लेवी 17:13 - Sunuwar Bible

¹³ मिनु सुइ इस्राएलीपुकी नु गेपुकी नु बाक्‍ब अर्को रागी ङा मुर सिखार ग्‍यारशा, ग्‍याइश्‍शा मारेइ साइक्‍तीनी हना, मेको आ हुश नेल्‍ल जारशा, खपीम सुम्‍चा माल्‍ब।

लेवी 17:13 ပူးပေါင်းရင်းမြစ်များ

अय्‍युब 16:18

ए खप, आं हुश मसुमो। आं पुंइशो लोव़ गेनायो मनांइसेक्‍ल। उत्‍पत्ती ४:१०; इजीकीएल २४:७-८

हितोपदेस 6:26

तेल्‍लेम आ गाल्‍च शोब्‍ले का ङा ला बाक्‍ब। तन्‍न ग्‍युंबे पशो मीश मुर नु बाक्‍चा वोंइश मुर आ ब्रोंइतीक नेल्‍ल रोइक्‍ब।

इजीकीएल 24:7

मारदे हना मेको आ हुश शाइक्‍पाइश्‍शो मेको आ दातेमीन बाक्‍ब। मेकोम मेको हुश श्‍येत्‍थ फुल्‍लु तार शाइक्‍पाइश्‍शो बाक्‍त। मिनु खपीम मसुम्‍शो बाक्‍त।

लेवी 17:12

मोपतीके गेपुकी नु गेपुकी नु बाक्‍ब अर्को रागी ङा मुर सुइमी हुश ब्‍वचा मदुम्‍ब, दे गो इस्राएली आन कली देंशो बाक्‍नुङ।

लेवी 7:26

गेपुकी ते बाक्‍तीनी हना यो, तेकोइ चिक्‍ब नु बी ब्‍यफ, क्‍यारश भेडा आन हुश ब्‍वचा मदुम्‍ब।

ब्‍यवस्‍था 12:16

तन्‍न हुश चहिं मब्‍वने। मेको ब्‍वाक्‍कु खोदेंशो पा खपीम ताइक्‍तीन। लेवी ३:१७; लेवी १७:११

ब्‍यवस्‍था 12:24

मेको ब्‍वचा मदुम्‍ब। मेको कली ब्‍वाक्‍कु खोदेंशो पा खपीम ताइक्‍चा माल्‍नीनी।

ब्‍यवस्‍था 15:23

मेको आ हुश ला मब्‍वचा। मेको ब्‍वाक्‍कु खोदेंशो पा खपीम ताइक्‍चा माल्‍नीनी” देंत। ब्‍यवस्‍था १२:१६