लेवी 17:16 - Sunuwar Bible

¹⁶ तन्‍न मेकोपुकीमी आन वा ममुरथु, मचिक्‍साक्‍म हना, मेको आन पशो आ पर्बम मेको दोस ताइब दुम्‍नीम’ दे हारून नु आ तौ आन कली देनो” दे परमप्रभु यावेमी देंत।

लेवी 17:16 ပူးပေါင်းရင်းမြစ်များ

यसैया 53:11

मेको आ श्‍येत जशो रे मेकोमी छेङछेङ ताइब। मेको आ तुइक्‍तीकेमी शुश मुर आन कली ठीक पतीके तुइक्पाइक्‍ब। मेकोमी आन मरिम्‍शो पशो कुरब। १कोरिन्‍थी १:३०; यूहन्‍ना १:२९

लेवी 18:1

मिनु परमप्रभु यावेमी मोसा कली

लेवी 19:8

मेको ब्‍वाइब नेल्‍लेमी सजाइ ताइनीम। मारदे हना मेकोमी परमप्रभु यावे कली चढ़ेशो ग्रांग्रा दिशो सेल्‍शा, मेको कली मटीम। मिनु मोदेंशो मुर आन मुर रे तिल्‍चा पुंइसीनीम।

लेवी 20:17

सु मुर आ दिदी बहिनी, आ आंम आ तमी कि आ आफ आ तमी नु इप्‍त हना, मेको थम मुने बाक्‍ब। मेको निम्‍फा आस कली आस मुर आन दाते रे नेल्‍लेम तचा ङा पा साइश्‍शा क्‍याम्‍चा माल्‍ब। मेकोमी आंम आ समी नु इप्‍तीके सजाइ गेचा पुंइसीब।

लेवी 5:1

मिनु मुर कामी मार मार तशा तुइश्‍शा यो, सांकछी दुम्‍चा कली ब्रेत्‍मेनु, सांकछी दुम्‍चा कली मजाक्‍बा, मेकोमी आ तशो तुइश्‍शो मदेंत हना, मेको आ पर्बम दोस ताइब दुम्‍ब। न्‍यायाधीस १७:२; हितोपदेस २९:२४

लेवी 7:18

मेको दुशा बाक्‍तीक आ पर्बम चढ़ेशो आ श्‍ये आ नित्‍थ नाक्‍त सम्‍म सुइम ब्‍वाप्‍तु हना, मेको काइ मदुम्‍ब। मेको मुरुमी यो मचढ़ेशो खोदेंशो दुम्‍ब। मेको श्‍ये ब्‍वचा ग्रांग्रा दित्‍चा ङा बाक्‍ब। मेको ब्‍वाइब मुर दोस ताइब।

यूहन्‍ना 13:8

पत्रुसमी “गो आं खोइल चिक्‍चा काइ मगेनुङ” देंत। मिनु येसुमी “गो इ खोइल मचिक्‍ताक्‍न हना, गे आं मुर मनवे” दे माइक्‍तु।

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११