लेवी 17:5 - Sunuwar Bible

⁵ मोपतीके इस्राएलीपुकीमी आन क्‍योरशा चढ़ेतीके आन बाक्‍तीके रे ग्रुंइशा, परमप्रभु यावे आ ङोंइती चाक्‍चा माल्‍नीम। मेकोपुकीमी आन क्‍योरतीक बस्‍तु भाव चढ़ेब आ बाक्‍तीकेम, ग्रुम्‍तीक ताम्‍बु आ ओव़तीके आ ङोंइती चाक्‍शा, दुशा बाक्‍तीक आ पर्बम चढ़ेचा माल्‍नीम।

लेवी 17:5 ပူးပေါင်းရင်းမြစ်များ

उत्पत्ती 21:33

अब्राहाममी चहिं बेयर-शेबाम रवा का ख्रुमा बाक्‍त। मिनु मेकेर परमप्रभु यावे, गेना हना यो बाक्‍ब परमप्रभु आ नें थिशा, मेको नु लोव़ पवा बाक्‍त। उत्‍पत्ती १२:८; रोमी १६:२६

उत्पत्ती 22:13

मिनु अब्राहाममी एर गे कोव़ङानु, सांड का आ ग्रोव़ चू लहाराम रेश्‍शा, बाक्‍शो तवा बाक्‍त। मिनु लशा सांड चाक्‍शा, आ तौ आ पा ङा मेको सांड क्‍योरशा, चोशा चढ़ेतीक चढ़ेवा बाक्‍त।

उत्पत्ती 22:2

मिनु मेकोमी “इ तौ लतो। का ला बाक्‍शो दाक्‍शो इ तौ इसहाक लतो। मिनु मोरीयाह रागी लावो। मेकेर लशा, इ तौ कली चोशा चढ़ेयी। तेको डांडाम चढ़ेचा माल्‍नेवे, गो इ कली कोंइन‍न” देंमाक्‍त।

उत्पत्ती 31:54

मिनु मेको डांडामी याकूबमी चढ़ेतीके चढ़ेवा बाक्‍त। मिनु आ खिं ङा मुर आन कली “शोब्‍ले जने” दे गेवा बाक्‍त। मिनु जशा, मेको नाक्‍दो मेक उइ बाक्‍मा बाक्‍त। उत्‍पत्ती ३१:४२

१ राजा 14:23

मेकोपुकीम इर डांडा डांडा ङा थानम, देवी आ मूर्ति पाइश्‍शो थाम नु लाइश्‍शो डांडा ङा शुश सफा पाइश्‍शो रवा आन आगाम थान सेल्‍समा बाक्‍त। २राजा १६:१-४

१ राजा 3:2

मेना सम्‍म मुरपुकीम डांडा मेर चढ़ेबाक्‍मा बाक्‍त। मारदे हना परमप्रभु यावे आ नें कली मान पा तेकोइ खिं मसेल्‍शो बाक्‍माक्‍त।

१ राजा 3:3

सोलोमनम चहिं परमप्रभु यावे कली दाक्‍शा, मेको आ लांम गाक्‍शा आ आफ दाऊद आ पशो खोदेंशो पवा बाक्‍त। तन्‍न मेकोमी डांडा ङा थानम चढ़ेशा, धूप चोइबाक्‍माक्‍त।

२ राजा 16:4

मेकोमी डांडा ङा थानम, पहाड मेर नु गिग रवा आन पुं नेल्‍लेमी चढ़ेतीक चढ़ेशा धूप चोवा बाक्‍त।

२ राजा 17:10

मेकोपुकीम डांडा नेल्‍ल नु शुश गिग रवा आन पुंमी ख्रुक्‍शो फुल्‍लु नु मूर्ति पाइश्‍शो थामपुकी सेल्‍मे बाक्‍त। २राजा १६:४; १राजा १४:२३

२ इतिहास 28:4

मेकोमी डांडा ङा थानपुकीम चढ़ेवा बाक्‍त। मिनु नेल्‍ल डांडाम नु ठेयब रवा आ पुंम चढ़ेतीक चढ़ेशा धूप चोवा बाक्‍त। १राजा १४:२२-२३

प्रस्‍थान 24:5

मिनु मोसामी इस्राएली ठिटा आन कली बोहोर क्‍योरशा, चोशा चढ़ेतीक नु परमप्रभु यावे नु दुशा बाक्‍चा आ पर्बम चढ़ेतीक चढ़ेपपाइक्‍तु। न्‍यायाधीस १७:७

इजीकीएल 20:28

गो कसम जशा मेको आन कली गेनुङ देंशो रागीम चाक्‍तामी। मेकोपुकीम मेकेर लाइश्‍शो डांडा नु शुश सफा पाइश्‍शो रवा ताम्‍तेक्‍म। मेकेर आन मार मार चढ़ेम्‍तेक्‍म। आं कली गाइक्‍पाइक्‍चा कली आन पोक्‍शो मार मार चढ़ेम्‍तेक्‍म। मेकेर आन ब्रोव़शो रिना पाइश्‍शो धूप चोशा, आन तूचा थोव़क चढ़ेतीक चढ़ेम्‍तेक्‍म।

इजीकीएल 22:9

मेकेर मुर आन पर्बम जोल लोव़ पा साइक्‍पाइक्‍ब मुर बाक्‍नीम। मिनु डांडा ङा थानम चढ़ेशो मार मार जाइब मुर यो बाक्‍नीम। मेकोपुकीम थम मरिम्‍शो गेय पाइनीम।

इजीकीएल 43:27

मिनु मेको नाक्‍त नुम्‍मेनु, ८ नाक्‍त रे चढ़ेबपुकीम इन चोशा चढ़ेतीक नु दुशा बाक्‍चा आ पर्बम चढ़ेतीक चढ़ेचा माल्‍नीम। मिनु गो इन कली ब्राइनुङ” दे परमप्रभु, परमप्रभु यावेमी देंत।

इजीकीएल 44:15

तन्‍न चढ़ेब लेवी आ थर ङा सादोक आ चच युइ, इस्राएली आं रे हेंथे गाक्‍तेक्‍म हना यो, मेकोपुकीम आं खिं ङा पचा माल्‍शो गेय रिम्‍शो पा कोव़तेक्‍म। मेकोपुकी आं गेय पचा कली आं नेक्‍था जाक्‍चा ताइनीम। मेकोपुकी आं ङोंइती बोंसो नु हुश चढ़ेथ जाक्‍चा ताइनीम। इजीकीएल ४०:४६

लेवी 17:4

मिनु परमप्रभु यावे आ ङोंइती चढ़ेचा कली ग्रुम्‍तीक ताम्‍बु आ ओव़तीकेम मचाक्‍बा, मेको मुर साइश्‍शो आ पर्बम दोस ताइब। मेकोमी साइक्‍तीके आ मुर रे तिल्‍चा पुंइसीब। उत्‍पत्ती ९:६

लेवी 17:6

मिनु चढ़ेबमी मेको आ हुश ग्रुम्‍तीक ताम्‍बु आ ओव़तीके आ ङोंइती बाक्‍शो परमप्रभु यावे कली चढ़ेतीकेम ब्रुइक्‍चा माल्‍ब। मिनु बोंसो परमप्रभु यावे कली आ दाक्‍शो ब्रोव़शो रिना पपाइश्‍शो सेल्‍चा कली चोचा माल्‍ब।

ब्‍यवस्‍था 12:2

मिनु गे तेको रागी ङा मुर आन कली खेरनीनी, मेको आन देवी देवता आन थान नेल्‍ल प्रेत्‍चा माल्‍नीनी। मेको लाइश्‍शो डांडाम, पहाडीम नु नेल्‍ल रवा आन पुंम बाक्‍शो बाक्‍नीम। ब्‍यवस्‍था ७५,२५; प्रस्‍थान ३४:१३