2 “गे इस्राएली आन कली ‘गो परमप्रभु यावे, इन परमप्रभु नङ।
मिनु गो गे नु लोव़ पा आं कबल पाइनुङ। गो इ चच युइ नु यो आं कबल पाइनुङ। मेको गेना हना यो लीब कबल बाक्ब। गो इ परमप्रभु नु इ चच युइ आन परमप्रभु नङ।
तेको रागीम परमप्रभु, आं परमप्रभु यावे बाक्बा, मेको ग्येरसीशो रागी बाक्ब। मारदे हना मेको योव़सीशो रागी बाक्ब। ब्यवस्था ३३:२९
“गो परमप्रभु यावे, इन परमप्रभु नङ। गो इन कली वाइलीम वाइल दुम्शो इजीप्त रागी रे ग्रुंइताक्न्नी। न्यायाधीस ६:८; येरमीया ३४:१३
मिनु गो इन कली आं मुर सेल्नुङ। गो इन परमप्रभु दुम्नुङ। मिनु गो इन कली इजीप्त ङा मुर आन गेशो श्येत रे ग्रुंइब, परमप्रभु यावे, इन परमप्रभु नङ, दे तुइक्चा माल्नीनी।
गो इस्राएल कली योव़ङु नाक्ती याकूब आ खिं ङा आ चच युइ नु कसम जाता। इजीप्त रागीमी गो मेको आन दातेम तुइक्पांइसाक्यी। मेको आन कली गो परमप्रभु यावे, इन परमप्रभु नङ, दे कसम जाता। प्रस्थान ६:७-८
मिनु गो मेको आन कली इन कोव़त दाक्शो ग्रांग्रा दित्चा ङा थोव़क ताइक्तीन। गे आंम कली इजीप्त ङा मूर्तिपुकीम ग्रांग्रा दिशो मसेल्सीन। गो परमप्रभु यावे, इन परमप्रभु नङ। यहोसु २४:१४,२३
मिनु गो परमप्रभु यावे, इन परमप्रभु नङ। मोपतीके गेपुकी ग्रांग्रा दिशो मदुम्थु मेको रे ङोन बाक्कीन। मारदे हना गो ग्रांग्रा दिशो रे ङोन बाक्नुङ। गेपुकी खपीम ग्रेशा गाक्ब जन्तु रे ग्रांग्रा दिशो मदुमीन। लेवी १९:२
मिनु परमप्रभु यावेमी मोसा कली
मोपतीके गे ङोंइती ङा मुरपुकीमी पशो खोदेंशो पा मेको दूली ग्रांग्रा दिशो पाप मपने। मिनु आंम कली ग्रांग्रा दिशो मसेलीन। मारदे हना गो परमप्रभु यावे, इन परमप्रभु नङ’ देनो” देंत।
गेपुकीमी आं पावो, दे अरेशो लोव़ नु आं फुल्लुम मुशा ब्रेक्शो लोव़ पचा माल्नीनी। मारदे हना गो परमप्रभु यावे, इन परमप्रभु नङ।
गेपुकीमी इन अङगुर रू ङा फल काइ मलीपाइक्थु, मसेक्कीन। मिनु रूम दोक्शो अङगुर यो मगुपीन। मेको प्रुङग नु अर्को रागी ङा मुर आन कली बाक्ल। गो परमप्रभु यावे, इन परमप्रभु नङ।
गे मेको आन कली इन रागीम जरमेशो मुर खोदेंशो मिम्तीन। मेको आन कली आंम कली खोदेंशो पा दाक्तीन। मारदे हना गेपुकी यो इजीप्तमी अर्को रागी ङा मुर दुम्शा बाक्शो बाक्तीनी। गो परमप्रभु यावे, इन परमप्रभु नङ।
गे इन ङोंइती खेरशो रागी रागी ङा मुर आन पशो मपने। मेकोपुकीमी मोदेंशो नेल्ल पाम्तेक्म। मोपतीके गो मेको आन कली तशा थम ग्रांग्रा दीती।
मोपतीके आं कली जिम्मा गेंसीशा आं के दुमीन। मारदे हना गो परमप्रभु यावे, इन परमप्रभु नङ। लेवी १९:२
