लेवी 16:13 - Sunuwar Bible

¹³ मिनु मेकोमी परमप्रभु यावे आ ङोंइती बाक्‍शा, धूप चोचा माल्‍ब। मिनु धूप आ कुनम कबल पशो सन्‍दोस आ तार बाक्‍शो शिशी बाक्‍तीक कली सुम्‍चा माल्‍ब। मोदेंशो मपाप्‍तु हना, मेको बेक्‍ब। प्रस्‍थान २५:१७-२२

लेवी 16:13 ပူးပေါင်းရင်းမြစ်များ

प्रस्‍थान 25:21

मेको सुम्‍तीके मेको कबल पशो सन्‍दोस तार वोइक्‍चा माल्‍नेवे। मिनु गो इ कली गेचा चिक्‍शो कबल पा अरेशो लोव़ मेको कबल पशो सन्‍दोसम कुर पा वोइक्‍चा माल्‍नेवे। प्रस्‍थान ३४:२९; १राजा ८:९

प्रस्‍थान 28:43

मिनु हारून नु आ तौपुकी ग्रुम्‍तीक ताम्‍बु ओव़शा, चढ़ेतीक आ नेक्‍था लमानु, मेको वा फेक्‍सीशो बाक्‍चा माल्‍नीम। मफेक्‍साक्‍म हना, दोस तशा बेक्‍नीम। हारून नु आ चच युइ आन पाला नेल्‍लेमी गेना हना यो मोदेंशो पचा माल्‍नीम।

प्रस्‍थान 30:1

मिनु गे धूप चोचा कली बोल्‍यो शी के चढ़ेतीक का सेल्‍चा माल्‍नेवे।

लेवी 22:9

चढ़ेबपुकीमी आं देंशो टिचा माल्‍नीम। मो मपाम्‍तेक्‍म हना, मेकोपुकीमी आं देंशो मटितेक्‍म हना, मेकोपुकी दोस तशा आं बाक्‍तीक ताम्‍बुमी बेक्‍नीम। मिनु गो मेको आन कली आंम आं मुर सेल्‍ब परमप्रभु यावे नङ।

गन्‍ती 16:18

मिनु मेको का का पा आन थनौरोम मी कुर पा धूप वोइक्‍तेक्‍म। मिनु मेकोपुकी मोसा नु हारून ग्रुम्‍तीक ताम्‍बु आ ओव़तीकेमी राप्‍तेक्‍म।

गन्‍ती 16:46

मिनु मोसामी हारून कली “मेको थनौरो लाइश्‍शा, मेको चढ़ेतीक ङा मी कुर पा धूप चोवो। मिनु रीब पा मेको मुर आन दातेमी लाइश्‍शा, मेको आन पाप क्‍याम्‍तीक गेय पावो। मारदे हना परमप्रभु यावे गाइक्‍ताक्‍व। मिनु मुर बेक्‍तीक रोइ बोक्‍चा गोप्‍तु” देंत। लेवी १६:१२,१३,१७; गन्‍ती १:५३

गन्‍ती 16:7

मिनु गे दीसा मेकेर मी कुर पा परमप्रभु यावे आ ङोंइती धूप चोने। मिनु परमप्रभु यावेमी सु कली योव़बा, मेको ग्रांग्रा मदिशो बाक्‍ब। लेवीपुकी, गे थम मरिम्‍शो पाइतीनी” देंत।

गन्‍ती 4:15

मिनु हारून नु आ तौपुकीमी मेको ग्रुम्‍तीक ताम्‍बु ङा मारेइ मारेइ सुम्‍ने थुम्‍मे नोले कोहाथीपुकी मेको कुरथ जाक्‍चा माल्‍नीम। तन्‍न मेकोपुकीमी परमप्रभु यावे आ मार मार थोव़क थिचा मदुम्‍नीम। मेकोपुकीम थिम्‍तेक्‍म हना, बेक्‍नीम। कोहाथीपुकीमी ग्रुम्‍तीक ताम्‍बु ङा कुरचा माल्‍शो थोव़क मेकोन बाक्‍नीम। गन्‍ती ७:९; २सामुएल ६:६-७

गन्‍ती 4:20

तन्‍न कोहाथीपुकीम मेको नेल्‍ल क्‍येङा चोव़खो थोव़क आन कली कोव़चा मदुम्‍ब। कोव़तेक्‍म हना, बेक्‍नीम” देंत। १सामुएल ६:१९

ब्‍यवस्‍था 33:10

मेकोपुकीमी याकूब कली इन पतीके लोव़ नु इस्राएली आन कली इन अरेशो लोव़ शेंनीम। मेकोपुकीमी इन ङोंइती धूप चोइनीम। इन कली इन चढ़ेतीके तार नेल्‍ल चोशा चढ़ेतीके चढ़ेनीम।

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१

हिब्रू 9:24

मारदे हना ख्रीस्‍त मुरपुकीम सेल्‍शो ताम्‍बुमी मओव़। मेको स्‍वर्गम बाक्‍ब ताम्‍बु आ खोदेंशो ला बाक्‍त। तन्‍न मेको स्‍वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्‍ना २:१