4 मेको मुर इप्शो ब्राख्ये नेल्ल नु आ निश्शो नित्तीके नेल्ल ग्रांग्रा दिशो बाक्नीम।
मेको आ रां रे यितीके मार बाक्ब देंशा हना, रां रे यित हना यो, देक्त हना यो, मेको मुर ग्रांग्रा दिशो बाक्ब।
सुमी मेको आ ब्राख्ये थीबा, मेकोमी आ वा मुरशा, चिक्सीचा माल्ब। मिनु मेको नां मरिक्म सम्म ग्रांग्रा दिशो दुम्ब।
सुइमी जोल थमा मसुतीन। मारदे हना मरिम्शो मुर नु बाक्बम, मुर कली मरिम्शो सेल्ब।
छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्कीन। मेको गेय यो मपने। तन्न मेको गेय मरिम्शो बाक्ब, दे कोंइदीन।
रिम्शो मुर आन कली मारेइ मारेइ रिम्शो बाक्ब। ग्रांग्रा दिचा ङा मुर नु थमा मसुइक्ब आन कली चहिं मारेइ मारेइ रिम्शो मबाक्ब। मेको आन थुं नु मिम्तीके मरिम्शो बाक्ब। मत्ती १५:११; रोमी १४:२०