु वोंइश मुर कली आल मथीब सेल्‍चा कली आ चारतीक ख्रोइश्‍शो बाक्‍त हना, परमप्रभु यावे आ ग्रुम्‍तीकेमी ओव़ने मचाप्‍ब। यसैया ५६:३-४; प्रेरित ८:२७

ब्‍यवस्‍था 27:20

मिनु “सु मुर आ आफ आ मीश नु इप्‍बा, मेको मुर सराप राइब। मारदे हना मेकोमी आ आफ कली मुने तोक्‍ब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। लेवी १८:८