लेवी 12:8 - Sunuwar Bible

⁸ मिनु मेकोमी भेडा चाक्‍ने मचाप्‍बाक्‍त हना, ढुकुर निक्‍शी कि परवा निक्‍शी चाक्‍चा माल्‍ब। मेको का चोशा चढ़ेतीक नु का पाप आ पर्बम चढ़ेतीक बाक्‍ब। मिनु चढ़ेबमी मेको चढ़ेशा मेको आ पर्बम पाप क्‍याम्‍तीक गेय पचा माल्‍ब। मिनु मेको ग्रांग्रा मदिशो दुम्‍ब’ माइक्‍मी” देंत। लेवी ५:७; लूका २:२४

लेवी 12:8 ပူးပေါင်းရင်းမြစ်များ

लेवी 1:14

मिनु परमप्रभु यावे कली चोशा चढ़ेतीके चिक्‍ब बाक्‍तेक्‍म हना, ढुकुर कि परवा चढ़ेचा माल्‍नीम।

लेवी 12:7

मिनु चढ़ेबमी परमप्रभु यावे आ ङोंइती मेको चढ़ेशा, मेको आ पर्बम पाप क्‍याम्‍तीक गेय पचा माल्‍ब। मिनु मेको आ हुश यिशो रे चोव़खो दुम्‍ब। मेको मीश मुरुमी तौ कि तमी थिवा नोले, एको पचा माल्‍शो अरेतीक लोव़ बाक्‍ब।

लेवी 13:1

परमप्रभु यावेमी मोसा नु हारून आस कली गन्‍ती १२:१०-१२; ब्‍यवस्‍था २४:८-९; अय्‍युब १८:१३

लेवी 14:21

मिनु मेको मुर प्रुङग बाक्‍त हना, मोशो यो चाक्‍ने मचाप्‍बाक्‍त हना, मेकोमी आ पाप क्‍याम्‍तीक गेय आ पर्बम क्‍युक्‍शा हिम्‍शा चढ़ेचा कली सांड का नु अन्‍न चढ़ेचा कली तेलम निशो एफाह का के १० भाग थम रिम्‍शो फस नु लोग का तेल चाक्‍चा माल्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको के १० भाग २ लिटर नु इच्‍का खोइ बाक्‍ब। लोग आइक्‍च पुक्‍तीके का बाक्‍ब। मेको ०.३ लिटर रिक्‍ब।

लेवी 14:22

मिनु आ चाप्‍शो खोदेंशो पा परवा निक्‍शी कि ढुकुर निक्‍शी, का पाप आ पर्बम चढ़ेचा कली नु का चोशा चढ़ेचा कली चाक्‍चा माल्‍ब। लेवी ५:७

लेवी 15:14

मिनु मेकोमी ८ नाक्‍ती परवा निक्‍शी कि ढुकुर निक्‍शी कुरशा, परमप्रभु यावे आ ङोंइती ग्रुम्‍तीक ताम्‍बु आ ओव़तीक जाक्‍शा, मेको चढ़ेब कली गेचा माल्‍ब। लेवी ५:७

लेवी 15:15

मिनु चढ़ेबमी मेको का पाप आ पर्बम नु का चोशा चढ़ेतीक चढ़ेचा माल्‍ब। मोपा चढ़ेबमी मेको ग्रांग्रा दिशो यिशो मुर आ पर्बम परमप्रभु यावे आ ङोंइती पाप क्‍याम्‍तीक गेय पचा माल्‍ब।

लेवी 15:29

मिनु ८ नाक्‍ती मेकोमी ढुकुर निक्‍शी कि परवा निक्‍शी चाक्‍शा, ग्रुम्‍तीक ताम्‍बु आ ओव़तीक चढ़ेब आ ङोंइती जाक्‍चा माल्‍ब।

लेवी 4:26

मेको आ बोंसो नेल्‍ले चढ़ेतीक आ तार चोचा माल्‍ब। मेको दुशा बाक्‍तीक आ पर्बम चढ़ेशो बोंसो खोदेंशो पा चढ़ेतीकेमी चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब।

लेवी 5:11

तन्‍न ढुकुर निक्‍शी नु परवा निक्‍शी यो चाक्‍ने मचाप्‍तु हना, मेकोमी मार पाप पशो बाक्‍मे, मेको पाप आ पर्बम एफाह का ङा १० भाग थम रिम्‍शो फस चाक्‍चा माल्‍ब। मेकोमी मेको फस तार तेल लुक्‍चा नु धूप वोइक्‍चा मदुम्‍ब। मारदे हना मेको पाप आ पर्बम चढ़ेतीके बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा १० भाग २ लिटर नु इच्‍का खोइ खोदेंशो बाक्‍ब।

लेवी 5:7

तन्‍न मेकोमी भेडा चाक्‍ने मचाप्‍तु हना, मेको आ पशो पाप क्‍याम्‍तीक गेय पचा कली ढुकुर निक्‍शी कि परवा निक्‍शी परमप्रभु यावे आ ङोंइती चाक्‍चा माल्‍ब। मेको का पाप आ पर्बम चढ़ेचा कली नु का चोशा चढ़ेचा कली चाक्‍चा माल्‍ब।

मत्ती 21:12

मिनु येसु परमप्रभु यावे आ खिं ओव़त। मेकेर ग्‍याप्‍ब लेयब क्‍येट फाइक्‍ब आन कली खेरतीमी। क्‍येट फाइक्‍ब आन टेबल नु ढुकुर लेयब आन नित्‍तीके खोल्‍शा गेम्‍तीमी।

२ कोरिन्‍थी 8:9

मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। मत्ती ८:२०; फिलिप्‍पी २:७