लेवी 18:26 - Sunuwar Bible

²⁶ तन्‍न गे आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ टिने। मिनु गे इस्राएली नु इन दातेमी बाक्‍ब अर्को रागी ङा मुर मोदेंशो ग्रांग्रा दिशो गेय मपने।

लेवी 18:26 ပူးပေါင်းရင်းမြစ်များ

१ राजा 14:24

मेको रागी ङा थानम तेल्‍लेम वोंइश मुरपुकी यो बाक्‍मा बाक्‍त। मेकोपुकीमी परमप्रभु यावेमी आन ङोंइती रे खेरशो रागी रागी ङा मुर आन ग्रांग्रा दिशो नेल्‍ल पामे बाक्‍त।

लेवी 17:10

इस्राएली नु मेको आन दातेम बाक्‍ब अर्को रागी ङा मुर सुइमी हुश ब्‍वाम्‍तेक्‍म हना, गो मेको हुश ब्‍वाइब कली मरिम्‍शो पाइनुङ। मिनु मेको मुर कली आ मुर आन दाते रे क्‍याम्‍नुङ। लेवी ३:१७

लेवी 17:8

मिनु परमप्रभुमी “मेको आन कली ‘इस्राएली नु मेको नु बाक्‍ब अर्को रागी ङा मुर चोशा चढ़ेतीके चढ़ेचा दाक्‍ताक्‍म हना, ब्‍यवस्‍था १२:१४

लेवी 18:25

मोपान मेको रागी ग्रांग्रा दिशो दुम्‍त। मिनु गो मेको आन पाप आ पर्बम सजाइ गेता। मिनु रागीम मेक ङा मुर आन कली उक्‍बे पा ताइक्‍ताक्‍व।

लेवी 18:27

मारदे हना इन ङोंइती मेकेर बाक्‍ब मुरपुकीमी मोदेंशो ग्रांग्रा नेल्‍ल पाम्‍तेक्‍म। मिनु रागी ग्रांग्रा दिशो दुम्‍त।

लेवी 18:30

मोपतीके गे ङोंइती ङा मुरपुकीमी पशो खोदेंशो पा मेको दूली ग्रांग्रा दिशो पाप मपने। मिनु आंम कली ग्रांग्रा दिशो मसेलीन। मारदे हना गो परमप्रभु यावे, इन परमप्रभु नङ’ देनो” देंत।

लेवी 18:5

सुमी आं फुल्‍लुम मुशा ब्रेक्‍शो लोव़ नु आं पावो, दे अरेशो लोव़ पाइबा, मेको ब्रोंइचा ताइब। मारदे हना गो परमप्रभु यावे नङ। नेहेम्‍याह ९:२९; इजीकीएल २०:११; रोमी ७:१०; रोमी १०:५; गलाती ३:१२

लूका 11:28

मिनु येसुमी “आं ममा क्‍येङा परमप्रभु यावे आ लोव़ नेंशा, थुंमी वोइश्‍शा पाइबपुकी आसीक राइब नम” देंमाक्‍त। लूका ८:१५:२१

लूका 8:15

रिम्‍शो खपीम जुक्‍शो देंशो मुरपुकीमी परमप्रभु यावे आ लोव़ नेंशा, आन रिम्‍शो थुंमी वोइश्‍शा, मिम्‍शा बाक्‍मानु, मेको लोव़ आन थुंमी सिप्‍ब। प्रेरित १६:१४

यूहन्‍ना 14:15

गेपुकी आं कली दाक्‍ताक्‍नी हना, आं अरेशो पाइनीनी। यूहन्‍ना १५:१०; १यूहन्‍ना ५:३

यूहन्‍ना 15:14

गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०

ब्‍यवस्‍था 12:32

गो इन कली दोशो अरेङा, मेको नेल्‍ल होस पा पने। गेपुकीमी मारेइ मतेम्‍दीन, मारेइ मशोलीने” देंत।

ब्‍यवस्‍था 4:40

मुलाक्‍त गो इन कली माइश्‍शो परमप्रभु यावे आ फुल्‍लुम मुशा ब्रेक्‍शो लोव़ नु आ शेंशो टिने। मो पाइतीनी हना, इन आल नु चच आन कली रिम्‍शो दुम्‍ब। मिनु परमप्रभु यावे, इन परमप्रभुमी इन कली गेना हना यो बाक्‍चा कली गेशो रागीम गे शुश नाक्‍ती बाक्‍चा ताइनीनी।