लेवी 18:24 - Sunuwar Bible

²⁴ गेपुकीमी मोदेंशो पाप पा आंम कली ग्रांग्रा मसेलीन। मारदे हना गो मोदेंशो पाप आ पर्बम जात जात ङा मुर इन ङोंइती रे ग्रुंइनुङमी। मेको नेल्‍लेम मोदेंशो पाप पा ग्रांग्रा दिशो दुम्‍शो बाक्‍तेक्‍म।

लेवी 18:24 ပူးပေါင်းရင်းမြစ်များ

उत्पत्ती 15:16

इ मुरपुकी ४ पाला नोले ला एकेर लेश्‍शा जाक्‍नीम। मारदे हना एमोरी आन मरिम्‍शो पशो मनुप्‍शो बाक्‍त” दे परमप्रभु यावेमी देंमाक्‍त। प्रेरित ७:७

१ राजा 9:7

गो इस्राएली आन कली आं गेशो रागी रे खेरनुङमी। मिनु एको आं कली सेल्‍शो खिं कली प्रोंइशा मकोव़नुङ। मिनु इस्राएली चहिं मुर नेल्‍ल आन दातेमी मुने दोक्‍शा, ग्रांग्रा दित्‍तीक दुम्‍नीम। ब्‍यवस्‍था ४:२६; ब्‍यवस्‍था ८:१९-२०; मत्ती २३:३८

२ इतिहास 33:2

मेको परमप्रभु यावेम इस्राएली आन ङोंइती रे खेरशो रागी रागी ङा मुर आन ग्रांग्रा दिशो लांम गाक्‍माक्‍त। मिनु परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। ब्‍यवस्‍था १८:९

एज्रा 9:1

मिनु मेको नेल्‍ल पने थुम्‍शो नोले का निक्‍शी योव़चा पुंइसीशो मुरपुकी आं बाक्‍तीकेम जाक्‍शा “इस्राएल ङा मुरपुकी, चढ़ेब नु लेवीपुकीमी, कनानी हित्ती, परिज्‍जी, यबुसी, अम्‍मोनी, मोआबी, इजीप्‍ती नु एमोरी आन ग्रांग्रा दि‍शो गेय रे ङोन मदुम्‍शो बाक्‍नीम।

भजन संग्रह 106:39

मोपा मेको आन गेयम पतीके ग्रांग्रा दिशो दुम्‍शा, तेल्‍लेम खोदेंशो दुम्‍मा बाक्‍त।

येरमीया 44:4

मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४

इजीकीएल 36:17

मार लोव़ पाप्‍तु देंशा हना “ए मुर, इस्राएली आंम आन रागीमी बाक्‍शो बाक्‍मानु, मेकोपुकीम मेको रागी कली आन पतीक नु आन गेयम ग्रांग्रा दिशो सेल्‍तेक्‍म। मेको आन मरिम्‍शो पशो मीश मुर आ रां ब्रोल्‍शो ग्रांग्रा खोदेंशो बाक्‍त। मेकोपुकीम रागीम हुश शाइक्‍पाइक्‍तीके नु आन मूर्तिम मेको रागी ग्रांग्रा दिशो सेल्‍तेक्‍म। मेको आन पतीके आं ङोंइती रां ब्रोल्‍शो मीश मुर खोदेंशो ग्रांग्रा बाक्‍त। लेवी १८:२४-२५

लेवी 18:3

गेपुकी इजीप्‍त रागीम पशो खोदेंशो मपने। मिनु गो इन कली कनान रागी लाइक्‍नन्‍नी। गेपुकीमी मेक ङा मुर आन पशो खोदेंशो मपने। प्रस्‍थान २३:२४

लेवी 18:30

मोपतीके गे ङोंइती ङा मुरपुकीमी पशो खोदेंशो पा मेको दूली ग्रांग्रा दिशो पाप मपने। मिनु आंम कली ग्रांग्रा दिशो मसेलीन। मारदे हना गो परमप्रभु यावे, इन परमप्रभु नङ’ देनो” देंत।

गन्‍ती 35:34

गे इन बाक्‍शो रागी ग्रांग्रा दिशो मसेलीन। गो यो मेकेर बाक्‍नुङ। मारदे हना गो परमप्रभु यावे इस्राएली आन दातेमी बाक्‍नुङ’ दे इस्राएली आन कली देनो” देंत। लेवी १८:२४-२८; प्रस्‍थान २९:४५

१ कोरिन्‍थी 3:17

मिनु सुमी परमप्रभु यावे आ खिं ग्रांग्रा दिशो सेल्‍बा, परमप्रभु यावेमी मेको कली यो ग्रांग्रा दिशो सेल्‍ब। मारदे हना परमप्रभु यावे आ खिं परमप्रभु यावे के ला बाक्‍ब। मिनु मेको गे बाक्‍नीनी।

ब्‍यवस्‍था 12:31

गेपुकीमी परमप्रभु यावे, इन परमप्रभु कली मोदेंशो मपने। मारदे हना मार मार परमप्रभु यावे आ ङोंइती ग्रांग्रा दित्‍चा ङा बाक्‍मे, मेकोपुकीमी आन देवी देवता आन कली नेल्‍ल पाम्‍तेक्‍म। मेकोपुकीमी आंम तमी तौ आन कली मेको आन देवी देवता आन पर्बम मीम चोशा चढ़ेम्‍तेक्‍म।

ब्‍यवस्‍था 18:12

मोदेंशो पाइब मुर परमप्रभु यावे आ ङोंइती ग्रांग्रा दिचा ङा बाक्‍नीम। मेको ग्रांग्रा दिचा ङा गेय आ पर्बम परमप्रभु यावे, इन परमप्रभुमी मेको मुर आन कली इन ङोंइती रे ग्रुंइब।

ब्‍यवस्‍था 9:4

मिनु परमप्रभु यावे, इन परमप्रभुमी मेको आन कली इन ङोंइती रे खेरानु, गे इन थुंमी ‘परमप्रभु यावेमी आंइ ठीक पतीके एको रागीम चाक्‍तु’ दे ममिम्‍तीन। मेको रागी रागी ङा मुर आन मरिम्‍शो पतीके परमप्रभु यावेमी मेको आन कली इन ङोंइती रे खेरब। ब्‍यवस्‍था ८:१७; उत्‍पत्ती १५:१६

ब्‍यवस्‍था 9:5

गेपुकी इन ठीक पतीक नु इन ठीक थुं दुम्‍तीके मेको आन रागी इन के सेल्‍चा तशो मननी। तन्‍न मेको रागी रागी ङा मुर आन मरिम्‍शो पतीके परमप्रभु यावे, इन परमप्रभुमी मेको आन कली खेरब। मिनु इन किकी पिप अब्राहाम, इसहाक नु याकूब नु जशो कसम खाप्‍चा कली मो पाइब। ब्‍यवस्‍था ६:२५

न्‍यायाधीस 20:10

इस्राएल आ थर नेल्‍ल ङा सहे का रे १० जना, हजार का रे सहे का जना, १० हजार रे हजार का जना मुर लाइश्‍शा, लडाइ पाइब आन कली जचा थोव़क क्‍याप्‍‍ब नु कुरब सेल्‍य। मिनु मोपा गो गिबा सहरम बाक्‍ब बेन्‍यामीन आ थर ङा मुरपुकीम इस्राएलम पशो ग्रांग्रा दिशो गेय आ पर्बम क्‍येक्‍क लेत्‍तय” देंमा बाक्‍त।

न्‍यायाधीस 20:5

मिनु मेको नाक्‍दो गिबा सहरम बाक्‍ब मुरपुकीम आं कली मरिम्‍शो पचा कली आं बाक्‍शो खिं पुम्‍ताक्‍म। मिनु मेकोपुकीमी आं कली साइक्‍चा माल्‍तेक्‍म। मिनु आं मीश कली कीशा लाइश्‍शा, मेको नु मबेक्‍म सम्‍म का का पा इप्‍तेक्‍म।

न्‍यायाधीस 20:6

मिनु गो आं बेक्‍शो मीश कली टुक्रा टुक्रा पा चेक्‍ता। मिनु इस्राएल आ थर नेल्‍ल आन रागीम सोइक्‍ताक्‍ङ। मेकोपुकीमी इस्राएलमी मोदेंशो ग्रांग्रा दिशो नु मरिम्‍शो पामे बाक्‍त, दे तुइक्‍पाइक्‍चा कली गो मो पाता। उत्‍पत्ती ३४:७