लेवी 13:32 - Sunuwar Bible

³² मिनु ७ नाक्‍त नोले चढ़ेबमी मेको कली रिम्‍शो पा कोव़चा माल्‍ब। मिनु मेको रक सुइब रोइ मबारशो बाक्‍त हना, मेक ङा चां हाव मजिशो बाक्‍त नु गार यो कुशुल क्‍येङा लुक्‍च मलशो बाक्‍त हना,

लेवी 13:32 ပူးပေါင်းရင်းမြစ်များ

लेवी 13:30

चढ़ेबमी मेको गार रिम्‍शो पा कोव़चा माल्‍ब। मिनु मेको कुशुल क्‍येङा लुक्‍च लशो बाक्‍त हना, नु मेको गार ङा चां हाव जिशो नु आइक्‍च बाक्‍त हना, चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मेको रक सुइब आ पिया ङा नु गाल शोक्रे ङा याक्‍सीब रोइ बाक्‍ब।

लेवी 13:31

मिनु चढ़ेबमी मेको रक सुइब रोइ रिम्‍शो पा कोव़ङानु, मेको कुशुल क्‍येङा लुक्‍च मलशो नु मेकेर क्‍येर चां यो मबाक्‍तेक्‍म हना, चढ़ेबम मेको कली ७ नाक्‍त सम्‍म तिल्‍शा वोइक्‍चा माल्‍ब।

लेवी 13:33

मेकोमी गार प्रोंइशा आ चां प्रेक्‍चा माल्‍ब। मिनु चढ़ेबम मेको रोइ पाइब कली अर्को ७ नाक्‍त सम्‍म तिल्‍शा वोइक्‍चा माल्‍ब।

मत्ती 23:5

मार मार पामेनु, मुर आन ङोंइती ला पाइनीम। ठेयब टालोमी परमप्रभु यावेमी अरेशो लोव़ ब्रेक्‍शा आन फेक्‍शो वामी केप्‍नीमी। मिनु आन वामी लाइश्‍शो झुम्‍का क्‍युक्‍सीनीम। मत्ती ६:१; गन्‍ती १५:३८-३९

रोमी 2:23

परमप्रभु यावे आ अरेशो लोव़ रिम्‍शो बाक्‍ब देंनीनी, तन्‍न इन मटितीकेमी परमप्रभु यावे कली आइक्‍च सेल्‍नीनी।