लेवी 13:45 - Sunuwar Bible

⁴⁵ कोव़र प‍शो मुरुम गाक्‍शो वा फेक्‍शा, आ पियाम मारेइ गुप्‍चा मदुम्‍ब। मेकोमी आ गाल शोक्रे कली सुम्‍शा ‘ग्रांग्रा दिशो, ग्रांग्रा दिशो’ दे ग्रीचा माल्‍ब।

लेवी 13:45 ပူးပေါင်းရင်းမြစ်များ

उत्पत्ती 37:29

मिनु रूबेनमी योसेफ प्रोंइचा कली मेको ढोडोङगा लशा कोव़ङानु, योसेफ कली मथित्‍थु, सुर्ता पा, आ वा खाक्‍गा बाक्‍त।

२ सामुएल 13:19

मिनु तामारमी आ पियाम पुलु फुंइसीशा, आ लाइश्‍शो वा खाक्‍गा बाक्‍त। मिनु आ पियाम गुइ वोइश्‍शा ठेयब सेंदा पा ङाक्‍ना ङाक्‍न ल‍माक्‍त।

२ राजा 7:3

मिनु मेको सहर ङा लाप्‍चो आ ङोंइती ४ जना कोव़र पशो मुर बाक्‍मा बाक्‍त। मिनु मेकोपुकीम “गो मबेक्‍या सम्‍म मारदे एकेर बाक्‍नया? लेवी १३:४६

अय्‍युब 1:20

मिनु अय्‍युब बोक्‍शा आ वा खाक्‍गा बाक्‍त। आ चां प्रेक्‍गा बाक्‍त। मिनु खुम्‍की पा बाप्‍शा,

अय्‍युब 42:6

मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त।

भजन संग्रह 51:3

मारदे हना गो आं मरिम्‍शो पशो तुइक्‍नुङ। मिनु आं पाप गेना हना यो मिम्‍नुङ।

भजन संग्रह 51:5

थमा पा, गो जरमेसी ङा रेन मरिम्‍शो पाइब बाक्‍ती। आं ममा आ कोव़जम जोल्‍ङा रेन मरिम्‍शो पाइब बाक्‍ती। रोमी ३:४; यूहन्‍ना ३:६

यसैया 52:11

ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्‍शा, इन कली ठीक सेलीन।

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

यसैया 64:6

गो नेल्‍ल ग्रांग्रा दिशो मुर खोदेंशो दुम्‍तक। आंइ ठीक पतीके नेल्‍ल ग्रांग्रा दिशो लुम्‍सीशो वा खोदेंशो दुम्‍त। गो सफा खोदेंशो पा सोल सुल बेक्‍नीकी। आंइ मरिम्‍शो पशो फश खोदेंशो दुम्‍शा, आंइ कली बेरपाइक्‍ब।

येरमीया 3:25

मुल गो इं मुनेम ग्रुम्‍य। मिनु इं दोस त‍तीकेमी इं कली सुमल। मारदे हना गो परमप्रभु यावे, इं परमप्रभु कली पाप पाइतय। इं किकी पिपी नु गो इं ठिटा ठिटी रेन मुल सम्‍म परमप्रभु यावे, इं परमप्रभु आ देंशो मटिशो बाक्‍तय” देंतेक्‍म। येरमीया १४:७,२०

येरमीया 36:24

पिप नु मेको आ गेय पाइबपुकी मेको लोव़ नेंशा महिंम। मेकोपुकीमी आन वा यो मखाक्‍गेम।

बिलाप 4:15

मुरपुकीमी मेको आन कली “लने, ए ग्रांग्रा दिशो मुर आंइ कली मथिने” दे ग्रीनीम। मोपतीके मेकोपुकी प्रोक्‍ब नु हिरब मुर दुम्‍तेक्‍म। रागी रागी ङा मुरपुकीमी “मुल मेको गोपुकी नु बाक्‍चा मताइ‍नीम” देंतेक्‍म। लेवी १३:४५

इजीकीएल 24:17

सिक्‍सी पा बाक्‍शा हुकयी पावो। बेक्‍शो मुर आ पर्बम रोंका मपावो। इ पियाम फेटा रुक्‍सो। खोइलीम जुत्ता लिक्‍सो। इ कुल मसुम्‍सो। मलामी आन जचा थोव़क मजावो” देंत। मीका ३:७; होसे ९:४

इजीकीएल 24:22

मिनु आं पशो खोदेंशो पा गेपुकीम यो पचा माल्‍नीनी। गे इन कुल मसुमीन। मिनु मलामी आन जचा थोव़क मजने।

योएल 2:13

गे रोंका पा इन वा मखाक्‍कीन। इन थुं खाक्‍कीन। गेपुकी परमप्रभु यावे, इन परमप्रभु गे ले‍तीन। मारदे हना मेकोमी शिशी पा दाक्‍ब। मेको रीब पा मगाइक्‍ब। गेना हना यो दाक्‍ब नु रीब पा सजाइ मगेब बाक्‍ब। प्रस्‍थान ३४:६

लेवी 10:6

मिनु मोसाम हारून नु आ तौ एलाजर नु इथामार आन कली “रोंका पा इन पिया ङा चां मप्रेक्‍कीन। इन वा मखाक्‍कीन। मो पाइतीनी हना, गेपुकी बेक्‍नीनी। मिनु परमप्रभु यावे आ गाइक्‍तीक नेल्‍ल मुर आन तारी जुक्‍ब। तन्‍न परमप्रभु यावे आ सोइश्‍शो मीम दुप्‍शा बेक्‍ब आस पर्बम इन खिं ङा मुर नु इस्राएली ङा मुर नेल्‍ल रोंका पचा दुम्‍ब। लेवी २१:१०

लेवी 13:44

मेको मुर कोव़र पशो नु ग्रांग्रा दिशो बाक्‍ब। मिनु चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मेको रोइ आ पियाम बाक्‍ब।

लेवी 21:10

मिनु सु आंम लोक्‍ब आन दातेम ठेयब चढ़ेब दुम्‍शो बाक्‍मे, मिनु आ पियाम तेल लुक्‍शो बाक्‍मे नु ठेयब चढ़ेब आ वा फेक्‍चा कली तिल्‍शो बाक्‍मे, मेकोमी रोंका पशा, आ पिया ङा चां प्रेक्‍चा मदुम्‍ब नु आ वा खाक्‍चा मदुम्‍ब। लेवी ८:१२; प्रस्‍थान २८:४१; प्रस्‍थान २९:७; लेवी १०:६; लेवी २१:२

मीका 3:7

कोंइतीक ताइबपुकी शिशी मताइनीम। टुना मुना पाइबपुकी मुने दोक्‍नीम। मेको आन शोव़ सुम्‍सीचा माल्‍नीम। मारदे हना परमप्रभुमी मेको आन कली लोव़ मलेप्‍ब। आमोस ८:१२

गन्‍ती 5:2

“गे इस्राएली आन कली गेपुकीमी कोव़र खोदेंशो रोइ पाइब, आन रां रे ग्रांग्रा दिशो यिशो नु बेक्‍शो मुर थिशा ग्रांग्रा दुम्‍शो मुर आन कली इन बाक्‍तीक क्‍येङा ङोन वोइक्‍चा माल्‍नीनी। लेवी १३:४६; लेवी १५:२; गन्‍ती ९:६-७

लूका 17:12

मिनु काबु गाउं का जाक्‍दीम्‍मानु, १० जना कोव़र पशो मुरपुकीमी “येसु पीब” देंशो नेंशा, लां कोव़शा बाक्‍मा बाक्‍त। लेवी १३:४५-४६

लूका 5:8

मिनु सिमोन पत्रुसमी मो दुम्‍शो तशा, येसु आ ङोंइती पोक्‍च थेक्‍शा बाप्‍शा “प्रभु, गो पापी मुर नङ। गे नु काथा बाक्‍चा मशिरनुङ” देंमाक्‍त। लूका १८:१३