लेवी 16:20 - Sunuwar Bible

²⁰ मिनु हारूनमी चोव़खो कोठा, ग्रुम्‍तीक ताम्‍बु नु चढ़ेतीके आ पर्बम पाप क्‍याम्‍तीक गेय पवा नोले, मेको सेस बोका चाक्‍चा माल्‍ब।

लेवी 16:20 ပူးပေါင်းရင်းမြစ်များ

इजीकीएल 45:20

मिनु सुइम ममिम्‍थु मतुइक्‍थु पाप पशो बाक्‍त हना, महिना ङा ७ नाक्‍त गेपुकीम मो पचा माल्‍नीनी। मोपा गे परमप्रभु यावे आ खिं कली यो पाप क्‍याम्‍तीक गेय पचा माल्‍नीनी। लेवी ४:२२; लेवी ५:१७-१८

लेवी 16:16

मोपा मेकोमी मेको कोठा चोव़खो दुम्‍ब। मिनु इस्राएल ङा मुर आन ग्रांग्रा दिशो नु मरिम्‍शो पशो नु मेको आन पाप आन पर्बम पाप क्‍याम्‍तीक गेय बाक्‍ब। मिनु मेकोमी ग्रुम्‍तीक ताम्‍बु कली यो पचा माल्‍ब।

लेवी 16:19

मिनु इच्‍का हुश लाइश्‍शा, आ ब्रेप्‍चोम ७ खेयप मेको चढ़ेतीक तार ब्रुइक्‍चा माल्‍ब। मोपा मेको चढ़ेतीके इस्राएली आन ग्रांग्रा दिशो रे चोव़खो सेल्‍चा माल्‍ब।

लेवी 16:21

मिनु नोले हारूनम आ गुइ निम्‍फा मेको सेस बोका आ पिया तार वोइक्‍चा माल्‍ब। मिनु इस्राएली आन मरिम्‍शो पशो नेल्‍ल नु आन पशो पाप नेल्‍ल शोव़शा, मोपा नेल्‍ल पाप बोका आ पियाम वोइक्‍चा माल्‍ब। मिनु नोले मुर काम मेको बोका कली गोरशो रागीम चोक्‍चा माल्‍ब।

लेवी 6:30

तन्‍न तेको पाप क्‍याम्‍चा कली चढ़ेतीके आ हुश पाप क्‍याम्‍तीक गेय पचा कली ग्रुम्‍तीक ताम्‍बु आ आगाम चाक्‍नीमी, मेको ब्‍वचा मदुम्‍ब। मेको चोचा माल्‍नीम।

लेवी 8:15

मिनु मोसामी मेको ब्‍यफ कली साइक्‍तु। मिनु मेकोमी मेको इच्‍का हुश लाइश्‍शा आ ब्रेप्‍चोमी चढ़ेतीक एर ओंथ ङा ग्रोव़म ख्रेक्‍शा, चढ़ेतीक कली परमप्रभु यावे कली ला, चोव़खो सेल्‍तु। मिनु लीशो हुश चहिं चढ़ेतीक आ पुंम मोइक्‍तु। मोपा मेको चढ़ेतीक कली पाप क्‍याम्‍तीक गेय पचा, दे चोव़खो सेल्‍तु।

रोमी 4:25

येसु ख्रीस्‍त इं पाप क्‍याम्‍चा कली साइक्‍चा पुंइसाक्‍व। मिनु इं कली ठीक दुम्‍पाइक्‍चा कलीन बेक्‍शो रे सेंचा पुंइसाक्‍व। रोमी ८:३२-३४; यसैया ५३:४-६

रोमी 8:34

सुमी मेको आन कली सजाइ गेने चाप्‍बा ङा? सुइमी मचाप्‍नीम। मारदे हना मेको आन बेक्‍चा ङा बेक्‍शा, बेक्‍शो रे सेंसीशा, परमप्रभु यावे आ ग्‍युरा गे बाक्‍चा तशो ख्रीस्‍त येसुमी मेको आन पर्बम मपुंइबा ङा? पुंइब। १यूहन्‍ना २:१; हिब्रू ७:२५

२ कोरिन्‍थी 5:19

परमप्रभु यावेमी ख्रीस्‍त रे पा मुर आन कली आ नु गारपाइक्‍तु। मेको आन मरिम्‍शो पशो नेल्‍ल प्रेंशा, गारपाइक्‍तीक गेय आंइ कली गेप्‍तु। रोमी ३:२४-२५; कलस्‍सी १:१९-२०

कलस्‍सी 1:20

परमप्रभु यावेमी येसु ख्रीस्‍त रेन मारेइ मारेइ आन कली आ नु गारपाइक्‍तु। सरीङ नु रागीम बाक्‍शो नेल्‍ल आन कली, शीम केप्‍शा कांटी थोक्‍शा साइक्‍चा पुंइसीशा, आ हुशेमी आ नु गारपाइक्‍तु। १यूहन्‍ना २:२

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१

प्रकाश 1:18

ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।