लेवी 16:29 - Sunuwar Bible

²⁹ एको नेल्‍ले इन कली गेना हना यो पतीके बाक्‍ब। ७ महिना ङा १० नाक्‍ती परमप्रभु यावे आ नेक्‍था जाक्‍चा माल्‍नीनी। मेको नाक्‍ती गे, इस्राएली नु अर्को रागी ङा मुर नेल्‍लेमी काइ गेय मपने। लेवी २३:२७-३२; गन्‍ती २९:७

लेवी 16:29 ပူးပေါင်းရင်းမြစ်များ

१ राजा 8:2

मिनु एथानीम माइश्‍शो ७ महिना ङा चाड नाक्‍ती, इस्राएल ङा मुर नेल्‍ल पिप सोलोमन आ ङोंइती बुक्‍मा बाक्‍त।

एज्रा 3:1

मिनु इस्राएली आंम आन गाउं गाउंमी नेल्‍ल गारपा बाक्‍ने थुम्‍शो बाक्‍तेक्‍म। आन बाक्‍शो ७ महिना दुम नोले मुर नेल्‍ल थुं का ङा दुम्‍शा, यरूसलेममी बुक्‍तेक्‍म।

एज्रा 8:21

मिनु गो अहावा खोलाम बाक्‍कानु, गो मुर आन कली “परमप्रभु कली पुंइचा कली गो माइजा बाक्‍चा माल्नय” देंती। “परमप्रभु आ ङोंइती आंइ दाक्‍शो मपथु, आंइ कली, आंइ आल आन कली नु आंइ शोंप कली लांम रिम्‍शो दुम्‍ल” दे परमप्रभु कली पुंइत‍क।

भजन संग्रह 35:13

मेकोपुकी रोइ पामेनु, गो अरन्‍डी फेक्‍शा, माइजा बाक्‍शा, सुर्ता पाता। गो बाप्‍शा मेको आन पर्बम परमप्रभु कली पुंइता। अय्‍युब ३१:२९

भजन संग्रह 69:10

गो ङाक्‍शा, माइजा बाक्‍ङानु, मुरपुकीमी रित्‍ताक्‍यीमी।

प्रस्‍थान 12:16

मिनु ७ नाक्‍त ङा ङोंइती नाक्‍ती नु नोले ङा नाक्‍ती परमप्रभु आ नेंमी ग्रुम्‍चा माल्‍नीनी। मिनु जचा थोव़क सेल्‍चा क्‍येङा लाक्‍शा, अरु गेय काइ मपने।

प्रस्‍थान 20:10

तन्‍न मेको आ नोले ङा नाक्‍त परमप्रभु यावे, इन परमप्रभु आ नाइक्‍तीक नाक्‍त बाक्‍ब। मेको नाक्‍ती गेपुकी काइ गेय मपने। इन तमी तौ, इन वाइलीम वाइल, इन बस्‍तु भाव, इन रागीम बाक्‍शो अर्को रागी ङा मुर आन कली यो काइ गेय मपपतीन। प्रस्‍थान ३१:१३-१७; इजीकीएल २०:१२; मर्कूस २:२७-२८; कलस्‍सी २:१६-१७

प्रस्‍थान 30:10

बर्सम खेयप का हारूनमी चढ़ेतीक आ ग्रोव़म हुश ख्रेक्‍शा पाप क्‍याम्‍तीक गेय पचा माल्‍ब। मेको हुश पाप आ पर्बम चढ़ेशो बस्‍तु आ हुश बाक्‍चा माल्‍ब। मेको गेना हना यो बर्समी खेयप का इन चच युइ आन पाला सम्‍म मेको पाप क्‍याम्‍तीक गेय चढ़ेतीके आ हुशेमी पचा माल्‍ब। मेको परमप्रभु यावे आ ङोंइती नेल्‍ल क्‍येङा चोव़खो सेल्‍तीके बाक्‍ब” दे परमप्रभु यावेमी मोसा कली दें‍त। लेवी १६:१८

प्रस्‍थान 31:14

मोपतीके गेपुकीमी नाइक्‍तीक नाक्‍त मानेचा माल्‍नीनी। मारदे हना मेको परमप्रभु आ नाक्‍त बाक्‍ब। सु सुमी मेको नाक्‍ती ममानेथु, गेय पाइनीमी, मेको मुर आ जात ङा मुर रे तिल्‍शा, साइक्‍चा पुंइसीनीम। गन्‍ती १५:३२-३५; येरमीया १७:२१-२३

प्रस्‍थान 31:15

मोपा ६ नाक्‍त सम्‍म गेय पामेक्‍ल, तन्‍न ७ नाक्‍त चहिं नाइक्‍तीक नाक्‍ती बाक्‍ब। मेको परमप्रभु यावे आ नाक्‍त बाक्‍ब। सु सुम मेको नाक्‍ती गेय पाइनीमी मेको थमा पा साइक्‍चा पुंइसीनीम।

यसैया 58:13

गे नाइक्‍तीक नाक्‍ती अर्को नाक्‍त खोदेंशो मसेल्‍तीनी हना, मेको आं नाक्‍तीमी इन गेय मपाइतीनी हना नु आं योव़शो नाक्‍त कली रिम्‍शो नाक्‍त बाक्‍ब देंतीनी हना, परमप्रभु यावे आ नाक्‍त ठेयब बाक्‍ब देंतीनी हना, गे मेको नाक्‍ती कली ठेयब सेल्‍शा, इन गेय मपाइतीनी हना, इन दला दाक्‍स मपाइतीनी हना, यसैया ५६:२-४

यसैया 58:3

मेकोपुकीमी ‘गो मारदे माइजा बाक्‍का? गे मताइनीनी। गो मारदे आंम कली ब्रेम्‍शो सेल्‍का? गे मतुइक्‍तीनी’ देंतेक्‍म। गे इन माइजा बाक्‍ची ना इन आंम मिम्‍शो पाइनीनी। मिनु इन गेय पाइब नेल्‍ल आन कली दिप्‍नीनी। येरमीया १४:१२

यसैया 58:5

आं योव़शो माइजा बाक्‍तीक मोदेंशो बाक्‍बा ङा? मार, आंम कली काबु ला ब्रेम्‍शो सेल्‍चा? बुदी मीलु घांस गुक्‍शो खोदेंशो पा इन पिया खुक्‍शा, अरन्‍डी फेक्‍शो नु पुलु तार निश्‍शो कली माइजा बाक्‍शो देंनीनी? मेको परमप्रभु यावे आ दाक्शो बाक्‍ब, देंनीनी? जकरिया ७:५-६; मत्ती ६:१६-१८

दानीएल 10:12

मिनु मेकोमी आं कली “दानीएल, महिंनो, गे रुप्‍चा माल्‍शा ङोंइती ङा नाक्‍ती रे इ परमप्रभु आ ङोंइती आंम कली ब्रेम्‍शो सेल्‍साक्‍वे, इ पुंइशो नेंतीके गो एक जाक्‍ती।

दानीएल 10:3

मेको हप्‍ता सां सम्‍म गो ब्रोव़शो मारेइ जचा थोव़क मजङ। श्‍ये मब्‍वङ। अङगुर शांबु यो मतूङु। मिनु तेल यो मख्रेक्‍सीङ।

लेवी 23:21

मेको नाक्‍त इन कली ठेयब ग्रुम्‍तीक नाक्‍त बाक्‍ब, दे गेपुकीमी नेल्‍ल आन कली नेंपाइक्‍चा माल्‍नीनी। गेपुकीमी मारेइ गेय मपने। मेको गेपुकी ते बाक्‍तीनी हना यो, एको गेना हना यो नेल्‍ल पाला सम्‍म पतीक बाक्‍ब।

लेवी 23:3

गे ६ नाक्‍ती सम्‍म गेय पचा माल्‍नीनी। तन्‍न ७ नाक्‍त चहिं थमा पा नाइक्‍तीक नाक्‍ती बाक्‍शा, परमप्रभु यावे केन बाक्‍ब। गे मारेइ गेय मपने। इन बाक्‍तीक नेल्‍लेमी परमप्रभु यावे आ नाइक्‍तीक नाक्‍ती बाक्‍ब’ ” देंत। प्रस्‍थान २०:८-११

लेवी 23:36

मिनु गेपुकीमी ७ नाक्‍त सम्‍म परमप्रभु यावे कली मीम चोशा चढ़ेतीक चढ़ेन। मिनु गेपुकीमी आ दीसा परमप्रभु यावे आ पर्बम ग्रुम्‍तीक नाक्‍ती मानेन। मिनु परमप्रभु यावे कली मीम चोशा चढ़ेन। मेको ठेयब ग्रुम्‍तीक नाक्‍ती बाक्‍ब। मिनु गेपुकीम मेको नाक्‍त इन गेय काइ मपने। यूहन्‍ना ७:३७

लेवी 25:9

मिनु ७ महिना ङा १० नाक्‍ती पाप क्‍याम्‍तीक नाक्‍त बाक्‍ब। मेको नाक्‍ती इन रागी नेल्‍लेमी तुराही ताप्‍पाइक्‍चा माल्‍नीनी। लेवी २३:२७

लेवी 3:17

मिनु गेपुकीमी बोंसो नु हुश मब्‍वने। इन नोले ङा पाला नेल्‍ल आन कली गेपुकी ते बाक्‍तीनी हना यो, गेना हना यो लीब अरेतीक बाक्‍ब’ दे इस्राएली आन कली देनो” दे परमप्रभु यावेमी मोसा कली देंत। लेवी ७:२३,२७; लेवी १७:१०-१४; उत्‍पत्ती ९:४; ब्‍यवस्‍था १२:१६,२३; प्रेरित १५:२०-२९

गन्‍ती 29:7

मेको ७ महिना ङा १० नाक्‍त परमप्रभु यावे नु ग्रुम्‍तीके का दुम्‍चा माल्‍ब। मेको नाक्‍ती गे माइजा बाक्‍शा, काइ गेय मपने। लेवी २३:२७-३२

प्रेरित 27:9

फश गिवारमी तेक्‍तीके क्रेटमी जाक्‍दीत्‍चा यो शुश नाक्‍त लाक्‍शा, माइजा बाक्‍तीक लाइ यो लाक्‍तु। में ङा मेरे जहाज चलेचा हिंचा पाइब। २कोरिन्‍थी ११:२५-२६; लेवी १६:२९

१ कोरिन्‍थी 11:31

तन्‍न गोपुकीमी आंम कली ठीक पा नाक्‍शा, प्रभु भोज जाइतय हना, सजाइ गेचा मपुंइसीनय।

हिब्रू 4:10

मिनु सुमी परमप्रभु यावे आ नाइक्‍तीके ताइबा, मेको परमप्रभु यावे खोदेंशो पा आ गेय रे नाइक्‍चा ताइब। प्रकाश १४:१३

१ सामुएल 7:6

मिनु मेकोपुकी मिस्‍पाम बुक्‍‍मा बाक्‍त। मिनु ब्‍वाक्‍कु चाक्‍शा, परमप्रभु यावे आ ङोंइती मोदमे बाक्‍त। मिनु मेको नाक्‍ती माइजा बाक्‍शा, मेकोपुकीमी “गो परमप्रभु यावे आ ङोंइती पाप पाइतक” देंमा बाक्‍त। मिनु सामुएलम इस्राएली आन कली मिस्‍पा सहरम ब्रेश्‍शा निसाफ पवा बाक्‍त। २सामुएल २३:१६