11 मेको शुश नाक्ती सम्म बाक्ब कुशुल ङा रोइ कोव़र बाक्ब। मिनु चढ़ेबमी मेको कली ‘ग्रांग्रा दिशो बाक्ब’ देंचा माल्ब। मेकोमी मेको कली तिल्शा वोइक्चा ममाल्ब। मारदे हना मेको ग्रांग्रा दिशो बाक्ब।
मिनु चढ़ेबमी मेको कली कोव़चा माल्ब। मिनु आ कुशुल बुश दुम्शा बोरशो बाक्त हना, नु मेको आ गार ङा चां बुश दुम्शा, बोरशो कुशुल ङा गारम श्ये तांइसाक्व हना,
मिनु मेको आ रोइ कुशुलम बारना बारन लशा, चढ़ेबमी कोव़ङानु, आ गार पिया रे खोइल सम्म बाक्त हना,
तन्न मेको कुशुल ङा बुश गार कुशुल लुक्च मलशो बाक्त हना, मिनु मेकेर वाशो चां यो बुश मदुम्शो बाक्त हना, चढ़ेबमी मेको रोइ पाइब मुर कली ७ नाक्त सम्म तिल्शा वोइक्चा माल्ब।