लेवी 14:21 - Sunuwar Bible

²¹ मिनु मेको मुर प्रुङग बाक्‍त हना, मोशो यो चाक्‍ने मचाप्‍बाक्‍त हना, मेकोमी आ पाप क्‍याम्‍तीक गेय आ पर्बम क्‍युक्‍शा हिम्‍शा चढ़ेचा कली सांड का नु अन्‍न चढ़ेचा कली तेलम निशो एफाह का के १० भाग थम रिम्‍शो फस नु लोग का तेल चाक्‍चा माल्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको के १० भाग २ लिटर नु इच्‍का खोइ बाक्‍ब। लोग आइक्‍च पुक्‍तीके का बाक्‍ब। मेको ०.३ लिटर रिक्‍ब।

लेवी 14:21 ပူးပေါင်းရင်းမြစ်များ

अय्‍युब 34:19

मेकोम पिप आ तौ आन कुल मकोव़ब। मेकोम शोंप पाइश्‍शो नु प्रुङग नेल्‍ल आन कली उइक्‍थ मिम्‍ब। मारदे हना मेको नेल्‍ल आ सेल्‍शो नम।

हितोपदेस 17:5

सुम प्रुङग आन कली शुक्‍शी पाइबा, मेकोमी आ कली सेल्‍ब, परमप्रभु यावे कली आइक्‍च सेल्‍ब। सु मुर आन कली श्‍येत जशो तशा ग्‍येरसीबा, मेको सजाइ मतथु मब्रोंइब। हितोपदेस १४:३१

हितोपदेस 22:2

क्‍येट थीब नु प्रुङग मुर के गारतीक का बाक्‍ब। मेको मार बाक्‍ब देंशा हना, परमप्रभु यावेमी मेको निम्‍फा आस कली सेल्‍तु। हितोपदेस २९:१३

इजीकीएल 46:7

मिनु जचा थोव़क चढ़ेचा कली बोहोर नु एफाह का अन्‍न नु सांड नु एफाह का अन्‍न चढ़ेचा माल्‍ब। मिनु पाठा नु अन्‍न गिश चढ़ेचा दाक्‍बा, मिश चढ़ेने चाप्‍ब। मिनु एफाह का का अन्‍न कली हिन का का तेल चढ़ेचा माल्‍ब।

लेवी 1:14

मिनु परमप्रभु यावे कली चोशा चढ़ेतीके चिक्‍ब बाक्‍तेक्‍म हना, ढुकुर कि परवा चढ़ेचा माल्‍नीम।

लेवी 12:8

मिनु मेकोमी भेडा चाक्‍ने मचाप्‍बाक्‍त हना, ढुकुर निक्‍शी कि परवा निक्‍शी चाक्‍चा माल्‍ब। मेको का चोशा चढ़ेतीक नु का पाप आ पर्बम चढ़ेतीक बाक्‍ब। मिनु चढ़ेबमी मेको चढ़ेशा मेको आ पर्बम पाप क्‍याम्‍तीक गेय पचा माल्‍ब। मिनु मेको ग्रांग्रा मदिशो दुम्‍ब’ माइक्‍मी” देंत। लेवी ५:७; लूका २:२४

लेवी 14:10

मिनु ८ नाक्‍त नोले मेकोमी मारेइ मदुम्‍शो थम रिम्‍शो सांड निक्‍शी नु बर्स का दुम्‍शो मारेइ मदुम्‍शो थम रिम्‍शो पाठी का, अन्‍न चढ़ेचा कली तेलम निशो थम रिम्‍शो फस एफाह का के ३० भाग नु लोग का तेल चाक्‍चा माल्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा ३० भाग ६.५ लिटर खोदेंशो बाक्‍ब। नेल्‍ल १२ माना खोदेंशो बाक्‍ब। लोग का पुक्‍तीके का बाक्‍ब। मेको ०.३ लिटर रिक्‍ब।

लेवी 14:22

मिनु आ चाप्‍शो खोदेंशो पा परवा निक्‍शी कि ढुकुर निक्‍शी, का पाप आ पर्बम चढ़ेचा कली नु का चोशा चढ़ेचा कली चाक्‍चा माल्‍ब। लेवी ५:७

लेवी 27:8

मिनु मेको मुर प्रुङग दुम्‍शा, गेने मचाप्‍ब बाक्‍त हना, मेको कली चढ़ेब आ ङोंइती चाक्‍चा माल्‍नीम। मिनु चढ़ेबमी मेको कसम जाइब आ चाप्‍शो खोदेंशो पा मेको आ क्‍येट देंचा माल्‍ब।

लेवी 5:11

तन्‍न ढुकुर निक्‍शी नु परवा निक्‍शी यो चाक्‍ने मचाप्‍तु हना, मेकोमी मार पाप पशो बाक्‍मे, मेको पाप आ पर्बम एफाह का ङा १० भाग थम रिम्‍शो फस चाक्‍चा माल्‍ब। मेकोमी मेको फस तार तेल लुक्‍चा नु धूप वोइक्‍चा मदुम्‍ब। मारदे हना मेको पाप आ पर्बम चढ़ेतीके बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा १० भाग २ लिटर नु इच्‍का खोइ खोदेंशो बाक्‍ब।

लेवी 5:7

तन्‍न मेकोमी भेडा चाक्‍ने मचाप्‍तु हना, मेको आ पशो पाप क्‍याम्‍तीक गेय पचा कली ढुकुर निक्‍शी कि परवा निक्‍शी परमप्रभु यावे आ ङोंइती चाक्‍चा माल्‍ब। मेको का पाप आ पर्बम चढ़ेचा कली नु का चोशा चढ़ेचा कली चाक्‍चा माल्‍ब।

लूका 6:20

मिनु येसुमी शेंसीब आन कली कोव़शा “गे प्रुङग मुर, ग्‍येरसीने। मारदे हना परमप्रभु यावे आ राज्‍य इन के बाक्‍ब। याकूब २:५

२ कोरिन्‍थी 8:12

आंम के बाक्‍शो ला गेने जाप्‍ब, आंम के मबाक्‍शो गेने मजाप्‍ब। इन चाप्‍चा ङा पा गेने। हितोपदेस ३:२७-२८; मर्कूस १२:४३

२ कोरिन्‍थी 8:9

मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। मत्ती ८:२०; फिलिप्‍पी २:७

१ सामुएल 2:8

मेकोमी मारेइ मथीब आन कली फुरक रे पोक्‍ब। प्रुङग आन कली घुरेन रे पोक्‍ब। मिनु मेको आन कली पिप आन तौ नु निप्‍पाइक्‍ब। मेको ठेयब मुर आन दातेम बाक्‍चा नु मान पाइक्‍तीक ताइनीम। मारदे हना रागी आ थाम परमप्रभु यावे केन बाक्‍नीम। मेकोम मेको तार रागी वोइक्‍तु। भजन संग्रह ११३:७-८