लेवी 15:13 - Sunuwar Bible

¹³ मेको मुरुमी आ ग्रांग्रा दिशो देक्‍म नोले, चोव़खो दुम्‍चा कली ७ नाक्‍त रिम्‍चा माल्‍ब। मिनु आ वा मुरशा, आ रां नेल्‍ल ब्‍वाक्‍कुम चिक्‍सीचा माल्‍ब। मिनु मेको चोव़खो दुम्‍ब।

लेवी 15:13 ပူးပေါင်းရင်းမြစ်များ

प्रस्‍थान 29:35

गोम इ कली अरेशो खोदेंशो पा हारून नु आ तौ आन कली पाइक्‍मी। मेको आन कली ७ नाक्‍त सम्‍म मोदेंशो चढ़ेब सेल्‍तीक गेय पचा माल्‍नेवे।

प्रस्‍थान 29:37

गे ७ नाक्‍त सम्‍म चढ़ेतीकेमी मो पशा पाप क्‍याम्‍तीक गेय पचा माल्‍नेवे। मिनु मेको चढ़ेतीके परमप्रभु कली ला दुम्‍ब। मेको चढ़ेतीक कली मार मारम थीनीमी, मेको यो परमप्रभु केन दुम्‍नीम। प्रस्‍थान ३०:२९

येरमीया 33:8

गो आं पर्बम पशो आन हेंथे पतीके नु पाप नेल्‍ल रे मेको आन कली ठीक सेल्‍नुङमी। मिनु गो मेको आन हेंथे पशो नु पाप पशो माफ गेनुङमी। येरमीया ३१:३४; येरमीया ५०:२०

लेवी 14:10

मिनु ८ नाक्‍त नोले मेकोमी मारेइ मदुम्‍शो थम रिम्‍शो सांड निक्‍शी नु बर्स का दुम्‍शो मारेइ मदुम्‍शो थम रिम्‍शो पाठी का, अन्‍न चढ़ेचा कली तेलम निशो थम रिम्‍शो फस एफाह का के ३० भाग नु लोग का तेल चाक्‍चा माल्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा ३० भाग ६.५ लिटर खोदेंशो बाक्‍ब। नेल्‍ल १२ माना खोदेंशो बाक्‍ब। लोग का पुक्‍तीके का बाक्‍ब। मेको ०.३ लिटर रिक्‍ब।

लेवी 14:8

मिनु मेको चोव़खो सेल्‍चा पुंइसीशो मुरुम आ वा मुरचा माल्‍ब। आ चां नेल्‍ल प्रेक्‍शा, चिक्‍चा माल्‍ब। मिनु मेको ग्रांग्रा मदिशो चोव़खो दुम्‍ब। मिनु नोले मुर आन बाक्‍तीके लचा दुम्‍ब। तन्‍न ७ नाक्‍त सम्‍म आ ताम्‍बु आ लाङगाम बाक्‍चा माल्‍ब। गन्‍ती ८:७

लेवी 15:28

मेकोमी आ हुश यिचा देक्‍म नोले ७ नाक्‍ती रिम्‍चा माल्‍ब। मिनु मेको नोले मेको ग्रांग्रा मदिशो दुम्‍ब।

लेवी 15:5

सुमी मेको आ ब्राख्‍ये थीबा, मेकोमी आ वा मुरशा, चिक्‍सीचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब।

लेवी 8:33

मिनु नोले गे ७ नाक्‍त सम्‍म, इन कली गेय गोचा कली चढ़ेशो ७ नाक्‍त मगाम सम्‍म ग्रुम्‍तीक ताम्‍बु आ ओव़तीक रे लाङगा मलने। मारदे हना ७ नाक्‍त मजाक्‍दीम सम्‍म इन गेय गोचा कली चढ़ेतीक गेय ला थुम्‍सीब।

लेवी 9:1

मिनु ८ नाक्‍ती मोसामी हारून, आ तौ नु इस्राएल ङा खाल्‍पा आन कली ब्रेत्‍ताक्‍मी। लेवी ८:३३

गन्‍ती 12:14

मिनु परमप्रभु यावेमी मोसा कली “मार, मेको आ आफोमी आ कुलुम तोक्‍शो हना, मेको ७ नाक्‍त सम्‍म मुने मदोक्‍बा ङा? मेको कली ७ नाक्‍त सम्‍म मुर आन बाक्‍तीक क्‍येङा लाङगाम तिल्‍शा वोतो। मेको नोले ला लेश्‍शा जाक्‍चा गेवो” देंत। गन्‍ती १३:४६

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

याकूब 4:8

परमप्रभु यावे आ नेक्‍था लने। मो पाइतीनी हना, मेको इन नेक्‍था जाक्‍ब। गे पापीपुकी “आंइ पाप क्‍याम्‍दीने” देंशा, माफ पुनीने। थुं निक्‍शी पाइश्‍शो मुरपुकी, इन थुं परमप्रभु यावे गे लेश्‍शा, थुं का दुमीने। जकरिया १:३; यसैया १:१६

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३