लेवी 16:2 - Sunuwar Bible

² मिनु परमप्रभु यावेमी मोसा कली “इ लोक्‍ब हारून कली ‘इ दाक्‍शो खोदेंशो पा, गेना हना यो फारशो वा आ आगा बाक्‍शो चोव़खो कोठामी कबल पशो सन्‍दोस तार बाक्‍शो शिशी पतीके आ ङोंइती मजाक्‍को। मटीतीनी हना, गे बेक्‍नेवे। मारदे हना गो शिशी बाक्‍तीकेम गोस्‍स आगाम बाक्‍शा जाक्‍नुङ। प्रस्‍थान २६:३३-३४

लेवी 16:2 ပူးပေါင်းရင်းမြစ်များ

१ राजा 6:16

सोलोमनमी मेको खिं आगा आ नोले गे २० कुबीत लाइश्‍शो नेल्‍ल क्‍येङा चोव़खो कोठा सेल्‍पदा बाक्‍त। मेको कोठा नेल्‍ले लेबानोन ङा लाइश्‍शो रवा आन फलेक गारपाइश्‍शा क्‍येप्‍पदा बाक्‍त। कुबीत का ०.५ मिटर बाक्‍ब।

१ राजा 8:6

मिनु नोले चढ़ेबपुकीम परमप्रभु यावे आ कबल पशो सन्‍दोस खिं ङा नेल्‍ल क्‍येङा चोव़खो बाक्‍तीकेम चाक्‍शा करूब आस फ्रां आगाम वोदमे बाक्‍त। २सामुएल ६:१७; १राजा ६:२७

२ इतिहास 5:14

मिनु मेको गोस्‍सुम खिं ब्रीतीके चढ़ेबपुकीम गेय पने मचाप्‍मे बाक्‍त। मारदे हना परमप्रभु यावे आ खिं आ छेङछेङम ब्रीशो बाक्‍माक्‍त। १इतिहास ७:१-३; प्रस्‍थान ४०:३५

प्रस्‍थान 30:10

बर्सम खेयप का हारूनमी चढ़ेतीक आ ग्रोव़म हुश ख्रेक्‍शा पाप क्‍याम्‍तीक गेय पचा माल्‍ब। मेको हुश पाप आ पर्बम चढ़ेशो बस्‍तु आ हुश बाक्‍चा माल्‍ब। मेको गेना हना यो बर्समी खेयप का इन चच युइ आन पाला सम्‍म मेको पाप क्‍याम्‍तीक गेय चढ़ेतीके आ हुशेमी पचा माल्‍ब। मेको परमप्रभु यावे आ ङोंइती नेल्‍ल क्‍येङा चोव़खो सेल्‍तीके बाक्‍ब” दे परमप्रभु यावेमी मोसा कली दें‍त। लेवी १६:१८

लेवी 16:13

मिनु मेकोमी परमप्रभु यावे आ ङोंइती बाक्‍शा, धूप चोचा माल्‍ब। मिनु धूप आ कुनम कबल पशो सन्‍दोस आ तार बाक्‍शो शिशी बाक्‍तीक कली सुम्‍चा माल्‍ब। मोदेंशो मपाप्‍तु हना, मेको बेक्‍ब। प्रस्‍थान २५:१७-२२

लेवी 16:34

मिनु बर्सम खेयप का इस्राएली नेल्‍ल आन कली पाप क्‍याम्‍तीक गेय पचा माल्‍ब। मेको इन कली गेना हना यो पतीक बाक्‍त। बर्सम खेयप का इस्राएली नेल्‍ल आन पाप आ पर्बम माफ पुंइचा माल्‍ब’ दे हारून कली देनो” देंत। मिनु परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु। प्रस्‍थान ३०:१०; हिब्रू १०:३

लेवी 23:27

“मेको ७ महिना ङा १० नाक्‍त पाप क्‍याम्‍तीक नाक्‍त बाक्‍ब। मेको नाक्‍ती गेपुकीमी परमप्रभु यावे आ पर्बम ग्रुम्‍चा माल्‍नीनी। गेपुकी मेको नाक्‍त माइजा बाक्‍चा माल्‍नीनी। मिनु गेपुकीमी परमप्रभु यावे कली मीम चोशा चढ़ेतीक चढ़ेचा माल्‍नीनी। लेवी १६:-

लेवी 8:35

गेपुकी ७ नाक्‍त सम्‍म नाक्‍दो नाक्‍ती ग्रुम्‍तीक ताम्‍बु आ ओव़तीकेमी बाक्‍चा माल्‍नीनी। गे परमप्रभु यावेमी अरेशो पने। मो मपाइतीनी हना, गे बेक्‍नीनी। मारदे हना आं कली मोदें अरेशो बाक्‍ब” दे माइक्‍तीमी।

गन्‍ती 17:10

मिनु परमप्रभु यावेमी मोसा कली “मरिम्‍शो पाइब मुर आन कली मिम्‍तीके दुम्‍पाइक्‍चा कली हारून आ कोक्‍के लेंशा सल्‍ला पशो सन्‍दोस आ ङोंइती लाइश्‍शा वोतो। मिनु मेकोपुकीमी आं पर्बम गन गन पचा मप्रोंइतेक्‍म हना, बेक्‍नीम” देंत। हिब्रू ९:४

गन्‍ती 18:7

तन्‍न गे नु इ तौपुकीम चढ़ेतीक नु फारशो वा आगा ङा कोठा ङा गेय थम रिम्‍शो पा पने। चढ़ेतीक गेय इन कली गेतन्‍नी। अरु सुइ मेकेर जाक्‍तेक्‍म हना, मेको साइक्‍चा पुंइसीनीम” देंत। गन्‍ती १:५१

गन्‍ती 4:19

गे, कोहाथी मबेक्‍थु, ब्रोंइमल दे नेल्‍ल क्‍येङा चोव़खो थोव़क आ नेक्‍था जाक्‍मानु, मार पचा माल्‍नीनी देंशा हना, हारून नु आ तौपुकी आगा ओव़शा, मेको आन कली आन आन गेय नु मार मार कुरचा माल्‍नीनी, मेको योक्‍शा गेचा माल्‍नीमी।

गन्‍ती 4:5

मिनु ग्रुम्‍तीक ताम्‍बु याक्‍तमेनु, हारून नु आ तौ ग्रुम्‍तीक ताम्‍बु ओव़शा, फारशो वा शोल्‍शा, मेको वामी कबल पशो सन्‍दोस सुम्‍चा माल्‍नीम।

मत्ती 27:51

मिनु बेक्‍म चोटी मार दुम्‍माक्‍त देंशा हना, परमप्रभु यावे आ खिं ङा आगा ङा कोठामी बारेशो वा इर रे उइ सम्‍म उइक्‍थ पा जेर गाक्‍माक्‍त। ख्रिनु कुशा, प्रस्‍थान २६:३१-३३; २इतिहास ३:१४

हिब्रू 6:19

मेको आस चहिं इं थुं ग्‍येत्‍थ लुक्‍च पचा मगेब ग्‍याइक्‍तीके खोदेंशो बाक्‍ब। मेको आस नेल्‍ल क्‍येङा आगा ङा चोव़खो कोठा ङा फारतीक वा आगा बाक्‍ब। लेवी १६:२,१२

हिब्रू 9:25

ख्रीस्‍तमी आंम कली शुश खेयप चढ़ेचा ममाल्‍द। नेल्‍ल क्‍येङा ठेयब चढ़ेब चहिं बर्स बर्सम आंम हुश ममाइ, मार मार आन हुश कुरशा मेको नेल्‍ल क्‍येङा चोव़खो कोठा ओव़चा माल्‍दा बाक्‍त।

हिब्रू 9:3

फारतीक वा आ आगा नेल्‍ल क्‍येङा चोव़खो कोठा बाक्‍‍शो बाक्‍माक्‍त।

हिब्रू 9:5

सन्‍दोस आ तारी करूब निक्‍शी वोइश्‍शो बाक्‍तेक्‍म। मेको निक्‍शीमी “परमप्रभु यावे एकेर बाक्‍ब” दे आ शिशी पतीक कली वांकु गेशा वोइक्‍तेक्‍म। मेको नेल्‍ल आन पर्बम मुल का का पा शेंने मचाप्‍नुङ।

प्रकाश 15:8

मिनु परमप्रभु यावे आ खिं परमप्रभु आ छेङछेङ नु सक्ति ङा कुनमी ब्रीशो बाक्‍त। मिनु परमप्रभु यावे आ ७ जना स्‍वर्ग ङा गेय पाइबपुकीमी श्‍येत मगेमे सम्‍म सुइ परमप्रभु यावे आ खिं ओव़ने मचाप्‍बाक्‍तेक्‍म। यसैया ६:४; प्रस्‍थान ४०:३४; १राजा ८:१-११; इजीकीएल ४४:४