लेवी 17:6 - Sunuwar Bible

⁶ मिनु चढ़ेबमी मेको आ हुश ग्रुम्‍तीक ताम्‍बु आ ओव़तीके आ ङोंइती बाक्‍शो परमप्रभु यावे कली चढ़ेतीकेम ब्रुइक्‍चा माल्‍ब। मिनु बोंसो परमप्रभु यावे कली आ दाक्‍शो ब्रोव़शो रिना पपाइश्‍शो सेल्‍चा कली चोचा माल्‍ब।

लेवी 17:6 ပူးပေါင်းရင်းမြစ်များ

प्रस्‍थान 29:13

मिनु गे क्‍यी गिल्‍शो बोंसो नेल्‍ल, आइदी तारी ङा जाला, आ चिच निम्‍फा नु आ तार ङा बोंसो नेल्‍ल चढ़ेतीकेम चोचा माल्‍नेवे। लेवी ३:१६-१७

प्रस्‍थान 29:18

मोदेंशो पा सांड नेल्‍ल चढ़ेतीक तारी चोचा माल्‍नेवे। मेको परमप्रभु यावे कली चोशा चढ़ेतीक बाक्‍ब। परमप्रभु यावे कली ब्रोव़शो रिना पाइश्‍शो मीम चोशा चढ़ेतीके बाक्‍ब। १सामुएल २:२८

इजीकीएल 44:15

तन्‍न चढ़ेब लेवी आ थर ङा सादोक आ चच युइ, इस्राएली आं रे हेंथे गाक्‍तेक्‍म हना यो, मेकोपुकीम आं खिं ङा पचा माल्‍शो गेय रिम्‍शो पा कोव़तेक्‍म। मेकोपुकी आं गेय पचा कली आं नेक्‍था जाक्‍चा ताइनीम। मेकोपुकी आं ङोंइती बोंसो नु हुश चढ़ेथ जाक्‍चा ताइनीम। इजीकीएल ४०:४६

लेवी 17:5

मोपतीके इस्राएलीपुकीमी आन क्‍योरशा चढ़ेतीके आन बाक्‍तीके रे ग्रुंइशा, परमप्रभु यावे आ ङोंइती चाक्‍चा माल्‍नीम। मेकोपुकीमी आन क्‍योरतीक बस्‍तु भाव चढ़ेब आ बाक्‍तीकेम, ग्रुम्‍तीक ताम्‍बु आ ओव़तीके आ ङोंइती चाक्‍शा, दुशा बाक्‍तीक आ पर्बम चढ़ेचा माल्‍नीम।

लेवी 3:11

मिनु चढ़ेबमी मेको परमप्रभु यावे कली मीम चोशा जचा थोव़क चढ़ेतीक चढ़ेचा माल्‍नीम।

लेवी 3:13

मेकोमी आ गुइ मेको क्‍यारश आ पिया तारी वोइक्‍चा माल्‍ब। मिनु मेको कली ग्रुम्‍तीक ताम्‍बु आ ङोंइती क्‍योरशा साइक्‍चा माल्‍ब। मिनु हारून आ तौपुकीमी मेको आ हुश चढ़ेतीक आ एर ओंथ ब्रुइक्‍चा माल्‍नीम।

लेवी 3:16

मिनु चढ़ेबमी ब्रोव़शो रिना पाइश्‍शो जचा थोव़क मेको मीम चोशा चढ़ेतीकेमी चढ़ेचा माल्‍ब। बोंसो नेल्‍ले परमप्रभु यावे के बाक्‍ब।

लेवी 3:2

मेकोमी आ गुइ आ चढ़ेतीक बस्‍तु आ पिया तार वोइक्‍चा माल्‍ब। मिनु ग्रुम्‍तीक ताम्‍बु आ ओव़तीक आ ङोंइती मेको कली क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको आ हुश लाइश्‍शा चढ़ेतीक आ एर ओंथ ब्रुइक्‍चा माल्‍नीम।

लेवी 3:5

मिनु हारून आ तौपुकीमी मेको नेल्‍ल कली चढ़ेतीके ङा मी तार ङा शीम वोइश्‍शा, चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍ब।

लेवी 3:8

मेकोमी आ गुइ आ चढ़ेतीक भेडा आ पिया तार वोइक्‍चा माल्‍ब। मिनु ग्रुम्‍तीक ताम्‍बु आ ओव़तीक आ ङोंइती मेको कली क्‍योरशा साइक्‍चा माल्‍ब। मिनु चढ़ेब हारून आ तौपुकीमी मेको आ हुश लाइश्‍शा चढ़ेतीक आ एर ओंथ ब्रुइक्‍चा माल्‍नीम।

लेवी 4:31

मेकोमी आ बोंसो नेल्‍ल दुशा बाक्‍चा आ पर्बम चढ़ेशो आ बोंसो खोदेंशो पा शोल्‍चा माल्‍ब। मिनु चढ़ेबमी मेको चढ़ेतीकेमी चोशा परमप्रभु यावे आ दाक्‍शो ब्रोव़शो रिना पाइक्‍चा कली चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब। लेवी ३:१४-१५

गन्‍ती 18:17

मिनु बी, भेडा क्‍यारश आन ङोंइती जरमेशो आन कली प्रोंइने मचाप्‍नीम। मेको आं केन बाक्‍नीम। गे मेको आन हुश चढ़ेतीकेमी ब्रुइक्‍चा माल्‍नेवे। मिनु मेको आन बोंसो चोचा माल्‍नेवे। मेको परमप्रभु यावे कली आ दाक्‍चा ब्रोव़शो रिना पाइश्‍शो मीम चोशा चढ़ेतीक बाक्‍ब।