लेवी 18:5 - Sunuwar Bible

⁵ सुमी आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ पाइबा, मेको ब्रोंइचा ताइब। मारदे हना गो परमप्रभु यावे नङ। नेहेम्‍याह ९:२९; इजीकीएल २०:११; रोमी ७:१०; रोमी १०:५; गलाती ३:१२

लेवी 18:5 ပူးပေါင်းရင်းမြစ်များ

नेहेम्‍याह 9:29

मिनु मेको आन कली इन अरेशो लोव़ गे लेत्‍चा कली, मेको आन कली टिचा शेंदीनी बाक्‍त। तन्‍न मेकोपुकी ठेयब लेश्‍शा, इन शेंतीके काइ मटिथु, इन पतीक लोव़ मपामे बाक्‍त। मुरपुकीमी इन पतीक लोव़ पशो नम हना, ब्रोंइचा ताम वा। तन्‍न मेकोपुकीम इन लोव़ मनेंथु, मटिथु, इन गे आन ची हिरदमे बाक्‍त। लेवी १८:५

प्रस्‍थान 6:2

मिनु लेंशा परमप्रभुमी मोसा कली “गो यावे नङ। प्रस्‍थान ३:१४-१५; उत्‍पत्ती १७:१

प्रस्‍थान 6:29

“गो परमप्रभु यावे नङ। गे इजीप्‍त ङा पिप फाराओ कली आं देंशो लोव़ नेल्‍ल माइक्‍चा माल्‍नेवे” दें‍त।

प्रस्‍थान 6:6

मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।

यसैया 55:3

इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४

इजीकीएल 18:9

मेकोम आं फुल्‍लुम मुशा ब्रेक्‍शो लोव़ नु आं निसाफ पतीके लोव़ थुं मफाइक्‍थु पाइब। मोदेंशो मुर ठीक पाइब मुर बाक्‍ब। मिनु मेको थमा पा ब्रोंइचा माल्‍ब” दे परमप्रभु, परमप्रभु यावेमी देंशो बाक्‍ब।

इजीकीएल 20:11

गो मेको आन कली आं फुल्‍लुम मुशा ब्रेक्‍शो लोव़ तुइक्‍पाइक्‍तामी। मिनु आं निसाफ पतीक लोव़ कोंइताक्‍ङमी। सुम मेको टिशा पाइबा, मेको ब्रोंइब। लेवी १८:५; लूका १०:२८

इजीकीएल 20:13

तन्‍न इस्राएल आ खिं ङा मुरपुकीमी गोरशो रागीम आं कली मटीयीमी। मेकोपुकीम आं फुल्‍लुम मुशा ब्रेक्‍शो लोव़ नु आं निसाफ पतीक लोव़ मपामे। मेको टिशा पाइब मुर मेको रे ब्रोंइनीम। मेकोपुकीमी आं नाइक्‍तीक नाक्‍त ग्रांग्रा दिशो सेल्‍तेक्‍म। मिनु गो एको गोरशो रागीमीन आं चुरशो मोइश्‍शा मेको आन कली साइक्‍नुङमी, दे मिम्‍ताक्‍ङ। प्रस्‍थान ३२:१०-१२

इजीकीएल 20:21

तन्‍न मेको आलपुकी आं कली मटीब दुम्‍तेक्‍म। मेकोपुकीम आं फुल्‍लुम मुशा ब्रेक्‍शो लोव़म मटीम। मिनु आं निसाफ पतीक लोव़ होस पा मपाम। मेको टिशा पाइब मुर मेको रे ब्रोंइनीम। मेकोपुकीम आं नाइक्‍तीक नाक्‍ती ग्रांग्रा दिशो सेल्‍तेक्‍म। मिनु एको गोरशो रागीमीन आं चुरशो आन तारी मोइश्‍शा, मेको आं गाइश्‍शा पशो गेय कोंइनुङ।

लेवी 18:6

गेपुकी सुइ आंम नेक्‍था ङा नाता नु मइपीन। मारदे हना गो परमप्रभु यावे नङ।

मलाकी 3:6

मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।

मत्ती 19:17

येसुमी “रिम्‍शो पचा आ पर्बम मारदे हिल्‍लो पवी? रिम्‍शो पाइब का ला बाक्‍ब। गेना हना यो मेको नु ब्रोंइशा बाक्‍चा थुं पाप्‍तीवी हना, मेको रिम्‍शो पाइब आ देंशो लोव़ टिचा माल्‍नेवे” देंमेनु

लूका 10:28

मिनु येसुमी “ठीक देंते। मेको इ देंशो खोदेंशो पाप्‍तीवी हना, गेना हना यो ब्रोंइशा बाक्‍चा ताइनेवे” देंमाक्‍त। लेवी १८:५; मत्ती १९:१७

रोमी 10:5

मिनु मोसामी परमप्रभु यावे आ अरेशो लोव़ पतीक रे ठीक दुम्‍तीके ब्रेक्‍शो बाक्‍ब। “परमप्रभु यावे आ अरेशो लोव़ टीबपुकी मेको लोव़ टितीकेन ब्रोंइनीम” दे ब्रेक्‍शो बाक्‍त देंनीम। लेवी १८:५

रोमी 7:10

परमप्रभु यावे आ अरेशो लोव़ ब्रोंइचा कली बाक्‍त हना यो, मेको लोव़मीन बेक्‍ब सेल्‍ती। लेवी १८:५; याकूब १:१५

गलाती 3:12

परमप्रभु यावे आ अरेशो लोव़ येसु ख्रीस्‍त कली थमा सुइक्‍तीक रे मबाक्‍ब। “सुइम परमप्रभु यावे आ अरेशो पशो हना, मेको रे पा ब्रोंइ वा” दे ब्रेक्‍शो बाक्‍ब। लेवी १८:५

ब्‍यवस्‍था 30:20

परमप्रभु यावे, इन परमप्रभु कली दाक्‍तीन। आ देंशो टिने। मेको कली मप्रोंइथु बाक्‍कीन। मारदे हना मेकोम इन कली ब्रोंइचा नु शुश नाक्‍ती बाक्‍चा गेब। मिनु गेपुकी परमप्रभु यावेमी इन किकी पिपी अब्राहाम, इसहाक नु याकूब आन कली कसम जशा गेशो रागीम बाक्‍ने चाप्‍नीनी।

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९

ब्‍यवस्‍था 4:1

मिनु मोसामी “मिनु गे इस्राएली नेल्‍ले, गो इन कली परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंनुङ। इन नोफा दाइक्‍तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्‍चा ताइनीनी।