लेवी 16:15 - Sunuwar Bible

¹⁵ मिनु मेकोमी मुर आन पाप आ पर्बम चढ़ेतीक बोका क्‍योरचा माल्‍ब। मिनु मेको आ हुश फारशो वा आ आगा ङा कोठा चाक्‍शा, ब्‍यफ आ हुश खोदेंशो पा, शिशी बाक्‍तीक तार नु आ ङोंइती ब्रुइक्‍चा माल्‍ब। हिब्रू ४:१६; हिब्रू ९:५

लेवी 16:15 ပူးပေါင်းရင်းမြစ်များ

लेवी 16:2

मिनु परमप्रभु यावेमी मोसा कली “इ लोक्‍ब हारून कली ‘इ दाक्‍शो खोदेंशो पा, गेना हना यो फारशो वा आ आगा बाक्‍शो चोव़खो कोठामी कबल पशो सन्‍दोस तार बाक्‍शो शिशी पतीके आ ङोंइती मजाक्‍को। मटीतीनी हना, गे बेक्‍नेवे। मारदे हना गो शिशी बाक्‍तीकेम गोस्‍स आगाम बाक्‍शा जाक्‍नुङ। प्रस्‍थान २६:३३-३४

लेवी 4:21

मेकोमी मेको ब्‍यफ कली मुर बाक्‍तीके रे ङोन ग्रुंइशा लाइक्‍चा माल्‍ब। ङोंइती ङा ब्‍यफ चोशो खोदेंशो पा चोचा माल्‍ब। मेको इस्राएली आन पाप आ पर्बम चढ़ेशो बाक्‍ब। लेवी ४:११-१२

लेवी 4:5

मिनु मेको तेल लुक्‍शो चढ़ेबमी ब्‍यफ आ हुश इच्‍का हुइश्‍शा ग्रुम्‍तीक ताम्‍बुमी चाक्‍चा माल्‍नीम।

गन्‍ती 17:11

मिनु मोसामी परमप्रभु यावे आ देंशो खोदेंशो पा पाप्‍तु।

गन्‍ती 28:15

मिनु पाप पशो आ पर्बम बोका का परमप्रभु यावे कली चढ़ेचा माल्‍नीम। मेको नाक्‍त किंत किंत ङा चोशा चढ़ेतीक नु तूचा थोव़क चढ़ेतीके चढ़ेशा यो मेको चढ़ेचा माल्‍नीनी।

हिब्रू 2:17

मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७

हिब्रू 5:3

मोपतीके मुर आन पर्बम चढ़ेशो खोदेंशो पा आंमा आन मरिम्‍शो पशो क्‍याम्‍चा कली आं यो चढ़ेचा माल्‍नीम। लेवी ९:७

हिब्रू 6:19

मेको आस चहिं इं थुं ग्‍येत्‍थ लुक्‍च पचा मगेब ग्‍याइक्‍तीके खोदेंशो बाक्‍ब। मेको आस नेल्‍ल क्‍येङा आगा ङा चोव़खो कोठा ङा फारतीक वा आगा बाक्‍ब। लेवी १६:२,१२

हिब्रू 7:27

अरु चढ़ेबपुकीमी नाक्‍त किंत किंत ङोंइती आन पशो पाप, नोले मुर आन पशो पाप क्‍याम्‍चा कली चढ़ेशो खोदेंशो पा आं पचा ममाल्‍द। कालेमीन आ रां चढ़ेशा, मुर नेल्‍ल आन पाप क्‍याम्‍ने थुम्‍तु। लेवी ९:७; लेवी १६:६,१५

हिब्रू 9:12

बाछा, बोका आन हुश चढ़ेशो ममाइ। कालेमीन स्‍वर्ग ङा थम चोव़खो कोठाम ओव़दीश्‍शा, आ हुश चढ़ेप्‍तु। मो पशोमी पाप रे प्रोंइतीक गेय गेना हना यो कली पने थुम्‍तु, मारेइ पचा मली।

हिब्रू 9:13

बोका, ब्‍यफ आन हुश चढ़ेशा, आन श्‍ये चोशो ङा पुलु फ्रशा, मुर आन रां चोव़खो सेल्‍ने चाप्‍ब हना, गन्‍ती १९:२,९,१७

हिब्रू 9:3

फारतीक वा आ आगा नेल्‍ल क्‍येङा चोव़खो कोठा बाक्‍‍शो बाक्‍माक्‍त।

हिब्रू 9:7

थम चोव़खो कोठामी चहिं बर्समी खेयप का नेल्‍ल क्‍येङा ठेयब चढ़ेबमी हुश लाइश्‍शा चढ़ेथ ओव़बाक्‍माक्‍त। आ पशो नु अरु आन पशो पाप क्‍याम्‍चा कली मेको हुश चढ़ेबाक्‍माक्‍त। प्रस्‍थान ३०:३०; लेवी १६:२१४,१५