लेवी 13:6 - Sunuwar Bible

⁶ मिनु लेंशा ७ नाक्‍त नोले चढ़ेबमी कोव़ङानु, आ गार बारचा नांइसाक्‍व हना, आ कुशुलम मब्रशो बाक्‍त हना, चढ़ेबम मेको कली ग्रांग्रा मदिशो बाक्‍ब, मेको गार ला बाक्‍ब, देंचा माल्‍ब। मेको मुर आ वा मुरचा माल्‍ब। मिनु मेको चोव़खो दुम्‍ब।

लेवी 13:6 ပူးပေါင်းရင်းမြစ်များ

१ राजा 8:38

इन मुर इस्राएली सुइम आन थुंम श्‍येत जशा, एको इन खिं गे कोव़शा आन गुइ क्‍युक्‍शा पुन्‍मेनु, इन बाक्‍तीक इर स्‍वर्ग रे मेको आन पुंइशो नेनीन।

१ राजा 8:45

गे स्‍वर्ग रे मेको आन पुंइशो नेनीन। मिनु मेको आन कली वारच पतीन।

भजन संग्रह 19:12

आ मतुइक्‍थु दूली पशो, सुम तुइक्‍बा ङा? आं मतुइक्‍थु मरिम्‍शो पशो माफ गेयीनी। अय्‍युब ४२:३-६

हितोपदेस 20:9

मिनु सुमी “गो आं थुं रिम्‍शो सेल्‍ता। आं पाप क्‍याम्‍ताक्‍ङ” देंने चाप्‍बा ङा? हितोपदेस ३०:१२; अय्‍युब ४:१७; अय्‍युब ९:२-३

उपदेसक 7:20

थमा पा रागीमी मारेइ मारेइ ठीक पाइब नु गेनायो पाप मपाइब सुइ मबाक्‍नीम। भजन संग्रह १४:३

यसैया 42:3

मेकोमी जिक्‍चशो किन्‍दा मजिक्‍ब, काप्‍चशो मी यो मकाप्‍ब। मेकोमी थमा पा ठीक निसाफ पाइब। भजन संग्रह ३४:१९

लेवी 11:25

मिनु सुमी मेको सिनु रे इच्‍का कुरबा, मेकोमी आ वा मुरचा माल्‍ब। मिनु नां मरिक्‍म सम्‍म ग्रांग्रा दिशो दुम्‍ब।

लेवी 11:28

मेको सुमी आन सिनु कुरब मेकोमी आ वा मुरचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब। मेको इन कली ग्रांग्रा दिशो बाक्‍नीम।

लेवी 11:40

मेको सुम ब्‍वाइबा, मेकोमी आ वा मुरचा माल्‍ब नु नां मरिक्‍म सम्‍म ग्रांग्रा दिशो दुम्‍ब। मेको सिनु कुरबमी यो आ वा मुरचा माल्‍ब। मिनु मेको नां मरिक्‍म सम्‍म ग्रांग्रा दिशो दुम्‍ब। प्रस्‍थान २२:३०

लेवी 13:2

“सुइ मुर आन रां ङा कुशुल बोरत हना, गार दुम्‍त हना, बुश दुम्‍त हना, मेको कोव़र खोदेंशो दुम्‍त हना, मेको कली चढ़ेब हारून कि आ तौ का आ बाक्‍तीके चाक्‍चा माल्‍ब।

लेवी 13:5

मिनु चढ़ेबमी ७ नाक्‍त नोले मेको गार लेंशा कोव़चा माल्‍ब। मिनु मेको कुशुल ङा गार एर ओंथ मबारशो बाक्‍त हना, चढ़ेबम मेको कली अर्को ७ नाक्‍त सम्‍म तिल्‍शा वोइक्‍चा माल्‍ब।

लेवी 13:7

तन्‍न चढ़ेबमी ‘चोव़खो दुम्‍त’ देंम नोले यो गार बारत हना, मेको लेंशा चढ़ेब आ बाक्‍तीक जाक्‍शा, आ गार कोंइचा माल्‍ब।

लेवी 14:8

मिनु मेको चोव़खो सेल्‍चा पुंइसीशो मुरुम आ वा मुरचा माल्‍ब। आ चां नेल्‍ल प्रेक्‍शा, चिक्‍चा माल्‍ब। मिनु मेको ग्रांग्रा मदिशो चोव़खो दुम्‍ब। मिनु नोले मुर आन बाक्‍तीके लचा दुम्‍ब। तन्‍न ७ नाक्‍त सम्‍म आ ताम्‍बु आ लाङगाम बाक्‍चा माल्‍ब। गन्‍ती ८:७

रोमी 14:1

मिनु का निक्‍शी आन थमा सुइक्‍तीके बोल्‍यो मदुम्‍शो बाक्‍त हना यो, इन ग्रुम्‍तीकेमी जाक्‍चा गेन। तन्‍न मेको नु आन मिम्‍तीक आ पर्बम लोव़ मपने। रोमी १५:१; १कोरिन्‍थी ८:९

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

ब्‍यवस्‍था 32:5

तन्‍न मेको पाला ङा मरिम्‍शो दुम्‍शो मुरपुकीमी मेको कली मरिम्‍शो पाम्‍तेक्‍म। मेको दूली पाइब नु हेंथे गाक्‍ब ला ङा बाक्‍नीम। यसैया १:२-४; मत्ती १७:१७

हिब्रू 10:22

मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१

हिब्रू 9:10

मेको पतीके जचा थोव़क, तूचा थोव़क, चिक्‍चा नु चढ़ेचा आ पर्बम बाक्‍नीम। मेको नेल्‍ल मुर आन मिम्‍शो शोर गाक्‍शो गेय बाक्‍नीम। नक लोव़ मजाक्‍‍म सम्‍म मेको माइत लोव़ टिशा पामेक्‍ल, दे वोइश्‍शो बाक्‍माक्‍त। लेवी ११:-; गन्‍ती १९:-

याकूब 3:2

गो नेल्‍लेमी शुश गल्‍ती पाइनय। सुमी लोव़ पवानु, काइ गल्‍ती मपाइबा, मेकोमी रांम मपचा ङा गेय यो मपाइब। मेको मुर थम रिम्‍शो बाक्‍ब।