लेवी 15:31 - Sunuwar Bible

³¹ मोपा गे निक्‍शीमी इस्राएल ङा मुर आन कली ग्रांग्रा दितीक रे ङोन वोतीस। मो मपाइतीसी हना, मेकोपुकीम आं बाक्‍तीक ताम्‍बु ग्रांग्रा दिशो सेल्‍नीम। मिनु मेको आन ग्रांग्रा आ पर्बम बेक्‍नीम।

लेवी 15:31 ပူးပေါင်းရင်းမြစ်များ

भजन संग्रह 66:18

आं थुंमी पाप बाक्‍शो हना, परमप्रभुमी आं लोव़ मनेन वा। हितोपदेस २८:९

इजीकीएल 23:38

मेको निक्‍शीम आं कली मार पाम्‍ताक्‍स देंशा हना, आं बाक्‍तीक ग्रांग्रा दिशो सेल्‍ताक्‍स। मिनु आं नाइक्‍तीक नाक्‍त कली अर्को नाक्‍त खोदेंशो पा सेल्‍ताक्‍स। इजीकीएल ८:५-१८

इजीकीएल 36:17

मार लोव़ पाप्‍तु देंशा हना “ए मुर, इस्राएली आंम आन रागीमी बाक्‍शो बाक्‍मानु, मेकोपुकीम मेको रागी कली आन पतीक नु आन गेयम ग्रांग्रा दिशो सेल्‍तेक्‍म। मेको आन मरिम्‍शो पशो मीश मुर आ रां ब्रोल्‍शो ग्रांग्रा खोदेंशो बाक्‍त। मेकोपुकीम रागीम हुश शाइक्‍पाइक्‍तीके नु आन मूर्तिम मेको रागी ग्रांग्रा दिशो सेल्‍तेक्‍म। मेको आन पतीके आं ङोंइती रां ब्रोल्‍शो मीश मुर खोदेंशो ग्रांग्रा बाक्‍त। लेवी १८:२४-२५

इजीकीएल 44:23

मेकोपुकीम आं मुर आन कली आं मार मार नु मुर आन मार मार खाल का ङा मबाक्‍नीम, दे शेंचा माल्‍नीम। मिनु मेको आन कली ग्रांग्रा दिशो नु मदिशो थोव़क खाल का ङा मबाक्‍नीम, दे कोंइचा माल्‍नीम। इजीकीएल २२:२६; लेवी १०:१०

इजीकीएल 5:11

मोपतीके परमप्रभु, परमप्रभु यावेमी ‘गो ब्रोंइशा बाक्‍शो खोदेंशो पा, मो पाइनुङ। मारदे हना इ मूर्ति नु इ ग्रांग्रा दिशो गेयम आं बाक्‍तीक ग्रांग्रा दिशो सेल्‍तीके, गो इ कली खतम सेल्‍नुङ। गो इ कली शिशी मपथु सुइ आन कली ब्रोंइचा मगेनुङ। इजीकीएल ७:४; इजीकीएल ८:७-१८

दानीएल 9:27

मेकोमी हप्‍ता का सम्‍म शुश मुर नु कबल पाइब। मिनु आधा हप्‍तामी चढ़ेतीक नेल्‍ल तेक्‍ब। मिनु मेकोमी चढ़ेतीक आ पा ङा शुश ग्रांग्रा दिचा ङा गेय पाइब। मेको कली खतम सेल्‍तीक लोव़ मग्रूम सम्‍म मोदेंशो पाइ‍ब” देंत। दानीएल ८:११; दानीएल ११:३१; दानीएल १२:११; मत्ती २४:१५; यसैया १०:२२-२३

लेवी 11:47

मिनु ग्रांग्रा दिशो नु ग्रांग्रा मदिशो, ब्‍वचा दुम्‍ब नु मदुम्‍ब जन्‍तु आन पर्बम तिलीन।

लेवी 13:59

ऊन के सेल्‍शो वासीम, सुती के वासी नु कुशुल के सेल्‍शो मारेइ थोव़कम बुंखी ङाइश्‍शो आ पर्बम ग्रांग्रा दिशो नु मदिशो आन पर्बम पचा माल्‍शो गेय एकोन बाक्‍नीम, दे शेंचा” दे मोसा नु हारून आस कली देंत।

लेवी 15:32

एको ग्रांग्रा दिशो यितीक कि बिउ दोक्‍शो ग्रांग्रा दिशो दुम्‍शो वोंइश मुर आ पर्बम चोव़खो सेल्‍तीके गेय बाक्‍ब।

लेवी 19:30

गे आं नाइक्‍तीक नाक्‍तीम नांइसीन। मिनु आं बाक्‍तीक ताम्‍बु कली मान पने। गो परमप्रभु यावे नङ। लेवी २६:२

लेवी 20:3

मेकोपुकीमी आन आल मोलेक कली चढ़ेमेनु, आं बाक्‍तीक ताम्‍बु नु आं ठेयब नें ग्रांग्रा दिशो सेल्‍तेक्‍म। मोपतीके गो आंमा मेको आन कली ब्रोंइचा मगेथु, आ मुर आन दाते रे क्‍याम्‍नुङमी।

लेवी 21:23

तन्‍न मेको फारशो वा नु चढ़ेतीक आ नेक्‍था जाक्‍चा मदुम्‍ब। मारदे हना मेको दूली मुर जाक्‍शा, आं बाक्‍तीक ताम्‍बु ग्रांग्रा दिशो मसेलल। गो परमप्रभु यावे नङ। गो मेको आन कली मेको आं के सेल्‍नुङ’ दे शेंदो” दे परमप्रभु यावेमी मोसा कली देंत।

गन्‍ती 19:13

मिनु सुमी बेक्‍शो मुर थिशा, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कु मेको आ तार मब्रुइश्‍शो बाक्‍ब। मोपतीके मेको ग्रांग्रा दिशो बाक्‍ब। मिनु मेको आ ग्रांग्रा दितीके मेको नु लीब। लेवी १५:३१

गन्‍ती 19:20

मिनु सु ग्रांग्रा दिशो दुम्‍शा यो, मचोव़खेसीबा, मेकोमी परमप्रभु यावे आ ताम्‍बु ग्रांग्रा दिशो सेल्‍ब। मेको मुर इस्राएली आन दाते रे तिल्‍चा पुंइसीब। मारदे हना चोव़खेतीक ब्‍वाक्‍कुम मेको कली मब्रुइश्‍शो बाक्‍ब। मोपतीके मेको ग्रांग्रा दिशोन बाक्‍ब।

गन्‍ती 5:3

मोदेंशो वोंइश मुर नु मीश मुर नेल्‍ल आन कली मुर आन बाक्‍तीके क्‍येङा ङोन वोइक्‍चा माल्‍नीनी। मेकोपुकीमी मुर आन बाक्‍तीके ग्रांग्रा दिशो सेल्‍चा मदुम्‍नीम। मारदे हना गो इन दातेमी बाक्‍शो बाक्‍नुङ” देंत। गन्‍ती १२:१४-१५; प्रस्‍थान २५:८

१ कोरिन्‍थी 3:17

मिनु सुमी परमप्रभु यावे आ खिं ग्रांग्रा दिशो सेल्‍बा, परमप्रभु यावेमी मेको कली यो ग्रांग्रा दिशो सेल्‍ब। मारदे हना परमप्रभु यावे आ खिं परमप्रभु यावे के ला बाक्‍ब। मिनु मेको गे बाक्‍नीनी।

ब्‍यवस्‍था 24:8

कोव़र मुतीक तशा होस पा बाक्‍कीन। चढ़ेब, लेवीपुकीमी मेको आ पर्बम इन कली शेंशो खोदेंशो पा नेल्‍ल पचा माल्‍नीनी। गो मेको आन कली अरेशो खोदेंशो पा होस पा बाक्‍कीन।

हिब्रू 10:29

मिनु परमप्रभु यावे आ तौ कली खोइलीम दिम्‍ब, शुश सजाइ गेशा साइक्‍चा पुंइसाक्‍म, दे तुइक्‍नय। ङोंइती आंम कली पाको सेल्‍शो नक कबल ङा हुश आ पर्बम शुक्‍शी पा “हुश नेल्‍ल कांइचीक बाक्‍ब, मार अर्को लोव़ बाक्‍बा ङा?” देंनीम। परमप्रभु यावे आ सोक्‍ती आ पर्बम यो शुक्‍शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५

यहूदा 1:4

तन्‍न का निक्‍शी निसाफ पाइक्‍चा पुंइसीबपुकीमी “थमा सुइक्‍ब बाक्‍नीक” देंखु पा, थमा सुइक्‍ब आन ग्रुम्‍तीकेमी बाक्‍नीम। मेकोपुकीमी परमप्रभु यावे कली मटिथु “परमप्रभु यावेमी शिशी पाइब” दे मिम्‍शा, आंम दला दाक्‍स पना पन बाक्‍नीम। मिनु इं होव़प, प्रभु येसु ख्रीस्‍त आ पर्बम “परमप्रभु यावे आ तौ ममाइ” देंनीम।

१ सामुएल 3:14

मोपतीके गो एली आ खिं ङा मुर आन पर्बम कसम जशा, एली आ खिं ङा मुर आन मरिम्‍शो पशो मक्‍याम्‍सीब। मेको मारेइ मारेइ चढ़ेशोमी मक्‍याम्‍सीब’ देंशो बाक्‍नुङ” देंमाक्‍त।