लेवी 14:3 - Sunuwar Bible

³ मिनु चढ़ेबमी मुर आन बाक्‍तीके रे लाङगा ग्रूशा, मेको मुर कली रिम्‍शो पा कोव़चा माल्‍ब। मिनु मेको कुशुल ङा याक्‍सीब रोइ साशो बाक्‍त हना,

लेवी 14:3 ပူးပေါင်းရင်းမြစ်များ

२ राजा 5:14

मोपतीके मेको उइ ब्रुम्‍माक्‍त। मिनु परमप्रभु आ मुरुम देंशो खोदेंशो पा, यर्दन खोलाम ७ खेयप चिक्‍से बाक्‍त। मिनु मेको आ श्‍ये नु कुशुल ङोंइती ङा खोदेंशो पा ठिटा आन के खोदेंशो दुम्‍माक्‍त। मिनु मेको ग्रांग्रा मदिशो दुम्‍माक्‍त। लेवी १४:७-९; लूका ४:२७

२ राजा 5:3

मिनु मेकोमी आ होव़पोक्‍म कली “आं होव़प, आं प्रभुमी सामरीयाम बाक्‍ब परमप्रभु यावे आ लोव़ पाइब कली ग्रुम्‍शो हना, मेकोमी आ कोव़र सापद वा” देंमाक्‍त।

अय्‍युब 5:18

मारदे हना मेकोमी गार सेल्‍ब। मिनु मेकोमीन फ्रेंब। मेकोमी तुप्‍ब। मिनु मेकोमीन सापाइक्‍ब। ब्‍यवस्‍था ३२:३९; होसे ६:१

प्रस्‍थान 15:26

मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८

लेवी 13:2

“सुइ मुर आन रां ङा कुशुल बोरत हना, गार दुम्‍त हना, बुश दुम्‍त हना, मेको कोव़र खोदेंशो दुम्‍त हना, मेको कली चढ़ेब हारून कि आ तौ का आ बाक्‍तीके चाक्‍चा माल्‍ब।

लेवी 13:46

मेको आ रोइ गेना सम्‍म लीबा, मेना सम्‍म मेको ग्रांग्रा दिशो दुम्‍ब। मेको आ कांइचीक बाक्‍चा माल्‍ब। मिनु मेको मुर आन बाक्‍तीक क्‍येङा ङोन बाक्‍चा माल्‍ब। गन्‍ती ५:२-३; २राजा १५:५

लेवी 14:48

तन्‍न चढ़ेबमी मेको खिं रिम्‍शो पा कोव़ङानु, सिल्‍शा फिक्‍शा नोले मेको बुंखी ङाइश्‍शो मबारत हना, चढ़ेबमी मेको खिं कली ‘ग्रांग्रा मदिशो चोव़खो बाक्‍ब’ देंचा माल्‍ब। मारदे हना मेको बुंखी जाम्‍शा लत।

मत्ती 10:8

रोइ पाइब आन कली सापतीन। बेक्‍शो मुर आन कली सेंपतीन। कोर पाइब आन कली सापतीन। वोल आन कली ग्रुंइशा खेरीन। मेको नेल्‍ल मोशा ताइतीनी। मिनु मोशा गेने। मर्कूस १६:१७

मत्ती 11:5

‘मिक्‍च मताइबपुकीमी मिक्‍च ताइबाक्‍तेक्‍म, खोइल मदुक्‍बपुकी गाक्‍बाक्‍तेक्‍म, कोर पाइब साबाक्‍तेक्‍म, नोफा मनेंबपुकी नेंबाक्‍तेक्‍म, बेक्‍शो मुर बेक्‍शो रे सेंसीशा ब्रोंइबाक्‍तेक्‍म। महिक्‍सीशो मुरपुकीम ग्‍येरपाइक्‍ब लोव़ नेंबाक्‍तेक्‍म’ यसैया ३५:५-६; यसैया ६१:१

लूका 4:27

एलीशा आ पालामी यो इस्राएल रागीमी शुश कोव़र पाइब मुर बाक्‍मा बाक्‍त। सुइ मसामा बाक्‍त। सिरीया ङा नामान माइश्‍शो मुर ला सापाइक्‍चा पुंइसे बाक्‍त” दे येसुमी माइक्‍मी बाक्‍त। २राजा ५:१-१४

लूका 7:22

मिनु येसुमी यूहन्‍ना आ शेंसीब आस कली “मार मार तसी, मार मार नेंसी, मेको नेल्‍ल यूहन्‍ना कली मतीसे। मिक्‍च मताइब मिक्‍च ताइबाक्‍तेक्‍म। खोइल मदुक्‍ब गाक्‍बाक्‍तेक्‍म। कोव़र पाइब साबाक्‍तेक्‍म। नोफा मनेंबम नेंबाक्‍तेक्‍म। बेक्‍शो मुर बेक्‍शो रे सेंसीशा ब्रोंइबाक्‍तेक्‍म। मिनु महिक्‍सीशो मुरपुकी ग्‍येरपाइक्‍ब लोव़ नेंपांइ‍सीबाक्‍तेक्‍म।