लेवी 14:45 - Sunuwar Bible

⁴⁵ मिनु मेको खिं कली प्रेत्‍चा माल्‍ब। मेको आ फुल्‍लु, शी नु सिल्‍शो खप सहर क्‍येङा ङोन ग्रांग्रा दिशो ताइक्‍तीकेमी ताइक्‍चा माल्‍ब।

लेवी 14:45 ပူးပေါင်းရင်းမြစ်များ

२ राजा 10:27

मिनु नोले मेकोपुकीम बाल आ थाम प्रेत्‍मे बाक्‍त। मिनु आ खिं यो प्रेत्‍मे बाक्‍त। मिनु मेको ङाइक्‍तीक खिं सेल्‍मे बाक्‍त। मेको मुल सम्‍म बाक्‍ब।

२ राजा 18:4

मेकोम डांडा ङा थानपुकी प्रेश्‍शा, ताइक्‍तीमी बाक्‍त। ख्रुक्‍शो फुल्‍लु जिक्‍शा, मूर्ति पाइश्‍शो थाम क्‍योरशा ताइक्‍तीमी बाक्‍त। मेकोमी मोसा आ सेल्‍शो कांसा के बुस्‍स कली टुक्रा टुक्रा पवा बाक्‍त। मारदे हना मेना सम्‍म इस्राएलीपुकीम मेको कली धूप चोइबाक्‍मा बाक्‍त। मेकोपुकीम मेको कली नहुश्‍तन देंबाक्‍मा बाक्‍त। २राजा १५:३५; गन्‍ती २१:८-९

येरमीया 52:13

मिनु मेकोमी परमप्रभु यावे आ खिं, पिप आ दरवार नु यरूसलेम ङा खिं नेल्‍लेम मी सुइक्‍ताक्‍व। मेकोमी ठेयब खिं नेल्‍लेम मी सुइक्‍ताक्‍व।

इजीकीएल 5:4

मिनु मेको रे यो इच्‍का ग्रुंइशा मीम चोवो। मेको रे पा इस्राएल ङा खिं नेल्‍लेम मी का ब्रशा ग्रूब” देंत।

लेवी 14:41

मेको खिं आगा तेइ तेइ खोतेर पपाइक्‍चा माल्‍ब। मिनु खोतेर पाइश्‍शो खप सहर क्‍येङा ङोन ग्रांग्रा दिशो ताइक्‍तीकेमी ताइक्‍पाइक्‍चा माल्‍ब।

लेवी 14:46

मिनु सुइ मेको खिं चोक्‍शो नोले ओव़त हना, मेको नां मरिक्‍म सम्‍म ग्रांग्रा दिशो दुम्‍ब। लेवी ११:२४

मत्ती 22:7

मिनु पिपमी मोदेंशो दुम्‍शो तुइश्‍शा चुरशा, आ सिपाही आन कली ‘लने, मुर साइक्‍ब आन कली साइश्‍शा, आन सहर गाउं क्रोइश्‍शा गेने’ दे सोइक्‍तीमी बाक्‍त। मत्ती २४:२

मत्ती 24:2

मिनु येसुमी “मुल ओमो ठेयब नु दारपा सेल्‍शो ताइतीनी। नोफा दाइश्‍शा नेनीने, नोले ब्रेश्‍शा, फुल्‍लु का यो ख्रोप्‍शा मलीब” देंत। लूका १९:४४

प्रकाश 11:2

मिनु परमप्रभु यावे आ खिं ङा लाङगा रागी रागी ङा मुर आन कली गेशो बाक्‍त। मेको मपुक्‍को। मेकोपुकीमी परमप्रभु यावे आ योव़शो सहर ४२ महिना सम्‍म खोइलीमी दिप्‍शा ताइश्‍शा बिग्रेनीम” देंत। लूका २१:२४