लेवी 16:23 - Sunuwar Bible

²³ मेको नोले हारून ग्रुम्‍तीक ताम्‍बुम ओव़शा, मेको आ ङोंइती चोव़खो कोठा ओव़शा, फेक्‍शो सुती वा प्रुइश्‍शा, मेक उइ वोइक्‍चा माल्‍ब।

लेवी 16:23 ပူးပေါင်းရင်းမြစ်များ

इजीकीएल 42:14

मिनु चढ़ेबपुकी चोव़खो बाक्‍तीकेम ओव़मानु, आन फेक्‍शो गेय पतीक वा मप्रुइक्‍थु, लाङगा ग्रूचा मदुम्‍नीम। मारदे हना मेको चोव़खो वा बाक्‍नीम। मेकोपुकी मुर आन दातेम लचा क्‍येङा ङोंइती अर्को वा फेक्‍चा माल्‍नीम” देंत। इजीकीएल ४४:१९

इजीकीएल 44:19

मेकोपुकी लाङगा गे ङा लाङगा, मुर आन बाक्‍तीक लमानु, आगाम गेय पामेनु, फेक्‍शो वा प्रुइक्‍चा माल्‍नीम। मिनु मेको चोव़खो कोठाम वोइश्‍शा, अर्को वा फेक्‍चा माल्‍नीम। मोपा परमप्रभु आ थोव़क नु मुर आ थोव़क मखाल्‍दमेक्‍ल। इजीकीएल ४२:१४

लेवी 16:22

मोपा मेको बोकाम मेको आन मरिम्‍शो पशो कुरशा, सुइ मबाक्‍शो गोरशो रागीम लाइक्‍चा माल्‍ब। मेको मुरुम मेको बोका कली गोरशो रागीम प्रोंइचा माल्‍ब।

लेवी 16:4

सुती के आं गेय पचा कली ला आगा फेक्‍तीक वा फेक्‍शा, सुती के आ तार फेक्‍तीक फेक्‍शा, सुती के किप्‍शुर किप्‍शा नु सुती वा के पियाम गुप्‍तीक गुक्‍शा ओव़चा माल्‍ब। मेको वा आ गेय पचा कली ला बाक्‍त। मेकोमी चिक्‍सीशा ला मेको वा फेक्‍सीचा माल्‍ब। प्रस्‍थान २८:३९,४२; प्रस्‍थान २९:४; प्रस्‍थान ३०:१९-२०

लेवी 6:11

मिनु नोले मेकोमी आ फेक्‍शो वा प्रुइश्‍शा, अर्को वा फेक्‍शा, मेको पुलु ताम्‍बु रे ग्रुंइशा चोव़खो पुलु ताइक्‍तीकेमी लाइश्‍शा ताइक्‍चा माल्‍ब।

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४