लेवी 13:29 - Sunuwar Bible

²⁹ सुइ मीश मुर, वोंइश मुर आन पियाम, गाल शोक्रेम मारेइ गार का बाक्‍त हना,

लेवी 13:29 ပူးပေါင်းရင်းမြစ်များ

१ राजा 12:28

मिनु पिपम सल्‍ला पा सुन के बाछा निक्‍शी सेल्‍पदा बाक्‍त। मिनु मेकोम मुर आन कली “गे मुल यरूसलेम लशा शुश श्‍येत जाइनीनी। इस्राएली, इन कली, इजीप्‍त रे ग्रुंइशा चाक्‍ब देवता एकेन बाक्‍नीम” दे माइक्‍मी बाक्‍त। प्रस्‍थान ३२:४,८

१ राजा 8:38

इन मुर इस्राएली सुइम आन थुंम श्‍येत जशा, एको इन खिं गे कोव़शा आन गुइ क्‍युक्‍शा पुन्‍मेनु, इन बाक्‍तीक इर स्‍वर्ग रे मेको आन पुंइशो नेनीन।

२ इतिहास 6:29

इन इस्राएल ङा मुर नु अरु सुइम आन श्‍येत इन कली शोव़शा, एको खिं गे कोव़शा, आन गुइ पोक्‍शा, इन कली पुंइतेक्‍म हना,

एज्रा 9:3

मिनु गो मेको लोव़ नेंशा आं फेक्‍शो वा खाक्‍ता। आं चां नु गल शोक्रे तुल्‍ता। मारेइ लोव़ पने मचाप्‍थु, सिक्‍सी पा बाक्‍ती।

भजन संग्रह 53:4

मार, मरिम्‍शो पाइबपुकी मारेइ मशेंसीनीमी? मेकोपुकीमी शोब्‍ले जशो खोदेंशो पा आं मुर आन कली नेक्‍नीम। मेकोपुकीमी परमप्रभु कली काइ मपुंइनीम।

यसैया 1:5

मारदे गो इन कली लेंशा, तुप्‍चा माल्‍ङा? मारदे गे ङोंइती क्‍येङा मटीब दुम्‍नी। इन पिया नेल्‍ल रोइ पशो खोदेंशो बाक्‍ब। गे थशो खोदेंशो बाक्‍नीनी। येरमीया २:३०

यसैया 5:20

आबी, मरिम्‍शो कली रिम्‍शो नु रिम्‍शो कली मरिम्‍शो देंबपुकी, छिङछिङ कली छेङछेङ नु छेङछेङ कली छिङछिङ देंबपुकी नु कशो कली जिज नु जिज कली कशो देंबपुकी श्‍येत जाइब बाक्‍नीनी।

यसैया 9:15

खाल्‍पा नु हुकुम पाइबपुकी पिया नम। जोल पा परमप्रभु यावे आ लोव़ पाइबपुकी चहिं मीलु नम।

इजीकीएल 5:1

मिनु मेकोमी “ए मुर, हेश्‍शो तरवार का शेवो। मिनु मेकोम चां प्रेक्‍ब आन छूरा खोदेंशो पा इ चां नु इ गल शोक्रे प्रेक्‍को। मिनु मेको नाक्‍चा कली नाक्‍तीक चाक्‍को। मिनु मेको चां आन कली भाग सां पा योक्‍को।

लेवी 13:28

तन्‍न मेको गार एर ओंथ मबारथु, सोव़ना सोव़न लशो बाक्‍त हना, मेको दुप्‍शो रे होम्‍शो ला बाक्‍ब। मिनु चढ़ेबमी मेको कली ‘ग्रांग्रा मदिशो बाक्‍ब’ देंचा माल्‍ब। मारदे हना, मेको दुप्‍शो गार आ खत ला बाक्‍ब।

लेवी 13:30

चढ़ेबमी मेको गार रिम्‍शो पा कोव़चा माल्‍ब। मिनु मेको कुशुल क्‍येङा लुक्‍च लशो बाक्‍त हना, नु मेको गार ङा चां हाव जिशो नु आइक्‍च बाक्‍त हना, चढ़ेबमी मेको कली ‘ग्रांग्रा दिशो बाक्‍ब’ देंचा माल्‍ब। मेको रक सुइब आ पिया ङा नु गाल शोक्रे ङा याक्‍सीब रोइ बाक्‍ब।

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

मत्ती 6:23

मिक्‍च ब्राब्रा दुम्‍शो बाक्‍त हना, इन रां नेल्‍ल छिङछिङ दुम्‍‍ब। इन रां ङा छेङछेङ नेल्‍ल छिङछिङ दुम्‍त हना, शुश छिङछिङ दुम्‍ब। यूहन्‍ना ११:१०