लेवी 16:17 - Sunuwar Bible

¹⁷ मिनु हारूनमी चोव़खो कोठामी पाप क्‍याम्‍तीक गेय पवानु, सुइ मुर ग्रुम्‍तीक ताम्‍बु ओव़चा मदुम्‍ब। मेकोमी आंम आ पर्बम, आ खिं ङा मुर आन पर्बम नु इस्राएल ङा मुर नेल्‍ल आन पर्बम पाप क्‍याम्‍तीक गेय मथुमा सम्‍म, सुइमी ग्रुम्‍तीक ताम्‍बु ओव़चा मदुम्‍ब।

लेवी 16:17 ပူးပေါင်းရင်းမြစ်များ

१ इतिहास 6:34

सामुएल एल्‍काना आ तौ बाक्‍माक्‍त। एल्‍काना येरोहाम आ तौ बाक्‍माक्‍त। येहोराम एलीएल आ तौ बाक्‍माक्‍त। एलीएल तोआह आ तौ बाक्‍माक्‍त। तोआह जूफ आ तौ बाक्‍माक्‍त।

प्रस्‍थान 34:3

गे नु सुइ डांडा ङोइक्‍चा मदुम्‍नीम। बी ब्‍यफ, क्‍यारश भेडा यो डांडा गे जोचा मदुम्‍नीम” दे माइक्‍तु। प्रस्‍थान १९:१२-१३

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

दानीएल 9:24

इ मुर नु परमप्रभु आ सहर ७० हप्‍ता सम्‍म श्‍येत जचा माल्‍नीम। मिनु मे नोले मरिम्‍शो नु पाप पतीके नुप्‍ब। मेना अरेशो मटितीके क्‍याम्‍तीके गेय पशो बाक्‍ब। मिनु ठीक पतीके गेना हना यो लीब। मिनु मेको कोंइतीक नु परमप्रभु यावे आ लोव़ पाइब कली छाप थोक्‍शा नोले परमप्रभु आ बाक्‍तीक लेंशा सेल्‍शा तेल ख्रेक्‍नीम।

लेवी 16:16

मोपा मेकोमी मेको कोठा चोव़खो दुम्‍ब। मिनु इस्राएल ङा मुर आन ग्रांग्रा दिशो नु मरिम्‍शो पशो नु मेको आन पाप आन पर्बम पाप क्‍याम्‍तीक गेय बाक्‍ब। मिनु मेकोमी ग्रुम्‍तीक ताम्‍बु कली यो पचा माल्‍ब।

लेवी 16:18

मिनु नोले मेको लाङगा ग्रूशा, परमप्रभु यावे आ ङोंइती बाक्‍शो चढ़ेतीकेम लशा, मेको आ पर्बम पाप क्‍याम्‍तीक गेय पचा माल्‍ब। मिनु मेकोमी ब्‍यफ आ हुश नु बोका आ हुश इच्‍का लाइश्‍शा, चढ़ेतीक आ एर ओंथ ङा ग्रोव़ नेल्‍लेम ख्रेक्‍चा माल्‍ब। प्रस्‍थान ३०:१०

लूका 1:10

मिनु धूप चोची ना मुर नेल्‍ल लाङगाम रिम्‍शा, परमप्रभु यावे कली पुंइना पुंइन बाक्‍मा बाक्‍त।

प्रेरित 4:12

मुर आन कली श्‍येत नु पाप रे प्रोंइब येसु ख्रीस्‍त का ला बाक्‍ब। परमप्रभुमी येसु ख्रीस्‍त कली अधिकार गेशा, मुर नेल्‍ल आन क्‍येङा ठेयब सेल्‍तु। मिनु आ नेंमी ला ब्रोंइचा तांइसीब, दे तुइक्‍तीने” दे माइक्‍मी बाक्‍त। प्रेरित १०:४३; मत्ती १:२१

१ तिमोथी 2:5

परमप्रभु यावे का ला बाक्‍ब। मेको नु मुर आन कली गारपाइक्‍चा कली येसु ख्रीस्‍त रागीम जाक्‍शा, मुर दुम्‍शो यो का ला बाक्‍ब। हिब्रू ९:१५

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

हिब्रू 9:7

थम चोव़खो कोठामी चहिं बर्समी खेयप का नेल्‍ल क्‍येङा ठेयब चढ़ेबमी हुश लाइश्‍शा चढ़ेथ ओव़बाक्‍माक्‍त। आ पशो नु अरु आन पशो पाप क्‍याम्‍चा कली मेको हुश चढ़ेबाक्‍माक्‍त। प्रस्‍थान ३०:३०; लेवी १६:२१४,१५

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।