लेवी 18:4 - Sunuwar Bible

⁴ गेपुकीमी आं पावो, दे अरेशो लोव़ नु आं फुल्‍लुम मुशा ब्रेक्‍शो लोव़ पचा माल्‍नीनी। मारदे हना गो परमप्रभु यावे, इन परमप्रभु नङ।

लेवी 18:4 ပူးပေါင်းရင်းမြစ်များ

भजन संग्रह 105:45

मेकोपुकीमी परमप्रभुमी फुल्‍लुम मुशा ब्रेक्‍शो लोव़, आ अरेशो लोव़ टीमेक्‍ल, दे मोदेंशो पवा बाक्‍त। परमप्रभु यावे कली ठेयब सेलीन।

भजन संग्रह 119:4

गे इन ब्रेक्‍शा अरेशो आंइ कली होस पा पचा कली गेशो बाक्‍तीनी।

इजीकीएल 20:19

गो परमप्रभु यावे, इन परमप्रभु नङ। गेपुकीम आं फुल्‍लुम मुशा ब्रेक्‍शो लोव़ टिशा, आं निसाफ पतीक लोव़ होस पा पने।

इजीकीएल 36:27

गो आं सोक्‍ती इन आगाम वोइक्‍नुङ। मिनु आं फुल्‍लुम मुशा ब्रेक्‍शो लोव़ नु आं निसाफ पतीक लोव़ होस पा पाइब सेल्‍नुङ। इजीकीएल ३९:२९; यसैया ४४:३; इजीकीएल ३७:२४

इजीकीएल 37:24

आं गेय पाइब दाऊद मेको आन पिप दुम्‍ब। मिनु मेको आन गोठला कान दुम्‍ब। मिनु मेकोपुकीम आं निसाफ पतीक लोव़ टीनीम। मिनु मेकोपुकीम आं फुल्‍लुम मुशा ब्रेक्‍शो लोव़ होस पा पाइनीम। इजीकीएल ३४:२३; इजीकीएल ३६:२७

लेवी 18:2

“गे इस्राएली आन कली ‘गो परमप्रभु यावे, इन परमप्रभु नङ।

लेवी 18:26

तन्‍न गे आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ टिने। मिनु गे इस्राएली नु इन दातेमी बाक्‍ब अर्को रागी ङा मुर मोदेंशो ग्रांग्रा दिशो गेय मपने।

लेवी 18:5

सुमी आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ पाइबा, मेको ब्रोंइचा ताइब। मारदे हना गो परमप्रभु यावे नङ। नेहेम्‍याह ९:२९; इजीकीएल २०:११; रोमी ७:१०; रोमी १०:५; गलाती ३:१२

लेवी 19:19

गे आं फुल्‍लु मुशा ब्रेक्‍शो लोव़ पने। निक्‍शी खाल ङा जन्‍तु, बस्‍तु भाव आन कली मब्‍वाइक्‍तीन। इन रूमी निक्‍शी खाल ङा वांचेर मशोक्‍कीन। गेपुकीमी निक्‍शी खाल ङा श्‍येले ब्‍वाइश्‍शा प्रोव़शो वा मफेक्‍सीन। ब्‍यवस्‍था २२:९-११

लेवी 19:37

गे आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ नेल्‍ल थुंम वोइश्‍शा, पचा माल्‍नीनी। मारदे हना गो परमप्रभु यावे नङ” दे परमप्रभु यावेमी मोसा कली देंत।

लेवी 20:22

गेपुकीमी आं फुल्‍लुम मुशा ब्रेक्‍शो लोव़ नु आं पाबो, दे अरेशो लोव़ नेल्‍ल तुइश्‍शा पचा माल्‍नीनी। मो मपाइतीनी हना, गो इन कली चाक्‍शो रागीमी इन कली उक्‍बे पा ताइक्‍ब।

लूका 1:6

मेको निक्‍शी परमप्रभु यावे आ ङोंइती ठीक पाइब बाक्‍सा बाक्‍त। परमप्रभु यावे आ अरेशो लोव़ नु पतीके लोव़ नेल्‍ल टिशा, दोस मताइब दुम्‍शा बाक्‍शो बाक्‍सा बाक्‍त।

यूहन्‍ना 15:14

गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०

ब्‍यवस्‍था 6:1

मिनु मोसामी “परमप्रभु यावेमी इन कली माइश्‍शो फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍ब। मिनु गो इन कली शेंचा माल्‍नुङ, दे आं कली माइक्‍ती। गेपुकी मुल इन लशा, इन के सेल्‍चा चिक्‍शो रागीम बाक्‍नीनु, मेको पचा माल्‍नीनी।