लेवी 12:6 - Sunuwar Bible

⁶ मिनु मेको आ चोव़खेतीक गाम नाक्‍ती, तौ आ पर्बम बाक्‍त हना यो, तमी आ पर्बम बाक्‍त हना यो, मेकोमी चोशा चढ़ेचा कली बर्स का गाप्‍शो भेडा का नु पाप आ पर्बम चढ़ेचा कली ढुकुर का कि परवा का ग्रुम्‍तीक ताम्‍बु आ ओव़तीकेम बाक्‍शो चढ़ेब कली चाक्‍चा माल्‍ब।

लेवी 12:6 ပူးပေါင်းရင်းမြစ်များ

उत्पत्ती 15:9

मिनु मेकोमी “आं कली बर्स सां ङा बी का, बर्स सां ङा क्‍यारश का, बर्स सां ङा सांड का, ढुकुर का परवा आ चाइक्‍ब का चाक्‍ती” देंमाक्‍त।

लेवी 12:2

“इस्राएली आन कली ‘कोव़ज कुरशा तौ थीब मीश मुर ७ नाक्‍त सम्‍म ग्रांग्रा दिशो बाक्‍ब। मेको आ रां ब्रोल्‍म नाक्‍त ङा खोदेंशो पा ग्रांग्रा बाक्‍ब। लेवी १५:१९

लेवी 12:5

तन्‍न मेकोमी तमी थिप्‍तु हना, आ रां ब्रोल्‍म नाक्‍त ङा खोदेंशो पा १४ नाक्‍त सम्‍म ग्रांग्रा दिशो बाक्‍ब। मिनु आ हुश चोव़खेचा कली ६६ नाक्‍त दुम्‍चा माल्‍ब।

लेवी 12:7

मिनु चढ़ेबमी परमप्रभु यावे आ ङोंइती मेको चढ़ेशा, मेको आ पर्बम पाप क्‍याम्‍तीक गेय पचा माल्‍ब। मिनु मेको आ हुश यिशो रे चोव़खो दुम्‍ब। मेको मीश मुरुमी तौ कि तमी थिवा नोले, एको पचा माल्‍शो अरेतीक लोव़ बाक्‍ब।

लेवी 14:22

मिनु आ चाप्‍शो खोदेंशो पा परवा निक्‍शी कि ढुकुर निक्‍शी, का पाप आ पर्बम चढ़ेचा कली नु का चोशा चढ़ेचा कली चाक्‍चा माल्‍ब। लेवी ५:७

लेवी 15:14

मिनु मेकोमी ८ नाक्‍ती परवा निक्‍शी कि ढुकुर निक्‍शी कुरशा, परमप्रभु यावे आ ङोंइती ग्रुम्‍तीक ताम्‍बु आ ओव़तीक जाक्‍शा, मेको चढ़ेब कली गेचा माल्‍ब। लेवी ५:७

लेवी 15:29

मिनु ८ नाक्‍ती मेकोमी ढुकुर निक्‍शी कि परवा निक्‍शी चाक्‍शा, ग्रुम्‍तीक ताम्‍बु आ ओव़तीक चढ़ेब आ ङोंइती जाक्‍चा माल्‍ब।

गन्‍ती 6:10

मिनु मेकोमी ८ नाक्‍ती परवा हना यो, ढुकुर हना यो निक्‍शी ग्रुम्‍तीक ताम्‍बु ङा ओव़तीक चढ़ेब आ ङोंइती चाक्‍चा माल्‍ब। लेवी ५:७

लूका 2:22

मिनु चोव़खेतीक नाक्‍त जाक्‍मेनु, मोसामी ब्रेक्‍शो लोव़ टिशा, यरूसलेम सहर जाक्‍दीश्‍शा, आल कली परमप्रभु यावे आ खिं लाइश्‍शा “परमप्रभु यावे केन दुम्‍ल” देंशा, परवा आ चाइक्‍ब निक्‍शी चढ़ेम्‍से बाक्‍त। लेवी १२:१-४; गन्‍ती १८:१५

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

हिब्रू 7:26

इं ठेयब चढ़ेब दोदेंशो माल्‍शो बाक्‍त देंशा हना, पाप रे ङोन बाक्‍शो, दोस मताइब, रिम्‍शो थुं पाइश्‍शो, पापी रे दिल्‍शा बाक्‍शो, स्‍वर्गमी नेल्‍ल क्‍येङा ठेयब सेल्‍चा पुंइसीशो माल्‍शो बाक्‍त।