लेवी 14:28 - Sunuwar Bible

²⁸ मिनु चढ़ेबमी आ गुइम बाक्‍शो तेल मेको चोव़खो सेल्‍चा पुंइसीब मुर आ ग्‍युरा नोफा आ फेनेम, आ ग्‍युरा गुइ ङा बोंग्‍ये नु आ ग्‍युरा खोइल ङा बोंग्‍येम गारचा आ पर्बम चढ़ेशो आ हुश ख्रेक्‍शो तार ख्रेक्‍चा माल्‍ब।

लेवी 14:28 ပူးပေါင်းရင်းမြစ်များ

प्रस्‍थान 29:20

मिनु मेको सांड क्‍योरशा, आ हुशेम हारून आ ग्‍युरा नोफा ङा लोव़तीम नु आ तौ आन ग्‍युरा नोफा ङा लोव़तीम ख्रेक्‍चा माल्‍नेवे। मिनु मेको आन ग्‍युरा गुइ ङा ठेयब ब्रेप्‍चोम नु आन ग्‍युरा खोइली ङा ठेयब ब्रेप्‍चोम ख्रेक्‍चा माल्‍नेवे। मिनु लीशो हुश चढ़ेतीक तार नु आ एर ओंथ ब्रुइक्‍चा माल्‍नेवे।

लेवी 14:27

मिनु आ ग्‍युरा गुइ ङा ब्रेप्‍चोम पेरा गुइम बाक्‍शो तेल परमप्रभु यावे आ ङोंइती ७ खेयप ब्रुइक्‍चा माल्‍ब।

लेवी 14:29

मिनु चढ़ेबमी आ गुइम लीशो तेल मेको चोव़खो सेल्‍चा पुंइसीब मुर आ पियाम ख्रेक्‍चा माल्‍ब। मोपा मेकोमी चोव़खो सेल्‍चा पुंइसीब मुर कली परमप्रभु यावे आ ङोंइती पाप क्‍याम्‍तीक गेय पाइब।

लेवी 5:7

तन्‍न मेकोमी भेडा चाक्‍ने मचाप्‍तु हना, मेको आ पशो पाप क्‍याम्‍तीक गेय पचा कली ढुकुर निक्‍शी कि परवा निक्‍शी परमप्रभु यावे आ ङोंइती चाक्‍चा माल्‍ब। मेको का पाप आ पर्बम चढ़ेचा कली नु का चोशा चढ़ेचा कली चाक्‍चा माल्‍ब।

लेवी 8:23

मिनु मोसामी मेको सांड कली क्‍योरतु। मिनु मेकोमी मेको आ हुश हारून आ ग्‍युरा नोफा आ फेनेम, आ ग्‍युरा गुइ ङा बोंग्‍ये नु आ ग्‍युरा खोइल ङा बोंग्‍येमी ख्रेक्‍ताक्‍व।